Македонија

Нема абер од автопатот Кичево – Охрид, а сегашниот магистрален пат во катастрофална состојба

На стартот на новата година кинески Синохидро доби нов рок од 2 години да го изгради автопатот Кичево – Охрид, но на терен неизвесно дали воопшто нешто се работи.

Продолжениот викенд кога голем број граѓани го искористија да го посетат Охрид, на автопатот од Кичево кон Охрид освен колони возила, друго не можеше да се забележи.

И додека во светот се градат километарски подводни автопати за 4 до 5 години, кај нас 57 км делница и по една деценија никако да го доживее својот епилог. На терен викендов, ниту работници ниту механизација. Денеска молк од надлежните институции, а последната информација поврзана со изградбата токму на овој автопат беше пред речиси една недела, дека во период од неколку часа ќе се врши минирање.

„Дали во моментов се вршат активности на терен? Колкав број на работници се ангажирани? Дали на местото каде треба да се гради има механизација?“ прашавме и во Јавното претпријатиа за државни патишта но оттаму одоговри не добивме. Се обидовме да стапиме и во контакт со се уште актуелниот министер за траснпорт и врски, Благој Бочварски, но ниту тој не одговори на нашите телефонски повици.

Охрид, важи за еден од најпосетените туристички градови во земјава, не само од домашни, туку и од странски туристи. Од туристичко угостителската комора за Канал 5 велат со години говориме дека доколку имаме добар автопат од Скопје до Охрид бројот на туристи значително ќе се зголеми. Првиот човек на комората, Аркан Керим вели неизгрдабата на автопатот е проблем на домашните институции, но и проблем за посетителите, кој наместо два патуваат и по 4 часа.

„Патот трае повеќе кога се градеше, кога се гради, има застои и на пример патот Скопје – Охрид е 2,5 часа а вака со сите застои е 4 часа и затоа сега даваме повеќе паузи, дали на Стража, дали во Маворово, дали на некој други места правиме попатни паузи за да го амортизираме тоа што се прави патот не е до нас тоа е некоја виша сила ... меѓутоа ако се напрви патот верувајте ми може да имаме удвостручување на бројот на турсисти кој ќе доаѓаат и кон Охрид и кон Скопје...“- изјави Аркан Керим – претседател на Туристичко угостителска комора.

Од она што е досега познато, кинески Синохидро започна со изградба на автопатот во 2014 година, рокот неколкупати беше пролонгиран за што беа потпишани 6 анкес договори, а со дел од нив порасна и цената. Па наместо првичните 400 сумата скокна на 600 милиони евра. При последниот увид на автопатот, на кој беа поканети и новинарски екипи, дел од екпертите и професорите беа едногласни дека една деценија за изградба на 57 км делница е предолг период, но беа отпимисти дека доколку новата проекција би течела како што треба, санацијата на 13 те свлечишта кои ја закочија работата, би траела околу една година.

Останантите делници од Коридор 8 до границата сос Албанија треба да ги гради конзорциумот Бехтел и Енка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МНРиТ: Со внимание ја следиме актуелната состојба со пожарите во Грција

Министерството за надворешни работи и надворешна трговија со внимание ја следи актуелната состојба со пожарите во Грција, преку своето дипломатско-конзуларно претставништво во Солун и во комуникација со надлежните грчки институции.

Апелираме до нашите државјани кои се наоѓаат во погодените подрачја и имаат потреба од помош да се обратат на дежурниот телефонски број на Министерството +389 75 268 736, на електронската адреса [email protected], како и на дежурните телефонски броеви на Конзулатот на Република Македонија во Солун: +30 694 526 8068 и +389 71 323 001.

Воедно, ги потсетуваме македонските државјани кои се наоѓаат во засегнатите подрачја внимателно да ја следат состојбата и да ги почитуваат упатствата и насоките на надлежните локални власти.

МНРиТ

Тагови: МНРиТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Никол Кидман за нејзиниот брак со Том Круз: „Бев млада, се заљубивме лудо“

Актерката Никол Кидман се осврна на својот брак со Том Круз и нагласи дека врската била сосема природен дел од нејзиниот живот.

Иако рано влегла во светот на славата, таа вели дека нејзината врска со една од најголемите ѕвезди на ерата ѝ изгледала нормална, пишува британскиот Вог.

Брак на 22 години

Кидман објасни дека се чувствува удобно на настани како што се модни ревии и на црвени теписи бидејќи многу рано била потопена во тој свет. „Мора да размислите за кого се омажив толку млада. Бев турната во тој свет на 22 години. Бев навистина млада“, рече таа.

За нејзиниот брак со Круз, таа додаде: „Одеднаш, на 23 години, имав сопруг кој беше светски позната филмска ѕвезда. Ми се чинеше сосема природно. Едноставно се заљубивме лудо и сè беше многу едноставно“.

Кариера и љубов

Актерката изјави дека многу луѓе биле против нивната врска во тоа време, загрижени за нејзината кариера. „Се сеќавам дека луѓето ми кажуваа како тоа ќе влијае на мојата кариера. Реков дека не ми е гајле бидејќи бев заљубена и сакав да се омажам“, рече таа.

Деценија брак и развод

Кидман и Круз се запознаа во 1990 година на снимањето на филмот „Days of Thunder“. Тие беа во брак повеќе од десет години, а официјално се разведоа во август 2001 година. Кидман подоцна зборуваше за овој период во интервју за „Vanity Fair“.

„Имав многу време за себе, што беше добро бидејќи бев практично дете кога се омажив. Требаше да пораснам“, рече таа во тоа време.

Нов живот и поглед назад

Во 2006 година, таа се омажи за пејачот Кит Урбан. Двојката го објави својот развод во 2025 година по 19 години брак, а заедно ги имаат ќерките Сандеј Роуз и Фејт Маргарет. Во претходно интервју за „New York Magazine“, Кидман објасни зошто не сакаше да зборува за нејзиниот брак со Круз.

„Секогаш не сакав да зборувам за тоа како се омажив за Том Круз на 22 години. Сега сум во брак со маж кој е моја голема љубов и чувствувам дека тоа би било непочитување кон него“, рече таа, додавајќи дека бракот ја заштитил од негативни искуства во индустријата. „Се омажив од љубов, но тоа што се омажив за исклучително моќен маж ме заштити од сексуално вознемирување. Работев, но во исто време бев многу заштитена, како во кожурец“, заклучи таа.

Извор: Индекс.хр

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Инспиративна приказна од Германија: Млад брачен пар од струмичко со сопствена служба за медицинска нега

Од Германија пристигнува една исклучително позитивна и инспиративна приказна за двајца млади Македонци кои докажуваат дека дури и далеку од дома со труд, желба и истрајност, соништата се остваруваат.

Кире и Цветанка Коцеви, родени во 2002 година во струмичкото село Ангелци, веќе 7 години живеат и работат во Германија. Иако млади, преку сопствената посветеност и напорна работа, тие успеале да постигнат голем деловен успех: отворање на сопствена служба за амбулантна нега.

Нивната компанија обезбедува професионални медицински и хигиенски услуги за пациенти во нивните домови.

„ За нас ова е голем успех и убаво е да за ова нешто да дознае јавноста, за да може да мотивираме повеќе народ да не се откажуваат од нивните сонови. Затоа што ние лично сме во туѓа земја ама сепак достигнавме нешто убаво ипозитивно, тоа е добро да се слушне за мекдонскиот народ, а не само негативни вести за Македонија“, порачуваат Кире и Цветанка

Тагови: медицинска нега

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.