Нетанјаху на прес-конференцијата со Мерц: Постои „можност за мир“ на Блискиот Исток, но не и независна палестинска држава - Канал 5

Нетанјаху на прес-конференцијата со Мерц: Постои „можност за мир“ на Блискиот Исток, но не и независна палестинска држава

Израелскиот премиер Бенјамин Нетанјаху денеска изјави дека на Блискиот Исток постојат „можности за мир“, но повтори дека Израел не прифаќа формирање независна палестинска држава.

Нетанјаху на прес-конференцијата со Мерц: Постои „можност за мир“ на Блискиот Исток, но не и независна палестинска држава

– Иранската оска е значително погодена, рече Нетанјаху по разговорите со германскиот канцелар Фридрих Мерц во Ерусалим, осврнувајќи се на судирите што го потресоа регионот во изминатите две години. - Веруваме дека постои пат за поширок мир со арапските држави и пат за воспоставување одржлив мир со нашите палестински соседи, продолжи тој.

- Но нема да создадеме држава која би била посветена на нашето уништување пред нашите врати, додаде израелскиот премиер.

Мерц изјави дека Германија работи „кон целта на нов Блиски Исток“ во кој државата Израел ќе биде призната. Тој нагласи дека формирањето палестинска држава, која би постоела паралелно со Израел, е „најверојатниот пат“ кон таква иднина.

Сепак, Мерц рече дека решение со две држави може да се постигне само преку преговори и дека ќе биде „конечен резултат“ од тие разговори. Преговори, додаде тој, се потребни веднаш.

Дводржавното решение подразбира истовремено постоење на Израел и независна палестинска држава.

Нетанјаху изјави дека првата фаза од планот на американскиот претседател Доналд Трамп за Газа е „речиси завршена“, со тоа што телото на само еден заложник се уште се наоѓа во Газа.

Тој истакна дека разоружувањето на милитантниот Хамас е предуслов за мировен договор. Според Нетанјаху, втората фаза од планот за прекин на огнот ќе биде потешка за спроведување од првата.

Израелскиот премиер предупреди и на опасно обновување на антисемитизмот niz светот. И покрај злосторствата на Хамас врз цивили на 7 октомври 2023 година, неговите знамиња се развејуваат на демонстрации низ светските метрополи, рече тој.

– Toa е скандалозно – додаде Нетанјаху.

По средбата со Нетанјаху, Мерц рече дека „во моментов не се разгледува можност израелскиот премиер“ да биде поканет во Германија. - Нема причина ова да се разгледува во моментов. Ако дозволи времето, би упатил таква покана, но ова сега не е тема ниту за мене ниту за него, изјави Мерц.

Против Нетанјаху е издадена потерница од Меѓународниот кривичен суд (МКС) во ноември 2024 година поради сомнение за воени злосторства во Појасот Газа – обвиненија кои тој категорично ги отфрла. Израел не го признава судот и бара укинување на потерницата.

Нетанјаху изјави дека „секако би бил задоволен“ повторно да ја посети Германија и да одржи разговори со канцеларот во Берлин, но додаде дека во моментов не може да го стори тоа поради потерницата од МКС, остро критикувајќи ја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Удар врз тротинетите и електричните велосипеди, во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело,.

Удар врз тротинетите и електричните велосипеди,  во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело, а исто така би се забранило и чувањето на такви батерии во станови.

Градските власти предложија нови мерки поради порастот на бројот на пожари предизвикани од литиум-јонски батерии во станбените делови на Њујорк.

Според „Њујорк тајмс“, од почетокот на годината досега, бројот на вакви пожари е за околу 70 отсто поголем во споредба со истиот период минатата година.

Претставници од администрацијата на градоначалникот Зоран Мамдани, како и од Противпожарната служба на Њујорк, упатија критики кон предлозите за построги законски ограничувања. Тие наведуваат дека ваквите мерки би ги казниле луѓето што секојдневно користат електрични велосипеди и скутери за патување, како и доставувачите со ниски примања.

Извештај на Комисијата за безбедност на потрошувачки производи на САД, објавен во април, утврди дека во периодот од 2017 до 2024 година, во Соединетите Држави се случиле 45 смртни случаи поврзани со пожари предизвикани од литиум-јонски батерии.

Од нив, 19 се поврзани со електрични велосипеди, 15 со електрични тротинети, а 11 со самобалансирачки скутери, познати и како „ховерборди“. Проблемот е особено изразен во Њујорк, каде што бројот на пожари предизвикани од литиум-јонски батерии оваа година достигна рекордно ниво.

Според податоците на противпожарната служба, на кои се повикува Градскиот совет, до почетокот на ноември биле регистрирани 406 вакви пожари, во споредба со 241 пожар во истиот период минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Објавен план за примирје меѓу Украина и Русија

Американскиот претседател Доналд Трамп изјави дека Соединетите Држави работат на постигнување поширок прекин на огнот меѓу Украина и Русија.

Објавен план за примирје меѓу Украина и Русија

Целта е да се прошират претходните хуманитарни договори што овозможија евакуација на цивили од воените подрачја.

Во интервју за „Фокс њуз“, Трамп ја истакна улогата што првата дама Меланија Трамп ја имаше во претходните хуманитарни иницијативи. Според него, Вашингтон сега се обидува да примени сличен модел на многу поголема територија.

„Беше прекрасно. Тоа беше прекин на огнот. Луѓето беа евакуирани од градовите и населените места, што веројатно им ги спаси животите. Сега работиме на верзија од тоа, но во поголеми размери“, рече Трамп.

Американскиот претседател не изнесе детали за тоа како би функционирало новото примирје, кои области би ги опфатило, ниту пак дали Русија и Украина веќе се согласиле на американскиот предлог.

Трамп, исто така, ја пофали Меланија Трамп за нејзиниот ангажман во хуманитарни иницијативи и за соработката со официјални лица и посредници вклучени во евакуацијата на цивили. „Сега преминуваме кон поширок формат“, рече американскиот претседател.

Според „Фајненшал тајмс“, администрацијата на Трамп се обидува да постигне договор за ставање крај на војната до почетокот на јануари, пред демократите да го преземат мнозинството во двата дома на американскиот Конгрес.

Демократите ќе ја преземат контролата врз Претставничкиот дом и Сенатот по победата на изборите на 3 ноември, што би можело да го промени политичкиот контекст во кој Трамп ги води преговорите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Честитка од претседателката Сиљановска-Давкова по повод 22 Ноември – Денот на албанската азбука

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Честитка од претседателката Сиљановска-Давкова по повод 22 Ноември – Денот на албанската азбука

Почитувани сограѓани Албанци,

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Конгресот во Битола од 1908 година означи пресвртница и нова фаза во развојот на албанската нација, преку образование и култура на унифициран албански јазик.

Јазикот е основниот белег на националната посебност. Тој е најсилниот инструмент за градење и изразување на колективната меморија на еден народ, неговото духовно наследство и искуство. Албанскиот јазик, вам Албанците ви овозможи да изразите почит кон претците, но и одговорност кон потомците.

Во македонското мултикултурно општество и демократски политички систем, Албанците и албанскиот јазик имаат долга традиција на постоење во уставниот, политичкиот, економскиот, образовниот, научниот, културниот, спортскиот, медиумскиот, забавниот и секојдневниот живот.

Дозволете ми како претседателка на државата, да изразам став дека наша заедничка должност е да градиме општество во кое единството нема да ги негира, туку ќе ги респектира различностите, третирајќи ги како трајни општествени вредности.

Посакувам 22 Ноември да не биде само ден на сеќавање, прослава и гордост, туку и поттик за нови образовни, научни и културни дострели на албански јазик!

На сите граѓани Албанци им упатувам искрени честитки по повод 22 Ноември – Денот на албанската азбука!

Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер