Нема печати во пасоши! Официјално усвоени нови правила за влез во ЕУ, важат и за Македонија - Канал 5

Живот

Нема печати во пасоши! Официјално усвоени нови правила за влез во ЕУ, важат и за Македонија

Советот на Европската унија и Европскиот парламент денеска го усвоија привремениот договор за постепено воведување на Системот за влез и излез (EES), односно новиот дигитален систем за управување со границите.

Нема печати во пасоши! Официјално усвоени нови правила за влез во ЕУ, важат и за Македонија

„Благодарение на овој договор, земјите членки ќе можат да го применат новиот систем за управување со границите за регистрација на влез и излез во Шенген-зоната на државјани од земји надвор од ЕУ. Ова е добра вест и ќе ги поддржи нашите напори за безбедни граници“, изјави полскиот министер за внатрешни работи, Томаш Сјемонјак, според соопштението на веб-страницата на Советот на ЕУ.

Договорот што денеска беше постигнат е привремен, и треба да биде потврден од страна на Советот на ЕУ и Европскиот парламент пред официјално да биде усвоен од двете институции.

Можеби ќе ве интересира: Пасошите ќе бидат повлечени од употреба: Eве кога сè ќе се промени

Активирање се очекува до крајот на 2025 година

EES е ИТ-систем кој дигитално ќе ги евидентира влезовите и излезите, податоците од пасошите, отпечатоците од прсти и фотографии од лицето на државјани од трети земји кои патуваат за краткорочен престој во некоја од 29 европски држави.

Овој систем, кој ќе го замени сегашниот систем на рачно печатење пасоши, ќе се однесува и на граѓаните на Западен Балкан при премин на границите на ЕУ.

Системот „EES“, кој вклучува земање отпечатоци и фотографирање на гранични премини, веќе е технички воспоставен и подготвен за примена. Според Европската комисија, неговото активирање се очекува до крајот на 2025 година, што го потврди и Министерството за внатрешни работи на Република Хрватска.

Со воведувањето на „EES“ за земјите во Шенген-зоната, постапката на влез ќе се промени значително за граѓаните од Западен Балкан – како Србија, Босна и Херцеговина, Црна Гора, Македонија, Косово, Албанија – но и за Молдавија и Украина, пренесува „Sarajevo Times“.

Според веб-страницата на Советот на ЕУ, во рамките на фазната имплементација, земјите членки постепено ќе го применуваат системот „EES“ и ќе се стремат во првите 30 дена да регистрираат најмалку 10% од граничните премини.

Во првите 60 дена, земјите членки ќе можат да го користат „EES“ и без биометриски функции, а по три месеци, системот треба да биде функционален со биометрија на најмалку половина од граничните премини.

До крајот на овој транзициски период, земјите членки ќе продолжат со рачно печатење на патните исправи.

Регулативата за воведување на системот „EES“ не определува точен датум за почетокот на примената, бидејќи тоа бара посебна одлука на Европската комисија.

„ETIAS“ ќе ви бара 7 евра дозвола за влез во ЕУ

Законодавците се согласија дека во периодот на постепеното стартување на EES, земјите членки ќе имаат можност делумно или целосно да го сопрат системот на одредени гранични премини во исклучителни околности – на пример, доколку дојде до преголем метеж и долг временски застој.

Министрите за внатрешни работи на ЕУ во март ја одобрија ревидираната патна карта за воведување на т.н. интероперабилна архитектура – систем на поврзани ИТ-алатки за гранично управување и спроведување на законот.

Според оваа патна карта, усвоена од управниот одбор на агенцијата „eu-LISA“ (задолжена за ИТ-инфраструктурата), постепената примена на „EES“ ќе започне во октомври 2025 година, додека Европскиот систем за информации и овластување за патување (ETIAS) ќе стартува во последниот квартал од 2026 година.

Следната година, за летување во Грција, ќе мора да имате оваа дозвола

Системот „ETIAS“, кој исто така ќе се применува и за граѓаните на Западен Балкан, ќе бара добивање патна дозвола за влез во ЕУ, која ќе чини седум евра.

Системот EES ќе го применуваат следните држави:

-Австрија

-Белгија

-Бугарија

-Хрватска

-Чешка

-Данска

-Естонија

-Финска

-Франција

-Германија

-Грција

-Унгарија

-Исланд

-Италија

-Летонија

-Лихтенштајн

-Литванија

-Луксембург

-Малта

-Холандија

-Норвешка

-Полска

-Португалија

-Романија

-Словачка

-Словенија

-Шпанија

-Шведска

-Швајцарија

Во Кипар и Ирска, пасошите и натаму ќе се печатат рачно.

Овластување за патување преку „ETIAS“ ќе бараат сите земји што го применуваат „EES“, како и Кипар, наведува B92.net.

Тагови: EES ETIAS пасош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер