Неочекуван потег на Трамп- го повлече предлогот Елис Стефаник да биде амбасадорка во ОН - Канал 5

Свет

Неочекуван потег на Трамп- го повлече предлогот Елис Стефаник да биде амбасадорка во ОН

Американскиот претседател Доналд Трамп неочекувано го повлече својот предлог Елис Стефаник да биде амбасадорка на САД во Обединетите нации.

Неочекуван потег на Трамп- го повлече предлогот Елис Стефаник да биде амбасадорка во ОН

Елис Стефанек е републиканска конгресменка во Претставничкиот дом на САД и кандидат за амбасадорка во ОН.

„Елис е неверојатно силна личност, а пред сè, паметен борец за Америка“, рече Трамп во изјавата со која ја објави нејзината номинација.

Шефот на Белата куќа го објави овој неочекуван потег на неговата социјална мрежа Truth social: „Додека ја продолжуваме нашата агенда „Америка на прво место“, од суштинско значење е да го држиме СЕКОЕ републиканско место во Конгресот. Мораме да бидеме обединети за да ја постигнеме нашата мисија, а Елис Стефаник беше клучен дел од нашите напори од самиот почеток“, напиша Трамп, продолжувајќи: „Побарав од Елис да остане како помош да ги оствариме ердни од најголемите даночни одлеснувања во историјата, рекорден економски раст, безбедна граница, енергетска доминација, мир преку сила и многу повеќе за да ја направиме АМЕРИКА ПОВТОРНО ГОЛЕМА. Со многу тенко мнозинство, не сакам да дозволам некој друг да се кандидира за местото на Елис, а со неа немаме за што да се грижиме на денот на изборите.

Трамп продолжи да ја фали оваа њујоршка конгресменка: „Има и други кои можат да направат добра работа во Обединетите нации. Затоа Елис ќе остане во Конгресот, ќе се приклучи на лидерскиот тим на Претставничкиот дом и ќе продолжи да се бори за нашиот неверојатен американски народ. Претседателот Џонсон е воодушевен! Со нетрпение го очекувам денот кога Елис ќе може да се приклучи на мојата администрација во иднина. Таа е апсолутно Фантастична. Ти благодарам Елис!“

Тагови: трамп амбасадорка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер