Неуспехот на ракетата на Маск предизвика досега невиден феномен (ВИДЕО) - Канал 5

Технологија

Неуспехот на ракетата на Маск предизвика досега невиден феномен (ВИДЕО)

Кога џиновската ракета „Старшип“ на Илон Маск беше лансирана во ноември 2023 година, таа беше највисоката и најмоќната ракета некогаш изградена.

Неуспехот на ракетата на Маск предизвика досега невиден феномен (ВИДЕО)

Приближно 2 минути и 40 секунди по лансирањето, моторот „Супер Тежок“ се одвои од вселенскиот брод и експлодираше на надморска височина од 90 километри. Главното јадро на вселенскиот брод продолжи да се искачува на 149 километри и исто така експлодираше.

Но ракетата SpaxeX не само што собори разни рекорди, туку го сруши и самото небо, пренесе Јутарњи.

YouTube video

Имено, научниците откриле дека суровата моќ на ракетата SpaceX привремено ги разделила горните слоеви на атмосферата и создала феномен што никогаш порано не бил виден.

Експлозијата на главното јадро била толку моќна што создала дупка во јоносферата - слој од атмосферата што содржи електрони и електрично наелектризирани атоми и молекули, што е клучно за радиокомуникацијата и сателитските сигнали.

Според научниците, ова е прв пат во историјата катастрофален настан како експлозија на ракета да предизвика дупка во јоносферата.

„Обично ваквите дупки се формираат поради хемиски реакции од горивото во моторот, но ова е прв пат дупка да се формира поради ударен бран од експлозија на вселенски летала“, објасни Јуриј Јасукевич, експерт за јоносфера во Институтот за сончево-терестријална физика на Руската академија на науките.

Користејќи податоци од сателити и копнени опсерватории, научниците ја анализирале дупката, која останала отворена околу 30 до 40 минути пред јоносферата повторно да се затвори.

Тимот на Јасјукевич користел податоци добиени од копнените приемници на Глобалниот навигациски сателитски систем за да истражи точно како експлозијата влијаела на јоносферата.

Овој горен слој од атмосферата на Земјата е претежно составен од плазма - мешавина од неутрални молекули на гас, позитивно наелектризирани јони и слободни електрони, или електрони кои се одвоиле од своите атоми и се слободни да се движат.

Анализата покажала дека експлозијата на вселенскиот брод создала ударен бран што ги расфрлал овие слободни електрони, привремено нарушувајќи ја плазмата и создавајќи „дупка“ во која нормалните својства на јоносферата повеќе не биле забележливи.

Исто така е можно остатоците од гориво кои не изгореле веднаш при експлозијата да реагирале со јоносферските честички, што можеби го забрзало формирањето на дупката и го продолжило нејзиното траење. Сепак, ова не била главната причина за формирањето на дупката, па затоа ќе бидат потребни дополнителни истражувања за да се објасни точниот механизам на нејзиното формирање.

„Со анализа на податоците и разбирање на нивната природа, подобро ја разбравме структурата на јоносферата и природата на феноменот што се појави“, изјави Јасукевич.

Јасјукиевич и неговите колеги ја објавија својата работа минатиот август во списанието „Geophysical Research Letters“.

Експлозии на ракети на SpaceX

Експлозијата од ноември 2023 година не беше првата експлозија на вселенско летало на SpaceX.

Слично нешто се случило за време на првиот пробен лет во април 2023 година. Потоа, во бродот бил вметнат код за самоуништување откако почнал неконтролирано да се врти околу својата оска неколку минути по полетувањето.

Кога се распаднало на парчиња, се наоѓало на надморска височина од околу 30 километри, а остатоците биле расфрлани низ Бока Чика на крајниот југ од американската држава Тексас долж брегот на Мексиканскиот Залив, што било причина за покренување на федерална истрага и тужба од страна на еколошките групи.

Оттогаш, Вселенскиот брод беше лансиран уште седум пати, од кои четири завршија со експлозии.

Оваа година сè уште нема успешно лансирање на „Старшип“.

За време на последните два лета, кои се одржаа на 16 јануари и 6 март, ракетата-носач успешно се врати во базата, каде што беше „фатена“ од држачите на лансирната кула. Сепак, горниот дел од вселенското летало експлодирал 10 минути по лансирањето на двата лета, оставајќи остатоци расфрлани по целата траекторија на летот, а дел паднал на островите Туркс и Кајкос и на Бахамите.

SpaceX моментално се подготвува за следниот пробен лет на ракетата, кој е закажан најрано за 20 мај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Кисела Вода и ЈП „Лајка“ го одбележаа Светскиот ден на животните со настанот „Не можат да зборуваат, но можат да сакаат“

Во пресрет на Светскиот ден на животните, во паркот „Македонија“ се одржа голема едукативно-забавна манифестација под мотото „Не можат да зборуваат, но можат да сакаат“, организирана од Општина Кисела Вода во соработка со ЈП „Лајка“.

Општина Кисела Вода и ЈП „Лајка“ го одбележаа Светскиот ден на животните со настанот „Не можат да зборуваат, но можат да сакаат“

Ова дружење привлече голем број граѓани со своите миленици, а главниот фокус беше ставен на подигнување на свеста за одговорното сопствеништво и хуманиот однос кон животните.

Присутните имаа можност да добијат корисни совети од професионалци за тоа што значи вдомување и долгорочна грижа за едно животно, со акцент на соодветната здравствена нега, исхрана и условите неопходни за нивниот среќен живот. Едукативниот дел резултираше и со конкретен интерес кај граѓаните за вдомување на бездомни кучиња од стационарот.

Во рамките на предвидените активности, свој уметнички придонес даде и истакнатиот сликар Живко Поповски - Цветин, кој инспириран од природата и животните сликаше пред присутните.

-Љубовта кон животните е огледало на нашата хуманост и совест како општество. Со ова дружење сакавме да испратиме порака дека милениците не се само момент на радост, туку долгорочна обврска која бара посветеност и време. Ме радува фактот што сè повеќе граѓани покажуваат интерес за одговорно сопствеништво и за вдомување наместо купување. Општина Кисела Вода и понатаму останува посветена на хуманиот третман на животните и на подигнување на јавната свест преку вакви едукативни собири-истакна градоначалничката Стаменкоска Трајкоска.

Општина Кисела Вода упатува огромна благодарност до сите учесници и поддржувачи кои несебично помогнаа во успешната реализација: ветеринарната станица „Вет Тим“, груминг салоните „Grooming Twins“, „Shepa grooming“ и „Мое милениче“, како и пет-шоповите „Аба“ и „Пет Експерт“.

Програмата продолжува и во вечерните часови. Со почеток од 19:00 часот, пред Домот на културата „Билјана Беличанец“ (кино “Киноверзум”), граѓаните и нивните миленици се поканети на бесплатна проекција на отворено на македонскиот документарен филм „Приказната за Силјан“, во соработка со Кино Балкан Дистрибуција

Тагови: Општина Кисела Вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер