Нексе генерална проба за вардарци пред стартот на Лигата на шампионите - Канал 5

Ракомет

Нексе генерална проба за вардарци пред стартот на Лигата на шампионите

Ракометарите на Вардар во недела вечер играат натпревар од СЕХА лигата последен пред настапот годинава во Лигата на шампионите. Ривал на „црвно-црните“ ќе им биде хрватската екипа Нексе, која изминативе сезони постојано е на чекор до влез на „Ф4“ турнирот во ова натпреварување.

Нексе генерална проба за вардарци пред стартот на Лигата на шампионите
- Желба ни е да одиграме добар натпревар. Добро и квалитетно работевме деновиве во пресрет на стартот од Лигата на шампионите. Нексе е добар тим, со квалитетни играчи на бековските позиции, како и добри пикери. Воглавно играа добро во првите 15-20 минути – истакна на денешената прес конференција тренерот на Вардар Раул Гонзалез.

Капитенот Филип Лазаров очекува уште еден натпревар во кој, тој и соиграчите на крајот ќе запишат нови бодови.

- Нексе е редовен учесник во СЕХА лигата и знаат да одиграат добри натпревари. Но, со сериозен пристап на домашен терен во недела треба да постигнеме победа, изјави Лазаров.

Во редовите на Вардар, неизвсен е настапот на засилувањето Блаженко Лацковиќ, кој има повреда и утрешниот тренинг ќе биде за него тест дали ќе игра во недела, но тренерот Гонзалез напомена дека овој натпревар е можеби рано за негов настап, а очекува да игра против Цеље во Лигата на шампионите следниот викенд.

Натпреварот Вардар – Нексе се игра во недела со почеток во 20:15 часот во салата во СРЦ „Кале“.

Вториот наш претставник во ова натпреварување шампионот Металург утре (почеток 16 часот) ќе гостува кај лидерот на табелата унгарски Веспрем.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер