Неверојатно чудо во Тимјаник: По седум години молк, детето изговори „Кажи мамо“ пред света икона! - Канал 5

Македонија

Неверојатно чудо во Тимјаник: По седум години молк, детето изговори „Кажи мамо“ пред света икона!

Екипата на Здраво Македонијо, од Канал 5, го посети Неготно, с.Тимјаник за да ја раскажеме приказната за чудотворната икона на Пресвета Богородица - Скоропослушничка која пристигна во црквата ,,Рождество на Пресвета Богородица " во Тимјаник.

Неверојатно чудо во Тимјаник: По седум години молк, детето изговори „Кажи мамо“ пред света икона!

Илјадници православни верници од Тимјаник од општина Неготино и регионот на повардарието посведочија за чудотворната икона на Пресвета Богородица во црквата во Тимјаник, за добрите дела и за надежта која ја врати меѓу луѓето. Иконата, од манастирот Дохијар на Света Гора ја донесоа монаси од овој манастир до влезот на Тимјаник, од каде што со литија беше донесена во црквата ,,Рождество на Пресвета Богородица".

Сите Македонци имаат можност да се поклонат пред чудотворната икона на Мајка Богородица.

Kаде истата има помогнато на кои семејства и кои чуда се имаат случено ни споделува Игор Костов, претседател на одбор на црквата ,,Рождество на Пресвета Богородица".

„Ова се случи на 14 мај 2023 година, со голема благодарност кон нашите соселани, кои сега ќе ги споменам: Илија Јанчев, Зоки Панов, Игор Панов, Трајче Наков и Мите мајсторот. Благодарение на овие пет лица, наши соселани, и со благослов од Игуменот на Света Гора и Манастирот Света Гора, во нашето село беше донесена икона.“

Од 2023 година се случија многу чуда пред оваа икона, а најпрвиот случај беше дете со проблеми со говорот, кое по седум години борба, првите два збора што ги изговори беа: „Кажи мамо“.

„Детето беше донесено пред иконата, потоа заспа, а по будењето, првите зборови беа „Кажи мамо“ – и тоа пред иконата Мајка Богородица Скоропослушничка. Тоа е многу голем чин за семејството кое ја чекало седум години да каже барем еден збор.“

„Имаше случаи кога семејство од Кавадарци со години чекало да добие дете, биле на многу места, нема каде не биле. По 17 години жена останала во блажена состојба, детето се роди, а годинава детето беше крстено овде – рече тој.“

YouTube video

Тагови: Неготино Рождество на Пресвета Богородица Чудо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер