Балкан

Неверојатно- Турција годинава била погодена од 53.262 земјотреси, во просек 6 пати на час

Турција годинава беше погодена од вкупно 53.262 земјотреси, во просек по шест земјотреси на секој час, што ја прави втора највисока година по земјотреси во земјата, по 2023 година.

Турција годинава беше погодена од вкупно 53.262 земјотреси, во просек по шест земјотреси на секој час, што ја прави втора највисока година по земјотреси во земјата, по 2023 година, изјави Булент Озмен, професор на Универзитетот Гази во Анкара.

Според него, во 2025 година се регистрирани 437 земјотреси со магнитуда поголема од 4 степени според Рихтеровата скала, од кои 412 биле помеѓу 4 и 5, 20 помеѓу 5 и 6, а пет земјотреси биле помеѓу 6 и 6,9.

„Овие податоци покажуваат дека во просек, Турција доживува еден земјотрес со магнитуда од 4 степени секој ден, земјотрес со магнитуда од 5 или поголема на секои 15 дена и земјотрес со магнитуда од 6 или поголема на секои 73 дена. Ова значи дека земјата е погодена од просечно околу шест земјотреси на час, или 146 дневно“, изјави Озмен за агенцијата Анадолија.

Најзначајниот земјотрес во годината, рече тој, бил земјотресот со магнитуда од 6,2 степени што го погоди Силиври на 23 април, кој, според него, уште еднаш потврди дека сеизмичкиот ризик во Истанбул е сè уште висок.

Како друга важна серија земјотреси, тој ги издвои двата земјотреси со магнитуда од 6,1 степени што го погодија Синдреги на 10 август и 27 октомври.

Од 10 август до денес, во таа област се регистрирани околу 21.000 земјотреси, што може да се смета за најголем број земјотреси некогаш регистрирани во еден округ во Турција.

Озмен предупреди дека во Турција сè уште има голем број згради кои не се отпорни на земјотреси, наведувајќи дека дури и земјотресите со магнитуда над 5 степени понекогаш предизвикуваат сериозни штети, поради што, како што истакна, е потребно да се забрзаат проектите за реконструкција.

Три лица загинаа во земјотреси во текот на 2025 година, додека 594 лица беа повредени, при што сите повреди, како што наведе, се резултат на паника.

Озмен оцени дека овие податоци јасно укажуваат на потребата од зголемување на бројот на едукации за однесување во итни ситуации, кои треба да ги спроведуваат професионални и квалификувани лица.

Тагови: земјотреси турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец затоа што предизвикал пожар во скопско, следува соодветна пријава

По целосно документирање на случајот ќе следува соодветен поднесок.

На 23.06.2026 во 17:35 часот во Скопје, на подрачјето на Бит Пазар, полициски службеници од СВР Скопје го лишија од слобода Д.У.(43) од Скопје, лице со здравствени проблеми, постапувајќи по претходна пријава дека во с.Горно Оризари, скопско, предизвикал пожар во плевна со сено. Нема повредени лица, а Бригадата за противпожарна заштита Скопје го изгаснала пожарот. По целосно документирање на случајот ќе следува соодветен поднесок.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветаноски: Распад на здравството, толку нема пари што животот на децата со имунилошки болести е загрозен

Животот на децата со имунолошки болести е загрозен, поради административен и институционален хаос на власта на Мицкоски.

Нема медицински кадар на Детската клиника.

Распад на здравствениот систем кој не може ниту за здравјето на децата да се грижи.

Цената за потрошените пари во буџетот сега треба да ја платат дечињата?

Кочоска се правда дека доцна пристигнало барањето за согласност за вработување. Па зошто порано не се надминале административните пречки, особено кога се работи за живот на деца?

Вистината е дека согласности за вработување имало, и се барале дури од почетокот на оваа година, ама од финансии доцнел четири месеци.

Нема пари во Буџетот за нови вработувања, затоа што на оваа криминална и расипничка власт не и гиржа за здравјето на граѓаните, ниту за најмладите.

Овој хаос и неодговорност, оваа немаштија е на штета на децата. Детски животи се во прашање.

Каде ќе се лекуваат сега овие деца со специфична болест која бара редовна контрола и терапија?

Кој ја сега дели терапијата? Што треба да се случи, да почине дете поради административни пречки? Кој тогаш ќе понесе одговорност?

Ова е цената на неодговорните и расипнички политики на ВМРО и Мицкоски. Кризата со немањето пари во Буџеттот граѓаните ја чувствуваат и по цена на живот.

СДСМ бара веднаш да се најде решние, да се обезбедат соодветни вработувањата и да се обезбеди здравствена заштита на Детска клиника.

Скраете тендери дајте пари за дечињата.

Симона Цветаноски – членка на ИО на СДСМ

Тагови: Цветаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Специјалниот бугарски пратеник Филипче наместо молк, да го осуди преседанот во дипломатијата

Специјалниот бугарски пратеник Филипче наместо молк, да го осуди преседанот во дипломатијата откако преку неговите партнери од Бугарија излезе дипломатска нота со која се наруши безбедноста на претседателот Мицкоски

Специјалниот бугарски пратеник Филипче наместо молк, да го осуди преседанот во дипломатијата, откако преку неговите партнери од Бугарија излезе дипломатска нота со која се наруши безбедноста на претседателот Мицкоски.

Политичките партнери на Филипче, бугарските власти предводени од Румен Радев, кои ни го негираат македонскиот идентитет, јазик, култура и историја направија дипломатски преседан со објавување на дипломатска нота, со којашто директно се нарушува безбедноста на семејството на претседателот Мицкоски.

Документот за којшто се уште нема извинување од официјална Софија, објавен е на социјалната мрежа Фејсбук, во којшто јасно се гледаат детали околу информациите за службените возила, имињата на патниците, местото во кое е сместено семејството на претседателот Мицкоски, како и радиофрекфенцијата на која комуницирале обезбедувањето.

Овие сигнали којшто ги испраќа Бугарија даваат јасен знак дека патот за Македонија во ЕУ нема да биде лесен, туку ќе биде испреплетен и полн со предизвици и притисоци.

И наместо осуда од специјалниот бугарски пратеник во Македонија, Венко Филипче, тој молчи и продолжува да соработува со оние коишто не не признаваат, а тоа се властите во Бугарија предводени од Румен Радев.

Македонија нема да се предаде и откаже. Ваквите притисоци и уцени од соседна Бугарија ни даваат само поголем мотив на чесен, достоинствен и исправен начин да се трудиме да бидеме дел од европското семејство.

Бране Петрушевски, пратеник на ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.