Нема излез од државата и за возилата што немаат налепница „НМК“ на табличките - Канал 5

Македонија

Нема излез од државата и за возилата што немаат налепница „НМК“ на табличките

Здивнаа и возачите и вработените на станиците за технички преглед, МВР со промена на правилникот го пролонгираше рокот за промена на назнаката на регистарските таблички најдоцна до крајот на годината. 

Нема излез од државата и за возилата што немаат налепница „НМК“ на табличките

Граѓаните веќе ниту не треба да брзаат и да чекаат во редови, бидејќи првенствениот рок кој истече денеска веќе не важи, а најголемиот број од возачите назнаката „НМК“ ќе си ја добијат и при редовната регистрација на возилата во текот на годината...

За разлика од вчера кога недостасуваа, денеска станиците за технички преглед кои ги посети Канал 5 имаа залихи од налепници, а долгите редици, нервозата и нетрпението пред шалтерите на МВР попладнево ги немаше.

Порелаксирано е, а за разлика од вчера и побргу се стига до налепници, со продолжувањето на рокот до крајот на годината се расчисти и хаосот на станиците за технички преглед.

Па, оттаму и граѓаните кои вчера чекаа со часови ја одобруваат ваквата одлука..

-Одлично поминавме, супер, за 5 минути си ги земавме налепниците, пополнивме формулар и тоа беше целата работа, потписот, сообраќајната им ја дадовме, во ред е и тоа е./ Завршив многу бргу, не чекав. Денеска нема гужва, јас очекував повеќе дека ќе има, меѓутоа нема... /Да добив се, треба да се залепи, само сообраќајната сега треба да ја променам.

Сепак, дел од возачите кои ги затекнавме се револтирани, велат регистрирале возило пред помалку од два месеци, а сепак не им била понудена регистрација со назнака „НМК“, па сега велат се принудени повторно да го поминуваат целиот процес.

-И за лепенки и за сообраќајна, „неќни“ ја регистрирав, нормално дека ме лути губиш време./ Сега на 23 декември ја регистрирав и ништо не ми дадоа, ништо, само ми ја сменија сообраќајната. А, кога регистриравте возилото? Па сега нема две недели/За мене ова е циркус, ова е го малтретираат народот само, зошто да биде едноставно кога може да биде комплицирано./ Се на товар на народот, без секирација, кога бирократијата ќе се исбирократизира таа се дистанцира од народот, не ја интересира.

Кратенката „МК“ во сообраќајните дозволи не е спорна според Преспанскиот договор иако дел од граѓаните стравуваа дека може да им направи проблем при патување. Воедно и од МНР потврдија дека кодот НМК е само за регистарските таблички, а како што кажаа разговарале и со грчките власти од каде е добиено уверување дека кратенката МК во документите не била и нема да биде проблем..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер