Здравје

Нема сомнителен случај на мајмунски сипаници во Македонија

И да има случај на мајмунски сипаници во Македонија, постапката да се потврди дека станува збор баш за тој вирус ќе потрае.

Тестови немаме, а и да имаме, примерокот веројатно ќе треба да патува во друга странска лабораторија за дијагностика. Постапката за набавка на тестови е почната пред една недела, велат од Институтот за јавно здравје, но кога ќе заврши не се знае.

Додека Македонија нема ни тестови за мајмунски сипаници, а веќе е потврден првиот случај во регионов, поточно во Словенија, Британија е на врвот во Европа по бројот на заразени од мајмунски сипаници со околу 80 потврдени случаи, помеѓу кои и едно дете. Иако лекарите од целиот свет, а и нашите од Комисијата за заразни болести смируваат дека нема причина за паника, загриженоста доаѓа поради отворените граници и масовните забави кои можат да станат извор на зараза, како што е случајот со Белгија, каде дел од случаите се поврзани со музички фестивал. Сепак, за разлика од ковидот, за мајмунските сипаници има потврдени лекови кои се употребувале и претходно, па британците имаат и студии за ефикасни третман.

-Има студија на седум случаи на мајмунски сипаници во Обединетото кралство од 2018 до 2021, значи не се влучени сегашните заразени. Според она како биле третирани претходно, во еден случај е употребен нов антивирусен лек кој е одобрен за мали сипаници и пациентот навистина добро реагирал на него. Тогаш се употребале и други опции, како вакцината за мали сипаници. Па заклучокот е дека сите седум пациенти целосно закрепнале. Ако се заразите во британскиот здравствен систем, многу е веројатно дека целосно ќе закрепнете.-проф. Кејт Беjкер – Институт за инфективни болести при Универзитет во Ливерпул.

Инфектолозите велат дека луѓето кои биле вакцинирани против сипаници имаат многу помали шанси да заболат од овој тип, а доколку тоа се случи, болеста би требало да биде полесна. Засега од мајмунските сипаници во поново време, нема смртен случај.

Од СЗО информираа и дека годинава Европската агенција за лекови го регистрирала антивирусниот лек „тековиримат“ за третман на мајмунски сипаници, кој првично е развиен како терапија за големи сипаници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Ѕвезда од „Чувари на плажата“ (Baywatch) на 56-годишна возраст, заработува на „Onlyfans“

Таа глумеше во хит-серијата „Чувари на плажата“ (Baywatch), а еве како денеска изгледа познатата актерка Ерика Еленијак која во август оваа година се приклучи на платформа наменета за возрасни.

Американската серија „Чувари на плажата“ се прикажуваше 10 години – од 1989 до 1999 година.

Таа се емитуваше во 148 земји и влезе во Гинисовата книга на рекорди како најгледана телевизиска програма.

Сите се сеќаваат на воведната шпица, но и на убавите актерки во црвени костими за капење.

Меѓу нив е и актерката Ерика Еленијак, која денес има 56 години и не заработува од глума.

Русокосата Ерика имала само 20 години кога започнало снимањето. Во тоа време, актерката била многу популарна, а во 1989 година дури била прогласена за „жена на месецот“ во списанието „Плејбој“.

Зад себе има два брака, кои завршиле со развод.

Таа се мажела двапати – во 1998 и 2005 година, а во 2006 година добила ќерка.

Од пред неколку месеци, таа е активна на платформата „Онлифанс“ (OnlyFans), а „TMZ“ пишува дека за три месеци заработила 300.000 долари.

Извори блиски до поранешната актерка откриваат дека „бизнисот цвета“ и дека таа заработува по 10.000 долари неделно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ким издаде наредба: „Команданти, кажете им на војниците да се подготват...“

Севернокорејскиот лидер Ким Џонг Ун ги повика командантите на чети да ја интензивираат обуката и да ја подобрат борбената готовност, дефинирајќи го ова како нивна „примарна револуционерна задача“, објавија денеска државните медиуми.

„Примарната револуционерна задача на командантите на чети е да ги завршат борбените подготовки на своите единици, така што тие ќе бидат целосно подготвени за водење војна. Начинот да се постигне ова е преку радикално подобрување на ригорозната и интензивна обука“, пренесе севернокорејската државна новинска агенција „KCNA“, цитирајќи го него.

Понатаму се наведува дека тој ги дал овие изјави во вторникот, за време на фотографирање со учесниците на Третиот состанок на командантите на чети на Корејската народна армија.

Според извештаите, Ким Џонг Ун нагласил дека тие мора да ја докажат својата лојалност и лидерски способности преку успешно трансформирање на своите единици во „сили во кои еден војник вреди колку стотина други – сили што се одликуваат со цврста револуционерна вера, патриотски дух, неспоредлива херојска храброст и борбена ефикасност“.

Тој додал дека иднината на изградбата на моќна армија изгледа „исклучително ветувачка, благодарение на нив“.

Ким претседаваше со состанокот, одржан на 22 и 23 октомври во Пјонгјанг, при што им наложи на командантите „да изградат најмоќна армија и да ја забрзаат воената револуција во корејски стил преку обука на најсилните чети“.

Тој, исто така, им даде насоки „доследно да ја чуваат и развиваат суштината на армијата како армија на Партијата – армија дефинирана преку својата идеологија и основни вредности“.

Тагови: Ким Џонг Ун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Германски министер со критики кон „Audi“: „Се обложуваат на мртов коњ“

„Audi“ планира да изгради фабрика во САД, но реакцијата во Германија е сè освен позитивна.

Германскиот министер за животна средина, Карстен Шнајдер, остро го критикуваше „Audi“ поради плановите во САД, како и поради појавувањето на извршниот директор на компанијата покрај Доналд Трамп.

„Додека светот се движи кон технички супериорна електромобилност, „Audi“ се обложува на фосилни горива. Со други зборови, се обложуваат на мртов коњ“, изјави Шнајдер за весникот „Kölner Stadt-Anzeiger“, пренесува агенцијата „DPA“.

„Освен крајно непријатните околности што ја придружуваа оваа најава, мора да се постави прашањето за оправданоста на ваквата одлука“, додаде тој.

За време на викендот, извршниот директор на „Audi“, Гернот Долнер, се појави на бина заедно со Трамп на еден предизборен настан, каде што ја најави изградбата на фабрика на „Audi“ во Џорџија.

„Audi“ има намера во САД да произведува „SUV“ модели, вклучувајќи го и новиот, екстра голем модел „Q9“, дизајниран специјално за американскиот пазар.

Оттогаш, Долнер се соочува со остри критики во татковината, а некои дури и бараат негова оставка.

Внатрешните правила на „Audi“ забрануваат учество во изборни кампањи. Во САД, на 3 ноември, треба да се одржат избори за Конгресот.

Повеќето германски граѓани критички гледаат на појавувањето на Долнер покрај Трамп.

Во анкетата спроведена од институтот „YouGov“, 39 отсто од испитаниците го оценија најавувањето на фабриката од страна на Долнер на еден предизборен настан како „крајно несоодветно“.

Уште 18 отсто го окарактеризираа потегот како „главно несоодветен“. За разлика од нив, седум отсто од испитаниците сметаат дека потегот на Долнер бил „целосно соодветен“, додека 11 отсто го опишаа како „главно соодветен“.

„Audi“ се наоѓа под огромен притисок поради долгорочниот пад на продажбата и приходите. Компанијата веќе укина одредени работни места, а сега е принудена да планира дополнителни намалувања.

За разлика од своите домашни ривали „BMW“ и „Mercedes“, „Audi“ нема сопствени производни капацитети во САД, поради што е уште повеќе погоден од царините што ги воведува Трамп.

Тагови: Audi

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.