Шоу бизНенадејно во ноќен клуб, почина италијанска ријалити ѕвезда: Само колабирашеИталијанската ѕвезда во шоуто „Големиот брат“, родена во Австралија, Моника Сириани починала откако колабирала во бар за време на ноќно излегување, јавуваат локалните медиуми и Дејли мејл.Извештаите велат дека на 37-годишната девојка ненадејно ѝ се слошило во петокот за време на ноќно излегување со пријателите во Сауверија Манели, град во италијанската провинција Катанзаро. Сиријани итно била пренесена во локалната болница, каде што била констатирана смрт. Поранешната ТВ ѕвезда се појави во 12-та сезона на италијанската верзија на реалното шоу кое се емитуваше од 2011 до 2012 година. Родена е во Австралија, а нејзините родители се Италијанци кои емигрирале од Калабрија пред таа да се роди. Italian Big Brother star Monica Sirianni, 37, 'dies after collapsing in a bar on night out'. Suspected heart attack:https://t.co/LA9oT5G8fP — Philly Anthony (@PhillyAnthony1) May 10, 2023 Сиријани се вратила во Италија неколку години како возрасна и живеела во град во северна Ломбардија, според новинската агенција Анса. Потоа влегла во куќата на италијанскиот Голем брат, но по околу еден месец била исфрлена од куќата. Таа ја оставила својата телевизиска кариера зад себе и продолжила да предава англиски, според италијанските извори. Сиријани била во Катанзаро неколку дена кога ѝ се слошило. Се верува дека нејзините родители се по потекло од тој крај. Пријателите го вклучиле алармот веднаш откако го виделе нејзиниот пад, се вели во извештаите.Брзата помош излегла на терен и безуспешно се обиделе да ја оживеат. Потоа итно била пренесена во локалната болница Совериа Манели, каде била констатирана смрт. Извештаите велат дека истрагата е во тек за да се утврдат причините за нејзината ненадејна смрт, но нема информации јавно објавени, иако извештаите велат дека е исклучена вмешаност на трета страна. Лекарите не исклучиле дека причината е срцев удар. Според Газета дел Суд, нејзиното тело ќе им биде вратено на нејзините родители во Сиднеј, Австралија по завршување на истрагата. Сиријани била популарна личност за време на нејзиниот престој во куќата на Големиот брат, во која влегла на 25-годишна возраст. Сепак, таа била исфрлена по околу еден месец, а натпреварувачката по име Сабрина Мбарек победила. За време на нејзиниот престој во куќата, таа била во романтична врска со друг натпреварувач, Фабрицио Конти. Но, набргу по нејзиното излегување од куќата на Големиот брат, тие раскинале. И покрај тоа што ги напуштила настапите во италијанските медиуми и нејзините родители биле во странство, таа останала во Италија за да се посвети на наставата. Како што се објави веста за нејзината смрт, на социјалните мрежи ѝ беше оддадена почит. „Сакав да потсетам на оваа прекрасна девојка Моника Сиријани, поранешна натпреварувачка во Големиот брат, а сега учителка“, напишало едно лице на Твитер. Едно лице објавило едноставно „RIP“, додека друг напишал: „Не изгледа дека таа повеќе не е тука“, пишува Дејли Мејл.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08
МакедонијаЃорѓиевски: Темелно исчистен подвозникот кај поранешната стоковна куќа „Мост“Градоначалникот на Град Скопје, Орце Ѓорѓиевски, истакна дека по години негрижа, темелно е исчистен подвозникот на булеварот „Гоце Делчев“, кај поранешната стоковна куќа „Мост“.- Чистиот коловоз значи побезбедно возење за секој што минува оттука. Доволно е една кеса да заврши на шофершајбната или едно шише да се стркала пред мотоциклист за нечија неодговорност да загрози друг човек. Затоа, апелирам до возачите и сопатниците да не фрлаат отпад од прозорците. Тоа е мал гест со кој покажуваме почит и кон оние што возат зад нас и кон луѓето што секојдневно ги чистат нашите улици. Грижата за Скопје е секојдневна. Ние ќе продолжиме да го чистиме. Да го чуваме заедно – рече Ѓорѓиевски. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЕвропаВонредна состојба во Франција- итна евакуација поради силно невреме (ВИДЕО)Околу 450 лица се евакуирани поради поплави во департманот Па де Кале во северна Франција, каде што обилните дождови предизвикаа излевање на реките и поплавување на неколку села, соопштија денес официјални лица.Надлежните служби активираа план за вонредни состојби, а околу 130 училишта се затворени како мерка на претпазливост, објави префектурата на департманот Па де Кале, според телевизијата BFM. Од почетокот на бурата се регистрирани 302 интервенции, од кои 87 во текот на ноќта, додека 207 се извршени во претходните 24 часа. Четири лица мораа да бидат сместени во специјални приемни објекти, се вели во соопштението на префектурата. Француската метеоролошка служба го стави департманот Па де Кале под портокалова временска тревога поради обилните дождови и ризикот од поплави, која е на сила од вторник до денес во 14 часот. Поради влошувањето на ситуацијата, префектот вчера го активираше планот ORSEC, кој ги организира активностите на службите за итни случаи под негова надлежност во вонредни околности. 300 луѓе беа евакуирани како мерка на претпазливост од невреме во градовите Монтре-сур-Мер и Невил-су-Монтре, додека уште 17 лица беа евакуирани во други делови од департманот, а 74 лица, вклучувајќи 35 ученици, беа преместени на безбедни локации. 🌧️ Dans le Pas-de-Calais, les cumuls de pluie sur 72h dépassent parfois les 100 mm et les inondations se multiplient, ici à Fruges. 🌊 (© Sandy Boulogne) https://t.co/Cv3GkVGCbw — Météo Express (@MeteoExpress) November 19, 2026 Спасувачките екипи, исто така, спроведоа пет операции за спасување. Според префектурата, засега нема жртви. На терен се распоредени повеќе од 200 пожарникари, 92 жандарми и 41 полицаец. Обилните дождови и површинските води погодија околу 100 општини, а ситуацијата е особено тешка во околу 30 населени места, каде што куќите се поплавени, а пристапот до некои области е многу тежок. Вкупниот број на оштетени станбени згради сè уште не е утврден. Во градот Брексан-Енок, учениците од основно училиште беа евакуирани, а 16 од нив беа однесени на горниот кат од градското собрание, каде што им беше дадена вода и ужина, изјави градоначалникот Ив Себер. Потоа децата биле транспортирани со трактор и приколка до сала за забави во соседниот град, каде што нивните родители ги зедоа. Две реки во департманот, вклучувајќи ја и крајбрежната река Канче, се ставени на портокалова тревога поради можност за поплавување, додека други се под жолта тревога. Префектурата издаде посебно предупредување за реката Канче, чие ниво на вода достигна ниво на кое е загрозено од поплавување. Ограничувања во сообраќајот и алтернативни правци се воведени на околу 40 регионални патишта поради поплавите.Тагови: невреме Франција Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08
Технологија„Signal“ го блокира снимањето на екранот„Signal“ воведува нови ограничувања за снимање на екранот со цел да ги спречи агентите со вештачка интелигенција да пристапуваат до размените на пораки на мобилните телефони.Овие нови поставки ќе бидат овозможени по дифолт и ќе ги блокираат обидите за снимање на екранот, со што ќе им се отежне на системите со вештачка интелигенција да ги читаат пораките преку визуелен пристап до содржината на апликацијата, пренесува Ројтерс. Кога „Signal“ ќе открие обид за снимање на екранот или пристап до него преку „AI“-асистент, до корисникот ќе стигне известување кое нуди можност за исклучување на оваа заштита. Оваа одлука доаѓа како одговор на сè почестата употреба на агенти со вештачка интелигенција – системи кои можат да ја гледаат содржината на екранот на корисникот, да собираат информации од различни апликации и самостојно да извршуваат задачи, како што се одговарање на е-пораки, закажување состаноци или вршење онлајн купувања. Истовремено, од „Signal“ предупредуваат дека сè поголемата интеграција на вештачката интелигенција во уредите претставува сериозна закана за приватноста на корисниците. Од „Signal“ се особено загрижени што ваквите можности сè повеќе се вградуваат директно во оперативните системи, вклучително и во оние што ги поддржуваат „Siri“ и „Gemini“. „Signal“ користи енд-ту-енд енкрипција (E2EE), што значи дека само учесниците во разговорот можат да ја читаат неговата содржина. Сепак, агент со вештачка интелигенција кој има пристап до екранот би можел да направи снимка од пораката, да го препознае текстот и да го пренесе во сопствените системи. Извор: Б92Тагови: Signal Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter