Невиден скандал! Британците простачки го навредија Новак - Канал 5

Забава

Невиден скандал! Британците простачки го навредија Новак

 Ѓоковиќ доживеал сè, но вакво нешто никогаш!

Невиден скандал! Британците простачки го навредија Новак

Новак Ѓоковиќ и британската спортска јавност некако не одат „рака под рака“ со години, но сега на Островот навистина претераа.

Како поинаку да се опише, освен како скандал, кога најголемите медиуми во Англија најдобриот тенисер на денешницата го нарекуваат идиот?

Поточно, "ковидиот"

И токму тоа го стори „Дејли Меил“, најтиражниот британски таблоид, кој одлучи своите традиционални „алтернативни спортски награди“ на крајот на годината да ги надополни со една нова, посветена на пандемијата во 2020 година.

Таа награда, „Ковидиот на годината“ – редакцијата на споменатиот таблоид ја додели на српскиот ас.

Еве го нивното објаснување за оваа одлука:

„Имаше неколку номинирани за нашата најголема награда,„ Ковидиот на годината“. Секоја недела се случуваше некоја спортска ѕвезда да ги прекши правилата за изолација поради коронавирусот, а предводници беа англиските фудбалери, вклучувајќи ги: Фил Фоден, Мејсон Гринвуд, Џек Грилиш, Кајл Вокер и Хадсон Одои, сепак, наградата í припаѓа на тениската sвезда, светски рекет број еден - Новак Ѓoковиќ.

Само Ѓоковиќ, човекот што предизвикува поделби (?!), може да го забие топчето во судиското лице, да биде исфрлен од УС Опен и да успее таквите настани да не бидат ни близу до неговиот најконтроверзен потег за оваа година. А тоа е кога Србинот ја организираше балканската тениска турнеја Адрија, за време на општата корона-изолација во јуни, поради што стигна на првото место на ранг-листата „Ковидиот“.

Во публиката немаше „социјално растојание“ и имаше снимки од забави на кои тенисерите уживаа во шармот на ноќните клубови, па затоа ретко кого изненади што вториот од четирите закажани турнири беше откажан бидејќи вирусот ги покоси натпреварувачите, вклучувајќи го и Новак, чија сопруга Јелена исто така беше заразена. За среќа, сите што беа заразени таму успеаја да закрепнат, а Новак Ѓоковиќ сепак го освои „трофејот“ поради целата ситуација “, се наведува во текстот на „Дејли Меил“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Невреме направи пустош на Крит- се урна мост, има повредени (ВИДЕО)

Силно невреме што ја погоди јужна Грција предизвика широко распространети поплави на Крит, при што две лица беа повредени кога се урна мост додека го преминувале во регионот Ретимно, соопштија локалните власти.

Невреме направи пустош на Крит- се урна мост, има повредени (ВИДЕО)

Повредениот пар патувал со автомобил преку мост во Ливадија, планинско село околу 40 километри југозападно од Ираклион, кога ненадејните поплави оштетија дел од структурата, објави Екатимерини.

Двајцата се однесени во болница на лекување, но нивната состојба сè уште не е позната. Бурата предизвика и прекин на електричната енергија, оставајќи ги Зонија, Ливадија и Аноигеја без струја.

Обилните дождови во планинскиот регион Милопотамос ги принудија властите да ги затворат сите училишта и градинки. Училиштата се затворени и во Ханија и Ретимно.

Градоначалникот Јоргос Кладос побара од министерот за климатски кризи и цивилна заштита, Евангелос Турнас, да прогласи вонредна состојба во општина Милопотамос поради обилните дождови што го погодија регионот, предизвикувајќи сериозни проблеми, главно во планинските села.

Во Зонијана, автомобили беа однесени од поројните дождови, според извештаите. Слична ситуација беше пријавена и во Ливадија, а патиштата низ Крит претрпеа големи штети.

Рано наутро беше упатен итен апел до граѓаните да ги ограничат своите движења и да ги избегнуваат областите околу Зониана, Ливадија и Милопотамос.

Фериботските услуги од атинските пристаништа Рафина и Лаврио се прекинати, а се очекува пристанишните власти подоцна во текот на денот да издадат ажурирање дали заминувањата можат да продолжат од пладне па натаму.

Националната метеоролошка служба (EMY) прогнозира нестабилно време во јужна Грција, особено на Крит, до недела, со силни ветрови во Егејското Море.

Тагови: Крит мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Сидни Свини сподели разголени снимки од одморот (ФОТО)

Врската помеѓу актерката Сидни Свини и музичкиот менаџер Скутер Браун се чини дека станува посериозна, а двојката повеќе не се обидува да ја крие својата љубов. 

Сидни Свини сподели разголени снимки од одморот (ФОТО)

Свини објави серија фотографии на социјалните мрежи во среда од одморот што го помина со Браун и пријателите.

Одмор на плажа

На една од фотографиите, 29-годишната ѕвезда од серијата „Еуфорија“ позира во црвен костим за капење сличен на оние што ги носат ѕвездите од серијата „Спасување“. На друга фотографија, Браун ја држи Свини во раце, без маица. Другите објави го прикажуваат двојката и нивните пријатели како скијаат на џет-ски, планинарат, танцуваат и гледаат огномет. „Кога твојот маж ќе те однесе до ѕвездите“, напиша Свини во описот на фотографијата.

Една година заедно

Двојката е заедно околу една година, а се запознаа на свадбата на Џеф Безос и Лорен Санчез. Свини покажа и дека нивната врска станува сериозна со неодамнешните промотивни фотографии за нејзината линија долна облека. На нив, таа носи златен ѓердан со два привезоци на кои се напишани иницијалите „S“ и „B“, кои се однесуваат на неа и 40-годишниот Браун.

Откако почнаа да се забавуваат минатата година, извор близок до двојката рече дека тие „се обидуваат да ја држат својата врска подалеку од очите на јавноста, но во исто време уживаат во времето поминато заедно“. Истиот извор додаде: „Тие не сакаат ништо да форсираат и само уживаат во времето поминато заедно“.

Минатиот декември имаше тврдења дека Свини и Браун се зближуваат. „Скутер и Сидни се во одлични односи. Нивната врска е стабилна и сериозна“, рече извор во тоа време.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитровски: Советничките прашања се инструмент за транспарентност на Советот

„Од формирањето на овој состав, правото да се практикува инструментот советнички прашања, како еден од принципите на транспарентност при управувањето е добро поставен и немам намера да дозволам, под разни притисоци овој инструмент да биде исклучен.“

Димитровски: Советничките прашања се инструмент за транспарентност на Советот

„Од формирањето на овој состав, правото да се практикува инструментот советнички прашања, како еден од принципите на транспарентност при управувањето е добро поставен и немам намера да дозволам, под разни притисоци овој инструмент да биде исклучен и со работата на Советот да биде скриен. Секој советник си носи одговорност пред јавноста за своето однесување и за своите дискусии и за своето молчење и можеби најважно од се, секој советник си носи одговорност за одлуките кои ги поддржува“, истакна Даме Димитровски претседател на Совет на Град Скопје на денешната седница.

Димитровски посочи дека седниците на Советот мора да бидат транспарентни со тоа што, правото за поставување прашања од страна на советниците не смее да се одземе ниту пак да се ограничи правото на градоначалникот да даде одговор на поставените прашања.

„Ние не можеме да дозволиме да не бидат седниците на Советот транспарентни и мора да бидеме одговорни за своите постапки. Најпрво, не смееме да им го одземеме правото на советниците да поставуваат прашање и второ не смееме да му го ограничиме правото на градоначалникот да даде одговор на поставеното прашање“, рече Димитровски, се наведува во соопштението на ВМРО-ДПМНЕ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер