Кошарка

Нема да ми ги земеш парите- познат НБА кошаркар ја оставил невестата на денот на свадбата

Стефон Џексон (46), поранешен кошаркар во НБА, решил да ја остави својата вереница на денот на венчавката бидејќи таа не го потпишала предбрачниот договор.

Како милионер, Џексон не сакал девојката да го изневерува и да се омажи за пари.

Во 1997 година Џексон беше избран како втор пик на драфтот, имаше доста добри договори зад себе и заработи десетици милиони.

Кога решил да се ожени со девојка со која долго време бил во врска, ѝ поставил само еден услов, да потпише предбрачен договор како доказ дека не се мажи за него само поради парите. Стефон чекал долго тоа да се случи, а на врската дефинитивно ставил точка на денот на венчавката.

„На свадбата дојдоа сите 530 гости и сѐ што требаше да направиме е да го потпишеме предбрачниот договор. Во животот се грижев за многу луѓе, но никогаш не би дозволил една жена да контролира за тоа за што сум работел толку напорно цел живот.Никој од тие кучкини синови не беше со мене во сала.Затоа си ветив дека жена ми ќе мора да го потпише предбрачниот договор.Се договоривме три-четири месеци пред свадбата и чекав за таа да потпише.Дојдовме во Хјустон, јас постојано велев дека треба што поскоро да потпише.Таа рече дека ќе го направи тоа.Продолживме со планирањето на свадбата,јас ја сакав и планирав семејство со неа.На денот на на свадбата носев одело. Сите мои кумови беа таму и само требаше да се симнеме со лифт до свадбената соба. Баба ми дојде во собата и ми рече дека хартијата не е потпишана и дека тоа е крајот.

Џексон веднаш решил да откаже сѐ. Не се грижел ниту за вложените 400.000 долари.

„Сите беа во шок кога објавив дека венчавката е откажана. После тоа плачев половина час и не можев да верувам дека некоја жена ќе ме натера на тоа поради парче хартија“.

На вратата тогаш се појавила несудената невеста. Плачејќи побарала да го потпише договорот.

"Таа сакаше да разговара со мене, беше во венчаница и целата во солзи. Ме замоли да се потпишам на договорот. Но јас не сум од вчера. Мислев: "Ти, душо, го направи својот избор. Можеш потоа да ме тужиш дека договорот си го потпишала под стрес“, раскажа Џексон во една ТВ емисија.

Свет

Рекорден број мигранти се движи кон границата на САД, Бајден пред нов тест (ВИДЕО)

Илјадници мигранти преминаа во Соединетите држави последниве денови, од Калифорнија до Тексас, а многу други пристигнуваат со автобуси и товарни возови во мексиканските погранични градови, што претставува нов предизвик за претседателот Бајден.

Драматичното зголемување долж границата, особено во Сан Диего, Калифорнија и во тексашките градови Ел Пасо и Игл Пас, означува пресвртница откако бројките драстично паднаа во последниве месеци и може да создаде нови политички проблеми за Бајден пред изборите.

Во мај, Бајден започна нови политики за да ги спречи илегалните преминувања, вклучително и депортирање на мигранти и забрана за повторен влез на пет години, додека неговата администрација се бореше со рекордната миграција. За еден месец построгите мерки ја намалија стапката на минување на границата за околу 70 отсто.

Но, неодамнешниот пораст на пристигнувања на границата, во комбинација со значително повеќе луѓе кои се упатуваат кон север преку Централна и Јужна Америка, со мигранти кои се возат на покривите на товарни возови низ Мексико, сугерира дека одвраќањето опаѓа.

Експертите велат дека САД немаат капацитет да ги приведат и обработуваат мигрантите на границата, што често ја оневозможува администрацијата да ги спроведе строгите казни што ги објавија во мај. Како резултат на тоа, некои баратели на азил кои нелегално преминуваат се пуштени во САД со иден датум на судење наместо да бидат депортирани.

„Администрацијата на Бајден излезе со паметна стратегија, но нема ресурси или капацитет да ја спроведе“, рече Ендрју Селе, шеф на Институтот за миграциска политика. Царината и граничната заштита на САД соопштиле дека ги обработуваат мигрантите безбедно и ефикасно и ќе наметнат последици, вклучително и депортација за мигрантите без правна основа да не останат во земјата.

Македонија

Спасовски на „Неготински панаѓур” во чест на верскиот празник Мала Богородица

Со задоволство се одзвав на поканата на неготинци да го посетам познатиот „Неготински панаѓур”, едновековна традиција на овој град за време на гроздоберот во Тиквешијата, а во чест на верскиот празник Мала Богородица.

Оваа тридневна манифестација, со најдолга традиција во Македонија, привлекува голем број гости и посетители од сите краишта на државата, трговци кои ги промовираат своите производи, карактеристични за поднебјето.

На овој ден се дава предност на доброто расположение, радоста на живеењето и другарувањето - нека е за многу години!, објави на ФБ министерот за внатрешни работи, Оливер Спасовски.

Свет

Бајден се премисли- сепак на Украина ѝ испраќа моќен ракетен систем со голем дострел

Американскиот претседател Џо Бајден го информирал украинскиот претседател Володимир Зеленски дека Вашингтон ќе му достави на Киев ракети АТАКМС со долг дострел, објави Ен-Би-Си њуз, цитирајќи тројца американски претставници и член на Конгресот.

Киев долго време бара од администрацијата на Бајден воени тактички ракетни системи (ATACMS) за да ги нападне и прекине линиите за снабдување, воздушните бази и железничката мрежа на територијата окупирана од Русија.

Зеленски вчера го посети Вашингтон за да разговара со Бајден. По тој повод, САД најавија нов пакет воена помош за Киев во износ од 325 милиони долари. Но, советникот за национална безбедност на Белата куќа, Џејк Саливан, на прес-конференција вчеравечер рече дека САД ќе ја снабдат Украина со „важни“ системи за воздушна одбрана, но „засега“ не ракети со долг дострел ATACMS што ги бара Киев.

Пентагон не одговорил веднаш на барањето за коментар. Претходно беше објавено дека администрацијата на Бајден размислува за испраќање на ATACMS, кој има домет од 306 километри, во Украина. Системите ATACMS се дизајнирани за напади доста далеку од линијата на фронтот.