Балкан

Неверојатни сцени пред Острог: Луѓе од различни вери се собраа пред манастирот (ВИДЕО)

Манастирот Острог, вграден во карпите на црногорските планини, е едно од најпосетуваните православни светилишта на Балканот.

Секоја година, а особено на 12 мај, кога се слави Свети Василиј Острошки, илјадници верници од целиот свет доаѓаат да му се поклонат на светецот за кого се верува дека прави чуда и носи исцеление.

Ходочасниците, многумина боси и во тишина, се искачуваат по стрмнината до манастирот, носејќи со себе завети, надежи, солзи и молитви. Некои минуваат стотици километри пеш, верувајќи дека нивната жртва ќе биде услишена. Меѓу нив има тешко болни, родители кои се молат за здравје на своите деца, жени кои посакуваат мајчинство, како и оние кои бараат внатрешен мир.

Денес, 12 мај, го славиме Свети Василиј Острошки

Пред белите ѕидови на Острог, вградени во литицата, се собираат различни животи и судбини, сите со иста молитва: „Свети Василиј Острошки, помогни.“

Дека и оваа година не е исклучок сведочи видео објавено на Инстаграм профилот „Подгорички времеплов“ каде јасно се гледаат бескрајни колони луѓе кои одат кон манастирот и многумина кои преноќиле таму за да се помолат на Свети Василиј.

„Денес, 12 мај, го славиме Свети Василиј Острошки, нашиот најголем светител и заштитник. Неговите мошти почиваат во манастирот Острог, место каде со векови се собираат верници од различни вери и народи, барајќи утеха, исцеление и благослов. Свети Василиј е роден во 1610 година во селото Мркоњиќи, а целиот свој живот го посветил на верата, молитвата и заштитата на народот.

Острог денес не е само духовен центар на Црна Гора, туку и место на чуда, надеж и заедништво, каде доаѓаат и православни, и католици, и муслимани.

На овој ден, илјадници луѓе му упатуваат молитви на Свети Василиј, благодарејќи му за чудата и силата што им ја дава на сите кои му се обраќаат. Неговото име е симбол на верата, надежта и љубовта, а манастирот Острог останува светилник на духовноста за сите генерации.

Нека ни биде Свети Василиј заштитник и застапник пред Бога — вечна му слава и благодарност!“ — стои во објавата.

Прикажи ову објаву у апликацији Instagram

Објава коју дели Подгорички времеплов (@podgoricki_vremeplov)

Тагови: манастирот Острог

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот.

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

baby > raccoon https://t.co/iDdwfmMcO8 pic.twitter.com/B6l2gc3e22
— Minnesota United FC (@MNUFC) August 23, 2026

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.