Нема опасност за ширење на вирусот на птичји грип уверуваат од АХВ - Канал 5

Здравје

Нема опасност за ширење на вирусот на птичји грип уверуваат од АХВ

Не постои сериозна опасност од ширење на птичјиот грип од комплескот куќи во скопската населба Злокуќани.

Нема опасност за ширење на вирусот на птичји грип уверуваат од АХВ

Не постои сериозна опасност од ширење на птичјиот грип од комплескот куќи во скопската населба Злокуќани. Станува збор за затворен комплекс каде по утврдувањето на вирусот кај една дива птица биле превземени сите мерки. Негативни се резултатите кај двата лебеда кои се чувале во самиот комплекс се негативни, велат од АХВ за Канал 5. Се чекаат резулатите од уште две украсни птици од комплексот. Од агенцијата за храна и ветеринарство со апел до граѓаните доколку најдат умрена птица.

„Дивите птици најчесто преселниците се сметаат за резервоар на болеста. Затоа апелирам до граѓаните доколку најдат угината дива птица, но од водните патки, гуски или слични од нив да ја информираат Агенцијата за храна и ветеринарство или ветеринарни друштва. Доколку станува збор за други видови птици и за изолирани угинувања треба да се обратат кај јавните комунални претпријатија за нештетно отстранување на лешевите, изјави Оливер Миланов директор на АХВ.

Професорот од факултетот за ветерина од катедра за болести за птици Александар Додовски објаснува дека секое навремно уништување на болна птица од птичји грип е добро да не се шири. Во однос на луѓето нема простор за паника ако се види мртва птица, треба да се пријави во АХВ или комунално претпријатите. На удар се луѓето кои работат со птици и затоа треба да носат заштитна опрема.

Првиот случај на птичји грип се појави пред три недели во зоолошката градина каде беа усмртени 35 птици. Досега нема ниту еден потврден случај на птичји грип кај луѓе.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Тројца малолетници од Скопје предизвикале пожар во парк шумата Гази Баба, уапсени се

Лишени од слобода тројца малолетници од Скопје поради предизвикување пожар, следува пријава.

Тројца малолетници од Скопје предизвикале пожар во парк шумата Гази Баба, уапсени се

На 04.10.2026 во парк шума Гази Баба во Скопје, полициски службеници од СВР Скопје лишија од слобода тројца малолетници од Скопје, постапувајќи по претходна пријава дека предизвикале пожар при што била опожарена сува трева.

Од Бригадата за противпожарна заштита пожарот бил изгаснат, а по целосно документирање на случајот Единицата за внатрешни работи Гази Баба при СВР Скопје ќе поднесе кривична пријава поради постоење основи на сомнение за сторено кривично дело „предизвикување општа опасност“ по член 288 од Кривичниот законик, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Обвинителството ги оспорува заклучоците на вештакот ангажиран од д-р Нино Васев

Во Кривичниот суд продолжи судењето за предметот „Онкологија 1“. Денеска во Кривичниот суд беше испрашуван вештакот Владимир Даниловски, вешто лице ангажирано од страна на одбраната.

Обвинителството ги оспорува заклучоците на вештакот ангажиран од д-р Нино Васев

Неговите заклучоци за терапијата на онколошките пациенти беа оспорени од обвинителството на денешното вкрстено испрашување.

На судењето кое се води против поранешниот директор на Клиниката за онкологија, Нино Васев, и уште двајца онколози, обвинети за несовесно лекување пациенти, обвинителството поставуваше прашања за дозирањето и третманот на конкретни онколошки пациенти со лекови и терапија за кои, како што нагласи вештото лице, се произнесува во своето вештачење и наведува дека се дадени согласно европските протоколи и се во насока на тоа да се види стручноста на ова вешто лице.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли .

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон санкционирање на возачите кои управуваат возило со брзина поголема од пропишаната.

При спроведените контроли констатирани се вкупно 628 прекршоци. Од нив, 344 прекршоци се констатирани кај возачи кои ја надминале дозволената брзина надвор од населено место, додека 284 прекршоци се однесуваат на возачи кои ја надминале пропишаната брзина во населено место.

За сите констатирани прекршоци преземени се соодветни мерки и изречени се санкции согласно законските прописи.

Во текот на контролите констатирани се и 66 прекршоци од друг вид.

Министерството за внатрешни работи продолжува со зајакнатите сообраќајни контроли на целата територија на државата, со цел зголемување на безбедноста на сите учесници во сообраќајот и намалување на ризиците предизвикани од непочитување на ограничувањата на брзината, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер