Неверојатен метеорски дож в четврток навечер- на секој час ќе паѓаат по 150 ѕвезди

Метеорскиот дожд Геминиди може да се види на ноќното небо од 4 до 20 декември, но во четврток ќе го достигне врвот и ќе го осветли небото – покрај нас ќе летаат до 150 „ѕвезди кои паѓаат“ на секој час.

Кралицата на метеорскиот дожд ќе биде видлива од цела Европа, а својот врв ќе го достигне на 14 декември во 20:27 часот по средноевропско време.

Бидејќи Месечината ќе биде млада и под хоризонтот, месечевата светлина нема да влијае на метеорскиот дожд. Иако светлосното загадување може да влијае на погледот, а многу ќе зависи и од облаците на небото, се верува дека условите за гледање се идеални.

Геминидите се еден од најсигурните големи метеорски дождови. За разлика од Персеидите или Леонидите, кои се познати со векови, Геминидите првпат биле забележани во триесеттите години на 19 век. Додека повеќето дождови од метеори имаат комета како нивно родителско тело, Геминидите споделуваат два орбитални елементи со астероидот 3200 Фаетон. Сепак, не е јасно дали Фаетон е родителското тело на Геминидите или тоа произлегло од друго тело, од кое исто така потекнуваат Геминидите.

- За разлика од кометите, астероидите не развиваат опашка кога се приближуваат до Сонцето и нивниот состав е различен. Сепак, научниците сè уште не знаат дали Фаетон е астероид - иако е изграден како астероид, тој не се движи како таков. Неговата орбита е многу елипсовидна, како да е комета, поради што некои научници мислат дека станува збор за сосема нова класа на небесни тела - карпеста комета - објасни Кралскиот музеј на Гринич, пишува Дејли мејл.

Метеорите се многу светли и необични по тоа што имаат повеќе бои. Додека обичните ѕвезди кои паѓаат се претежно бели, овде може да се видат жолти, зелени, црвени и сини метеори.

Кина бара од Меѓународниот суд на правдата да се изјасни за израелската окупација

Правниот советник на кинеското Министерство за надворешни работи Ма Синмин денеска побара од Меѓународниот суд на правдата во Хаг да се изјасни за израелската окупација на палестинските територии, за која посочи дека е незаконска.

- Поминаа 57 години од почетокот на израелската окупација. Нелегалната природа на окупацијата и суверенитетот над окупираните територии остануваат непроменети, истакна Ма пред судот во Хаг, кој сослушува аргументи од повеќе од 50 земји оваа недела, откако во 2022 година Генералното собрание на Обединетите нации побара Судот да даде свое необврзувачко мислење за правните последици од израелската окупација.

Сослушувањата се дел од напорите на Палестинците да ги натераат меѓународните правни институции да го истражат однесувањето на Израел, особено по нападот на Хамас врз Израел на 7 октомври и воениот одговор на израелската армија во кој загинаа најмалку 29.000 Палестинци во Појасот Газа.

Израел, кој не учествува во дискусиите, во писмен коментар рече дека мешањето на судот може да биде штетно за евентуалното постигнување договор.

Палестинските претставници во понеделникот (19 февруари) побараа од судиите да ја прогласат окупацијата на Израел за нелегална, додавајќи дека нивното мислење може да помогне да се постигне решение за две држави. Се очекува дека на судиите ќе им требаат околу шест месеци за да донесат одлука за израелската окупација.

Привршува реконструкцијата на внатрешноста на спортската сала во Куманово

Привршува внатрешната реконструкција на спортската сала во Куманово, соопштија денеска надлежните од општина Куманово.

- Во тек е финално машинско чистење на подот пред местење на паркет. Во моментов се нанесува епоксиден материјал на подовите на трибините во спортската сала. Следува местење на паркет, информираше кумановскиот градоначалник, Максим Димитриевски.

Општината одвои скоро 14 милиони денари за реконструкцијата на дел од столарија, надворешното и внатрешното уредување на салата.

Во септември, лани почна уредувањето на салата за бокс во внатрешноста на објектот. Спортската сала во Куманово се реконструира етапно. Изминативе години почна делумна реконструкцијата на трибините. Кон крајот на декември, 2021 заврши пак санацијата на кровната конструкција на спортската сала која се спроведуваше преку проект од програмата за регионален развој на Министерството за локална самоуправа и Бирото за рамномерен регионален развој од 2020 година со учество на општина Куманово. За проектот беше потпишан договор за градба, средствата во вредност од 23 милиони 430 илјади денари беа обезбедени преку програмата, а општината учествува со 830.000 денари, соопштија тогаш надлежните од Центарот за развој на североисточниот плански регион. Спортската сала е еден од четирите големи спортски објекти, Соколана, градски стадион и стрелиште кои Владата ѝ ги врати во владение на општина Куманово.

Шин Бет пет пати барала дозвола од израелската Влада за убиство на лидерот на Хамас, Синвар

Шин Бет пет пати барала дозвола од израелската Влада за убиство на лидерот на Хамас, Јахја Синвар

Откако лидерот на Хамас во Појасот Газа, Јахја Синвар, во 2011 година беше ослободен од израелски затвор, израелската безбедносна служба Шин Бет постојано се обидуваше да добие одобрение од владата да го убие, пишува новинар од израелскиот весник „Једиот Ахронот“ (Yediot Achronot).

Израелскиот премиер Бенјамин Нетанјаху пет пати стави „вето“ за атентат врз Синвар за да избегне војна со Хамас, објави денеска новинарот Надав Ејал, пренесе Бета.

За време на неговиот мандат, идејата ја разгледа и поранешниот израелски премиер Нафтали Бенет.

По нападот на палестинските екстремисти во мај 2022 година во градот Елад во Израел, Шин Бет повторно предложи план за убиство на лидерот на Хамас, но израелската армија се спротивстави.

Тогашниот министер за одбрана на Израел, Бени Ганц, исто така, се спротивстави на убиството, сметајќи дека Хамас бил заплашен.

Новинарот Ејал не наведува извори, но други израелски медиуми коментираат дека Шин Бет го обвинува политичкото раководство за војната што изби на 7 октомври меѓу Израел и Хамас.

Синвар беше ослободен како дел од размената на 1.000 палестински затвореници за израелскиот војник Гилад Шалит, кој беше заробен во Газа повеќе од пет години.

притисни ентер