Невеста добила порака од шефот на денот на венчавката - сѐ било уништено со 4 збора (ВИДЕО)

Млада Британка во „The Ben Askins Show“ откри необична приказна што ги шокирала водителот и гледачите.

Таа објасни како пораката на нејзиниот работодавец во WhatsApp „го уништила најубавиот ден во нејзиниот живот“, кој го организирала заедно со младоженецот на Кипар.

Девојката уживала на свадбениот дочек со својот сакан, семејството и гостите кога добила порака од шефот, пренесува NDTV.

„Сите во друштвото знаеја дека се мажам и дека сме отпатувале. Шефот ја започнал пораката со зборовите: „Се надевам дека свадбата помина добро и вие сте добро“. Не се посомневав во ништо, па продолжив да читам“, објаснила таа.

Потоа следеше шокантен пресврт, а шефот напишал: „Само сакав да ти кажам дека си отпуштена. На вашата лична адреса е испратена е-пошта со сите детали. Навистина ми е жал и ти посакувам сѐ најдобро во понатамошната кариера“.

Девојката објаснила дека не го држела телефонот за време на церемонијата, а кога подоцна сакала да ги погледне пораките, очекувала честитки.

„Прво забележав дека сум избркана од сите компаниски групи. Не разбрав што се случува. Тогаш ја видов пораката на шефот. Моите пријатели седеа до мене додека се тресев“, откри таа во емисијата.

Во официјалниот мејл било наведено дека „не ги оправдала очекувањата“, но девојката тврди дека никогаш не добила приговори за нејзината работа.

„Пред извесно време вработија едно лице и гледајќи наназад, мислам дека тоа беше мојата замена цело време“, рече таа.

Од домашно производство е 91.5 % од потрошената струја во април

Според податоците на Државниот завод за статистика, во април 2024 година, вкупната потрошувачка по видови енергенти изнесува: 437 116 МWh електрична енергија, 12.002 мил. нм3 природен гас, 415 631 тони јаглен и 85 745 тони нафтени продукти.

Бруто-домашното производство на електрична енергија учествува со 91.5 % во бруто-домашната потрошувачка на електрична енергија, додека 99.9 % од вкупната потрошувачка на јаглен се употребени за производство на електрична енергија.

Стопанска комора: Власта е најголем подмитувач на бизнисот

Власта е најголем подмитувач на бизнисот, на пет компании им биле побарани преку 100 000 евра.

Централната власт е најголем подмитувач на бизнисот. Најчесто се обидува да го корумпира индиректно, а главно му бара пари, процент од тендери, нечие вработување или унапредување, донација за политичка партија, подароци или услуги. Повеќето компании тоа не го пријавуваат, дел сметаат дека ќе пропаднат, а дел не веруваат дека ќе има каков било ефект. Ова го покажува анкетата што ја спроведе Стопанската комора во март годинава, а се однесува на 2023 година.

Според податоците, на пет компании им биле побарани преку 100 000 евра, а на другите од кои исто така се барале пари, 1 000 - 10 000 евра. Од некои, пак, што учествувале на тендер, се барале 6 - 10 отсто од износот на тендерот.

Вкупно 61 отсто од фирмите се соочиле со корупција два до пет пати во текот на годината, а повеќе од 20 отсто еднаш. Притоа, ниту едно коруптивно барање не е пријавено во постапка на Јавното обвинителство или кога некој вршел ревизија, во такви случаи немало нудење мито.

Од оние што не прифатиле коруптивно барање, 48 проценти рекле дека имале последици врз бизнисот. Тоа било најзиразено преку пролонгирање на нивните активности.

-Според 78 отсто од компаниите коруптивното барање дошло од централната власт, а според 22 процента, од локалната власт. Најчестиот облик на корупција биле пари, подарок или услуга, а обидот за нудење мито бил во постапка на добивање дозвола или одобрение, при инспекциски надзор, царинска или тендерска постапка, даночна, судска, катастарска,... Две третини од компаниите се соочиле индиркетно со корупција, им било дадено до знаење дека нешто се очекува. Веројатно и јавниот сектор е внимателен. Но, од 51 одговор, 31 компанија рекла дека ништо не презела. Дел велат дури и „нормално е нешто да се даде“, а многу мал дел пријавиле кај претпоставениот во јавниот сектор. Според компаниите, нема пречки за да пријават корупција, меѓутоа некои не веруваат дека ќе има каков било ефект, а некои се плашат дека тоа ќе има последици врз нивното работење. Многу малку од оние што се соочиле со корупција, пријавиле, се бројат на прсти, рече потпретседателот на Комората, Зоран Јовановски.

Согласно анкетата, 30 проценти од компаниите сметаат дека ќе пропаднат ако не прифатат мито, 35 отсто велат дека прифаќањето би им помогнало, но и дека нема да пропаднат ако не прифатат, додека 30 проценти оценуваат дека нема никакво значење дали ќе прифатат мито или не.

- Повеќето компании мислат дека судскиот систем е неефикасен, дека во власта има поединци кои сакаат брзо да се збогатат, дека владее морална криза во општеството, како и дека законите не се применуваат. Вкупно 42 одговори од компаниите биле дека нема ефикасна заштита за оние што пријавуваат мито, а 23 одговори рекле дека се ниски платите на службениците во јавниот сектор, што, според приватниот сектор, е една од причините зошто има корупција, истакна Јовановски.

За 83,3 отсто од компаниите корупцијата е еден од најголемите проблеми во земјата кои мора веднаш да се решат, а 96 проценти веруваат дека може да има успех во борбата против корупцијата.

-Дел од компаниите предлагаат да се зголемат казните за коруптивните дела, Јавното обвинителство да има обврска во разумен рок да се произнесе за пријавите кои ги добива од Антикорупциската комисија, да се зголеми свесноста на сите граѓани и да се зголеми интегритетот во работењето на бизнисот, дополни Јовановски, додавајќи дека компаниите би прифатиле кодекс на етичко однесување кој би го изработила Комората, а би потпишале и декларација за етички принципи.

Тој најави дека Стопанската комора во наредните 12 месеци, во рамки на проектот „Граѓаните против корупцијата“, ќе потпише меморандум за соработка со Антикорупциската комисија, ќе реализира обуки и работилници за компании и ќе изготви кодекс за етичко однесување.

Анкетата е спроведена во март, електронски, а се однесува на 2023 година. Одговориле 138 компании, од кои 75 целосно, на сите прашања. Седиштата на компаниите кои одговориле, се во 25 општини низ државата, главно урбани, а работат во 48 дејности. Две тртетини се фокусирани на домашниот пазар, а една третина се извозници, но вклучени биле и фирми кои не се членки на Комората.

Нова рунда дијалог меѓу Белград и Приштина на високо ниво утре во Брисел

 Нова рунда дијалог меѓу Белград и Приштина на високо ниво, во која ќе учествуваат претседателот на Србија Александар Вучиќ и премиерот на Косово, Албин Курти, ќе се одржи утре во Брисел.

Домаќин на состанокот ќе биде високиот претставник на ЕУ за надворешни работи и безбедносна политика, Жозеп Борел, а во дијалогот ќе учествува и специјалниот пратеник на ЕУ за дијалогот меѓу Белград и Приштина, Мирослав Лајчак.

На состаноците ќе се разгледа тоа што е постигнато досега во дијалогот што го води високиот претставник и ќе се фокусира на патот за напредок, соопшти Европската служба за надворешни работи.

притисни ентер