Живот

Невеста се покајала по 70 секунди откако се омажила- и матичарката се шокирала од младоженецот

Свадба е денот кога двајца луѓе ја крунисуваат својата љубов со стапување во брачна заедница, согласни да бидат верни, грижливи и да споделуваат добро и лошо.

Меѓутоа, една жена раскажала приказна од својата венчавка и рекла дека 70 секунди по судбоносното „да“ зажалила и се разочарала од сопругот поради двата збора што ѝ ги кажал, објави британски Сан.

Таа верува дека нејзиниот избраник успеал да ѝ го „уништи најубавиот ден во животот“ и дека никогаш нема да го заборави.

-Мојот сопруг ни го уништи денот на свадбата, а оваа приказна ме прогонува веќе 11 години. Сакам само да раскажам. Никогаш не сакав голема свадба. Никогаш не сакав луѓето да ме гледаат како одам до олтарот или нешто слично. Така штотуку отидовме во матичната служба. Се чувствував добро и многу среќна. Бевме во брак околу 60 секунди кога матичарката рекла: „Сакам да ги правам овие церемонии и би била среќна ако се вратите да ме видите за 10 години и да ми кажете дека сѐ е во ред“. - започнала таа.

Кога го кажала ова, невестата одговорила дека тие би сакале да го направат тоа и на шега додала: „Се надевам дека ќе ме собере во истиот фустан“. Таа не се надевала дека нејзиниот сопруг ќе има што да додаде на нејзината необична шега, но уште помалку се надевала дека тоа што го додал може да уништи сè.

Таа наведува дека тоа што го кажал оставило таков белег на целата церемонија што брзо се разочарала и сакала да заплаче.

- Тоа е како шега што го реков - се надеваш дека сепак можеш да се собереш во венчаницата. Мојот сопруг не чекаше ни секунда и додаде „или помал (фустан)“. Тој индиректно мислеше дека треба да ослабам. Најпрво умрев внатре. Замрзнав како статуа. Се чувствував како да не можам ни да дишам. Во таа секунда навистина не сфатив колку е лошо.

Само зјапав во неговото лице, барајќи индиции за каење. Тој не се смееше. Срцето ми беше скршено. Погледнав во матичарката - жената што нѐ венча пред помалку од две минути - и таа беше зачудена.

Таа му рекла: „Сине, штотуку се ожени“. Тогаш сфатив – „Не сум луда, мојата интуиција е во право, ова е навистина лошо“.

Таа додаде дека останала со него една деценија, пред нејзиниот сопруг да поднесе барање за развод. Додала дека останала, но дека не сака повеќе да снима за бракот, бидејќи тоа ѝ била сосема друга, тешка тема.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец затоа што предизвикал пожар во скопско, следува соодветна пријава

По целосно документирање на случајот ќе следува соодветен поднесок.

На 23.06.2026 во 17:35 часот во Скопје, на подрачјето на Бит Пазар, полициски службеници од СВР Скопје го лишија од слобода Д.У.(43) од Скопје, лице со здравствени проблеми, постапувајќи по претходна пријава дека во с.Горно Оризари, скопско, предизвикал пожар во плевна со сено. Нема повредени лица, а Бригадата за противпожарна заштита Скопје го изгаснала пожарот. По целосно документирање на случајот ќе следува соодветен поднесок.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветаноски: Распад на здравството, толку нема пари што животот на децата со имунилошки болести е загрозен

Животот на децата со имунолошки болести е загрозен, поради административен и институционален хаос на власта на Мицкоски.

Нема медицински кадар на Детската клиника.

Распад на здравствениот систем кој не може ниту за здравјето на децата да се грижи.

Цената за потрошените пари во буџетот сега треба да ја платат дечињата?

Кочоска се правда дека доцна пристигнало барањето за согласност за вработување. Па зошто порано не се надминале административните пречки, особено кога се работи за живот на деца?

Вистината е дека согласности за вработување имало, и се барале дури од почетокот на оваа година, ама од финансии доцнел четири месеци.

Нема пари во Буџетот за нови вработувања, затоа што на оваа криминална и расипничка власт не и гиржа за здравјето на граѓаните, ниту за најмладите.

Овој хаос и неодговорност, оваа немаштија е на штета на децата. Детски животи се во прашање.

Каде ќе се лекуваат сега овие деца со специфична болест која бара редовна контрола и терапија?

Кој ја сега дели терапијата? Што треба да се случи, да почине дете поради административни пречки? Кој тогаш ќе понесе одговорност?

Ова е цената на неодговорните и расипнички политики на ВМРО и Мицкоски. Кризата со немањето пари во Буџеттот граѓаните ја чувствуваат и по цена на живот.

СДСМ бара веднаш да се најде решние, да се обезбедат соодветни вработувањата и да се обезбеди здравствена заштита на Детска клиника.

Скраете тендери дајте пари за дечињата.

Симона Цветаноски – членка на ИО на СДСМ

Тагови: Цветаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Специјалниот бугарски пратеник Филипче наместо молк, да го осуди преседанот во дипломатијата

Специјалниот бугарски пратеник Филипче наместо молк, да го осуди преседанот во дипломатијата откако преку неговите партнери од Бугарија излезе дипломатска нота со која се наруши безбедноста на претседателот Мицкоски

Специјалниот бугарски пратеник Филипче наместо молк, да го осуди преседанот во дипломатијата, откако преку неговите партнери од Бугарија излезе дипломатска нота со која се наруши безбедноста на претседателот Мицкоски.

Политичките партнери на Филипче, бугарските власти предводени од Румен Радев, кои ни го негираат македонскиот идентитет, јазик, култура и историја направија дипломатски преседан со објавување на дипломатска нота, со којашто директно се нарушува безбедноста на семејството на претседателот Мицкоски.

Документот за којшто се уште нема извинување од официјална Софија, објавен е на социјалната мрежа Фејсбук, во којшто јасно се гледаат детали околу информациите за службените возила, имињата на патниците, местото во кое е сместено семејството на претседателот Мицкоски, како и радиофрекфенцијата на која комуницирале обезбедувањето.

Овие сигнали којшто ги испраќа Бугарија даваат јасен знак дека патот за Македонија во ЕУ нема да биде лесен, туку ќе биде испреплетен и полн со предизвици и притисоци.

И наместо осуда од специјалниот бугарски пратеник во Македонија, Венко Филипче, тој молчи и продолжува да соработува со оние коишто не не признаваат, а тоа се властите во Бугарија предводени од Румен Радев.

Македонија нема да се предаде и откаже. Ваквите притисоци и уцени од соседна Бугарија ни даваат само поголем мотив на чесен, достоинствен и исправен начин да се трудиме да бидеме дел од европското семејство.

Бране Петрушевски, пратеник на ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.