Свет

Невреме во Германија, 4 загинати, 50 исчезнати, поплави, урнати куќи

Апокалиптично деноноќие во Германија, неколкумина ги загубија животите, а десетици лица се водат за исчезнати. 

Луѓе се качуваат на кровови и чекаат да бидат спасени од поплавите, водата која што тече како река низ населбите сруши неколку куќи, а автомобилите ги носи по долж улиците како играчки. Граѓаните ги опишуваат страотните моменти од ужасните моменти од невремето.

-За половина час се направија реки, водата надојде одеднаш, навистина не сум видел вакво нешто, страшно беше./ Наеднаш надојде водата, за многу кратко време навлезе во мојот дом, длабочината ми беше некаде до половината./ Моравме да ја напуштиме куќата, уништено беше се, ќе одиме кај моите родители, затоа што тие живеат на повисоко место, па таму ќе бидеме посигурни.

Невремето и обилните дождови посебни ги погодија покраините Северна Рајна, Вестфаилија, Рајланд Пфалцм, но не ги одмина ниту Баден, Баварија и Саксонија, а повеќето населби се отсечени од светот. Според проценките на тамошните надлежни можно е да дојде до рушење на уште 20тина куќи. Интервенции се вршени од страна на пожарникарите, меѓу кои има и починати, а на терен е и војската за справување со природната катастрофа.

-На терен имаше многу екипи, тука беа пожарникарите, а државата мораше да ги испрати и вооружените сили на терен да помогнат во средување на ситуацијата,Хенинг Кеуне – Кризен Штаб - Хаген.

Железничкиот, речниот и патниот сообраќај се во прекин. И денеска се очекуваат обилни врнежи од дожд во југозападна Германија, а надлежните стравуваат дека катастрофата може да биде и поголема оти според метеоролошката служба дождот ќе врне до петок навечер.

Свет

Маж со мачета нападнал луѓе во североисточен Лондон

- Околу седум часот утрово, маж почнал да напаѓа луѓе со мачета во североисточен Лондон. Пред тоа со автомобилот удрил во куќа.

Лондонската служба за брза помош соопшти дека пет лица биле избодени со нож и пренесени во болници. Меѓу нападнатите наводно имало и двајца полицајци.

-Денеска околу 7 часот добивме пријава дека возило удрило во куќа во областа Тарлоу Гарденс. Имаше извештаи за избодени луѓе. Во овој момент знаеме дека осомничениот продолжил да напаѓа други припадници на јавноста и двајца полицајци, соопштија од полицијата.

Триесет и штестгодишниот напаѓач е уапсен, соопшти полицијата. Оттаму додаваат дека не веруваат дека напаѓачот имал помагачи, а истрагата за мотивите на нападот е во тек.

Македонија

РСБСП: Возете внимателно и одговорно за време на празниците

Во пресрет на празниците 1 Мај и Велигден, се очекува зголемување на фрекфенцијата во сообраќајот, патувања на подолги дестинации, излети во природа и дружења со семејството и пријателите.

Републичкиот совет за безбедност на сообраќајот на патиштата (РСБСП) ви ги честита празниците и упатува апел за внимателно и совесно учество во сообраќајот.

Со цел зачувување на безбедноста на секој учесник во сообраќајот РСБСП советува:

почитувајте ги сообраќајните правила и прописи и поставената сообраќајна сигнализација,

користете сигурносен појас,

возете одморени и правете почести паузи, особено кога патувате на подолги дестинации,

не управувајте со моторно возило доколку сте под дејство на алкохол,

возете со технички исправно возило,

прилагодете ја брзината според условите на патот и одржувајте безбедно растојание од другите возила,

не зборувајте на мобилен телефон додека возите,

внимавајте на секој учесник во сообраќајот.

Возете внимателно и одговорно! Безбедноста на секој учесник во сообраќајот е заедничка грижа. СРЕЌНИ ПРАЗНИЦИ!

Македонија

Вработените во ФЗО на предупредувачки протест

Вработените во ФЗО на предупредувачки протест, генерален штрајк ако не им бидат усогласени платите со растот на минималната плата.

работените во Фондот за здравствено осигурување денеска одржуваат предупредувачки протест со барање за усогласување на платите со растот на минималната плата. На протестот пред Фондот за здравство беше порачано дека доколку не им се исполни барањето од 1 јуни ќе стапат во генерален штрајк.

Бранко Аџигогов, претседател на Синдикалната организација на ФЗОМ, рече дека доколку до 15 мај не се преземе ништо првенствено ќе започнат секој ден во сите градови од еден до два часа со предупредувачки протести.

-На минатата седница од петокот нашата точка за усогласување на нашите плати согласно Законот за минимална плата беше одложена на неопределено време односно после изборите, како што знаете во изминатиот период, вработените штрајкуваа со цел да им остане иста платата, применетата одлука од Владата после штрајкот се однесува на тоа дека платите ни остануваат исти до 31 мај, времето се ситни и остануваат само уште 30 дена додека дознаеме колку ќе имаме ние плата, појасни Аџигогов.

Додаде дека станува збор за усогласување од 2 392 денари по лице и дека иако навидум делуваат како малку пари, се работи за законска обврска која мора да биде исполнета.

Дополнително, бараат да се донесе и вредносен бод, за да се зачуваат тие плати што ги имаат. Велат дека се разочарани од односот на управниот одбор на Фондот, бидејќи членовите според нив, не сакале да изгласаат порамнување на платата на состанок кој се одржал при крај на минатата недела, кога точката за усогласување на платите била отстранета од дневниот ред и оставена за после изборите.

-Ние сакаме да го предупредиме овој состав на управниот одбор да седне да си ја сработи својата работа и да ја донесе одлуката, да не не држи во неизвесност. Со оглед на тоа дека изјавиле дека немаат намера до формирање на нова влада да донесат одлука останува прашањето зошто управниот одбор воопшто постои, би било поетички да си дадат отказ и да дојдат лица кои ќе си ја сработат работата, посочи Аџигогов.

Вработените во ФЗОМ, исто така бараат Управниот Одбор на Фондот да биде целосно разрешен и да биде поставен нов, затоа што тројца од членовите биле пензионери и со истечени мандати.

Пред три месеци, Фондот за здравство стапи во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат.

притисни ентер