Нетанјаху може да издржи подолго на власт од Бајден - Канал 5

Нетанјаху може да издржи подолго на власт од Бајден

Израелската армија ќе се бори во Газа уште најмалку седум месеци, најави Шачи Ханегби, советник за национална безбедност на Израел.

Нетанјаху може да издржи подолго на власт од Бајден

Ал Џезира Балканс

Израелската армија ќе се бори во Газа уште најмалку седум месеци, најави Шачи Ханегби, советник за национална безбедност на Израел.

Предвидувањето предизвика загриженост за судбината на палестинската територија, која веќе се соочува со глад, масовно раселување и секојдневно израелско насилство во кое загинаа повеќе од 36.000 луѓе од 7 октомври минатата година.

Продолжената војна, исто така, би ѝ наштетила на кампањата на Џо Бајден за реизбор во ноември, велат експертите, имајќи предвид дека американскиот претседател веќе се соочува со опаѓање на јавната поддршка поради неговата отворена поддршка за Израел.

Халил Јахшан, извршен директор на аналитичкиот центар „Арапски центар Вашингтон“, смета дека доколку израелската офанзива продолжи по изборите во САД на 5 ноември, тоа може да значи дека премиерот Бенјамин Нетанјаху ќе остане на власт подолго од Бајден.

-Сакам да кажам дека ова сценарио е нереално, но не можам. Тоа сценарио е реално. И тоа може да се оствари на 5 ноември, изјави Јахшан за Ал Џезира.

Експертите со месеци предупредуваат дека Нетанјаху има личен политички интерес да ја продолжи војната за да ги подобри своите политички перспективи дома.

Спротивно е во случајот со Бајден. Неколку американски истражувања на јавното мислење моментално го фаворизираат поранешниот републикански претседател Доналд Трамп пред Бајден - иако со мала разлика.

Неодамнешните анкети во Израел, исто така, покажуваат дека Нетанјаху ја враќа популарноста и го претекнува својот главен ривал, министерот за војна Бени Ганц.

Војната во Газа му штети на Бајден

Џош Рубнер, предавач на Програмата за мир и правда на Универзитетот Џорџтаун, изјави дека без сомнение, војната во Газа ќе им наштети на шансите на Бајден за реизбор.

-Знаците се јасни. Следува пад, изјави Рубнер за Ал Џезира. „И ако Бајден одлучи да ја продолжи својата безрезервна поддршка за Израел во следните седум месеци, тоа не само што ќе убие уште десетици илјади Палестинци, туку ќе го чини и изборите“.

Анкетата на Арапско-американскиот институт (ААИ) покажа дека арапско-американската поддршка за Бајден во клучните неопределени држави падна на 18 отсто, од 60 отсто во 2020 година, најмногу поради неговата политика во однос на Газа.

Џејмс Зогби, претседател на ААИ, вели дека би било политички „опасно“ за Бајден и Демократската партија доколку војната продолжи за време на изборите во САД во ноември.

-Ова значи дека, ако претседателот не направи нешто многу драматично, ова нема да бидат лесни избори за него, кажа тој за време на виртуелната средба со медиумите.

Зогби додаде дека Бајден не ризикува само да ја загуби поддршката од арапските гласачи.

-Младите луѓе, Афроамериканци и луѓе со азиско потекло, секојдневно го гледаат ова, гледајќи како се случува геноцид. Тие не се бесчувствителни на она што го гледаат, изјави тој. „Тие се преплашени. А потоа претседателот вели: „Ниту една црвена линија не е помината. Да продолжиме како што бевме.“ Вознемирувачко е и болно“.

Но, Бајден не покажува знаци на промена на курсот во неговата про-израелска политика, иако Нетанјаху отворено им пркоси на повиците од Белата куќа да избегне цивилни жртви и да не го нападне Рафа, град во јужниот дел на Појасот Газа.

Американскиот претседател, на пример, минатиот месец потпиша овластување за дополнителни 14 милијарди долари помош за Израел. И овој мај, откако се закани дека ќе ја прекине испораката на оружје доколку Израел започне голема офанзива на Рафа, се појавија извештаи во медиумите дека администрацијата на Бајден планира да направи продажба на оружје од милијарда долари во секој случај.

Рубнер вели дека кампањата на Бајден не го признава влијанието на надворешната политика на претседателот врз изборите.

„Во светот на Бајден има многу фантазии и лажни верувања дека тоа не влијае на неговите шанси да биде реизбран“, рече тој. „Но, јасно е дека има ефект. Ако му дозволи на Израел да продолжи во правецот во кој одат до крајот на годината, мислам дека тоа ќе помогне многу до нивниот пораз“.

Истражувањето спроведено од експертската организација Data for Progress, во соработка со информативниот портал Зетео, на почетокот на месецов покажа дека 56 отсто од анкетираните демократи веруваат дека Израел врши „геноцид“ во Газа.

Меѓутоа, извештаите од неколку американски медиуми сугерираат дека Бајден и многу од неговите демократски сојузници се сомневаат во анкетите кои покажуваат дека тој заостанува зад Трамп.

Тие би сакале Трамп да се врати

Бајден безрезервно го поддржува Израел уште од времето кога не беше во Белата куќа. Но, и покрај тој став, Јахшан верува дека Нетанјаху и неговите десничарски сојузници повеќе би сакале да работат со Трамп.

-Тие би сакале Трамп да се врати. Веруваат дека со него ќе го добијат тоа што го сакаат, рече тој.

Јахшан додаде дека, иако поддршката на Бајден за Израел е силна, таборот на Нетанјаху ги гледа повиците на американскиот претседател за дополнителна помош и заштита на цивилите во Газа како „одвлекување на вниманието“.

Иако Бајден често јавно ја изразува својата „љубов“ кон Нетанјаху, експертите велат дека двајцата лидери имаат затегнати односи, особено во последните месеци.

Американскиот претседател постојано го предупредува Нетанјаху да не врши инвазија на Рафа, но Израел ја игнорираше оваа црвена линија и минатиот месец изврши смртоносен напад врз јужниот град Газа.

Во телевизиските изјави, Нетанјаху ги отфрли заканите на Бајден за запирање на испораката на оружје, велејќи: „Ако треба, ќе останеме сами. Ако треба, ќе се бориме и со нокти“.

Израел, исто така, ја продолжува својата задушувачка опсада на Газа, и покрај американските барања да се дозволи влез на повеќе хуманитарна помош. Дополнително, Вашингтон, исто така, се залага за решение со две држави во однос на поширок конфликт, додека Нетанјаху силно се противи на формирањето на палестинска држава.

Поддршката на Бајден за Израел остана непоколеблива, иако неговите апели во врска со Газа беа игнорирани. Но, со Трамп, Израел веројатно нема да ги добие ни овие вербални предупредувања, рече Јахшан.

Поранешниот претседател, кој се занимава со сопствени правни проблеми, редовно не ја коментира војната во Газа.

Трамп неодамна на состанок зад затворени врати им ветил на донаторите дека насилно ќе ги запре пропалестинските студентски протести доколку биде избран, се наведува во извештајот на Вашингтон пост.

Како претседател, Трамп ја усогласи американската политика со десничарското раководство на Израел. Тој ја премести американската Амбасада во Ерусалим, ја прекина помошта за Палестинците и воведе санкции за службениците во Меѓународниот кривичен суд за истрага на можни неправилности од Израел.

-Трамп е непредвидлив. Може да оди во различни насоки, повеќето од нив контрадикторни. Се сомневам дека ќе тргне во полоша насока од Бајден (кога станува збор за поддршката на Израел)“, рече Јахшан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: Добро е што Филипче го следи и слуша што зборува претседателот Мицкоски

Добро е што Филипче го следи и слуша што зборува претседателот Мицкоски, така барем ќе научи како се води држава и како посветено се работи во интерес на граѓаните.

ВМРО-ДПМНЕ: Добро е што Филипче го следи и слуша што зборува претседателот Мицкоски

РЕАКЦИЈА НА ПРЕС-КОНФЕРЕНЦИЈА НА ВЕНКО ФИЛИПЧЕ

21.11.2026

Добро е што Венко Филипче го следи и слуша што зборува претседателот на ВМРО-ДПМНЕ и премиер, Христијан Мицкоски.

Така може и ќе научи нешто како се води државата, како се води грижа и посветено се работи за подобар живот на граѓаните, како се проектираат и носат економски политики кои носат раст и економска стабилност, по пустошот кој зад себе го остави владата на СДС, во која составен дел беше и самиот Филипче.

Сега, кога СДС е во длабока опозиција од каде што не може да ги пљачка државните буџети и да ја уништува економијата, на остатокот од партискиот талог предводен од Венко Филипче не му останува ништо друго освен да шири дефетизам и црни сценарија дека државата само што не банкротирала. Нешто што го прават во континуитет уште од 2024 година.

Но, еве, веќе две и пол години, Македонија не само што не банкротирала, туку десетти квартал по ред БДП расте со три или над 3%, за вториот квартал од годинава да достигне до раст од 4,3%, инфлацијата да се држи под контрола и да биде далеку под европскиот просек, а платите и пензиите во континуитет да растат.

Имено и самиот ДЗС во последните објавени податоци потврди дека реалната нето-плата во септември 2026, споредено со септември ланската 2025 година се зголемила за 5,2%. И овој реален раст на платите доаѓа во време на историска енергетска криза кога светската економија се соочува со сериозни проблеми и предизвици.

Од друга страна, само да ја споредиме реалната нето-плата исплатена во септември 2022 година кога СДС беше на власт и енергетската криза практично веќе беше завршена, имаме намалување од 5%. Односно, толку биле способни и се интересирале за животниот стандард на граѓаните, што тој септември 2022 година на македонските граѓани им овозможиле реална нето-плата за -5% пониска.

А во однос на пензиите, СДС и Венко Филипче имаат најмалку кредибилитет да зборуваат. Да се прашуваа тие, пензионерите немаше да го добијат заслуженото покачување на пензиите и сè уште ќе протестираа по македонските градови за достоинствен живот во третото доба.

За среќа и на пензионерите, СДС и Венко Филипче веќе се опозиција, а на следните избори кога и да се, ќе заминат и во политичка пензија.

Од друга страна, тоа што Владата предводена од ВМРО-ДПМНЕ го направи за пензионерите е тоа што за само две и пол години власт за седум илјади денари линеарно ги покачи пензиите на над 300 илјади пензионери и тие редовно се исплаќаат.

Растот на економијата, инвестициите, платите и пензиите ќе продолжи и следните години, за македонските граѓани да го добијат животниот стандард и квалитетот на живот кој го заслужуваат.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СЕПТОЛЕТЕ ТОТАЛ СО КОЛА ВКУС - ПОЗНАТ БРЕНД, НОВ И ВОЗБУДЛИВ ВКУС

Новиот вкус на Септолете тотал ја надополнува линијата пастили со тројно дејство: делува против воспаление, ја намалува болката и ги отстранува причинителите на инфекцијата.

СЕПТОЛЕТЕ ТОТАЛ СО КОЛА ВКУС - ПОЗНАТ БРЕНД, НОВ И ВОЗБУДЛИВ ВКУС

Фармацевтската компанија КРКА го претстави Септолете тотал со кола вкус на промотивен настан што обедини повеќе од 300 фармацевти и лекари. Присутните имаа можност да се запознаат со новиот вкус и да разменат искуства од секојдневната работа со пациентите.

Септолете тотал кола дејствува локално во устата и грлото: го намалува воспалението, ја ублажува болката и има антисептично дејство.

Препознатливиот кола вкус ѝ дава на линијата нов, возбудлив и неочекуван карактер. Со него, КРКА го проширува изборот за пациентите, земајќи ги предвид и вкусовите на помладите генерации.

„Успехот не значи само да се создаде квалитетен и ефикасен лек, туку и да се разберат потребите на пациентите. Ова не е само уште еден нов вкус во низата. Ова е стратешки одговор на потребите на современиот пациент. Со оваа иновација, на пациентите – како на возрасните, така и на помладите кои честопати одбиваат класични медицински вкусови - им нудиме терапија која е подеднакво моќна против болката и воспалението, но и со препознатлив и пријатен вкус, истакна Марија Станоевска Неделковска, заменик управител и маркетинг менаџер на КРКА Фарма Скопје.

Повеќе од 70 години, КРКА ја гради довербата преку посветеност на квалитетот и грижата за здравјето на луѓето. Компанијата ја продолжува таа заложба со развој на своето портфолио и соработка со лекарите и фармацевтите, кои имаат важна улога во информирањето на пациентите за правилната употреба на лековите.

Промотивниот настан беше и можност за зацврстување на долгогодишната соработка со здравствената заедница – соработка во чиј центар се пациентот, информираноста и одговорната грижа за здравјето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Арсоски од Пробиштип: ЗНАМ ги претвора ветувањата во резултати – потврда за реформите од ЕК, 1.300 капитални проекти и повисоки плати и пензии!

Движењето ЗНАМ – За Наша Македонија продолжува со средбите со граѓаните низ државата, на кои се презентираат резултатите од изминатите две години работа и придонесот на избраните и именувани функционери од редовите на Движењето.

Арсоски од Пробиштип: ЗНАМ ги претвора ветувањата во резултати – потврда за реформите од ЕК, 1.300 капитални проекти и повисоки плати и пензии!

Во рамки на панел-дискусијата под мотото „Две години работа. Две години резултати. Една љубов – Македонија“, која се одржа во Пробиштип, се обратија потпретседателот на ЗНАМ и пратеник во

Собранието, Павле Арсоски, заменик-министерот за енергетика, рударство и минерални суровини и претседател на Градската организација на ЗНАМ, Мирослав Лабудовиќ, директорот на ПИОМ и директор на Центарот за комуникација и аналитика на ЗНАМ, Никола Мемов, како и пратеничката и член на Извршниот одбор на ЗНАМ, Даниела Белимова.

Потпретседателот на ЗНАМ, Павле Арсоски, истакна дека изминатите две години се доказ дека Движењето ја оправдува довербата на граѓаните преку конкретни политики, одговорност и мерливи резултати. Посебно го потенцираше Извештајот на Европската комисија за 2026 година, кој нотира напредок во реформските области и претставува значајна потврда за работата на институциите.

„Европскиот извештај е важна надворешна оценка за напредокот на државата. Онаму каде што ЗНАМ презеде одговорност, се преземаат конкретни чекори и се постигнува видлив напредок. Не бараме признание за она што го зборуваме, туку за она што го работиме. Нашата политика се темели на дела, а не на празни ветувања“ истакна Арсоски.

Тој посочи дека зад политиките на Владата стојат конкретни придобивки за граѓаните, меѓу кои околу 1.300 капитални проекти во општините низ државата, насочени кон подобрување на инфраструктурата и квалитетот на живот, како и зголемувањето на платите во повеќе сектори.

„Кога зборуваме за 1.300 проекти, зборуваме за реални инвестиции во општините, за подобри улици, водоводи, училишта и инфраструктура. Кога зборуваме за растот на платите, зборуваме за вреднување на трудот и подобрување на животниот стандард на работниците. Платите во образованието се зголемени за 20 проценти, здравствените работници добија зголемување. Со договорот со синдикатите е предвиден и натамошен раст на платите на административните службеници до 40 проценти до март 2028 година. Тоа се конкретни резултати што граѓаните ги чувствуваат, а не политички пароли“ нагласи Арсоски.

На панел-дискусијата Лабудовиќ ги истакна резултатите во енергетскиот сектор, меѓу кои инвестициите во околу 200 мегавати нови фотоволтаични капацитети, финансирањето на втората фаза од ветерниот парк „Богданци“, рехабилитацијата на шест хидроелектрани и засилената контрола врз концесионерите, со раскинување на повеќе од 50 концесии поради неисполнување на обврските. Овие активности се дел од поширокиот инвестициски циклус за зголемување на домашното производство, енергетската сигурност и заштитата на националните природни ресурси.

Никола Мемов ги презентираше резултатите од двегодишното работење на Фондот ПИОМ, посочувајќи дека пензиите од септември 2024 до март 2026 година се зголемени за вкупно 7.000 денари, а во септември 2026 година следуваше и дополнително усогласување од 3 проценти. Даниела Белимова ги истакна парламентарните иницијативи на ЗНАМ, меѓу кои обезбедувањето 55.000 вредносни ваучери за студентите, како и предлог-измените на Законот за семејството. Движењето ЗНАМ – За Наша Македонија останува посветено на политиката на отчетност, одговорност и исполнување на преземените обврски. Две години се доволна потврда дека ЗНАМ е движечка сила на конкретни промени и резултати. Движењето продолжува да работи за силна и стабилна Македонија, функционални институции, економски развој и подобар животен стандард за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер