Неколкумина загинати во поплави и свлечишта предизвикани од тајфунот Кајики во Виетнам и Тајланд - Канал 5

Свет

Неколкумина загинати во поплави и свлечишта предизвикани од тајфунот Кајики во Виетнам и Тајланд

Обилните дождови и свлечиштата предизвикани од тајфунот Кајики одзедоа неколку животи и предизвикаа големи штети во Виетнам и Тајланд, соопштија властите.

Неколкумина загинати во поплави и свлечишта предизвикани од тајфунот Кајики во Виетнам и Тајланд

Во Виетнам, најмалку седум лица загинаа откако тајфунот ја погоди земјата во понеделникот навечер, според владините извештаи. Едно лице сè уште се води како исчезнато, а над 30 се повредени. Обилните врнежи поплавија големи делови од земјата, вклучително и главниот град Ханој, каде улиците беа под вода, а автомобили и мотоцикли потопени. Жителите пријавиле дека виделе мали риби како пливаат низ поплавените домови.

Според владата, оштетени се над 8.000 куќи, а десетици илјади хектари оризови полиња се поплавени. Повеќе од 1,6 милиони луѓе привремено останаа без електрична енергија.

На Тајланд, каде Кајики ослабна во тропска бура, во северната провинција Чијанг Маи, популарна меѓу туристите, две лица загинаа во свлечиште во едно село, објави „Бангкок Пост“. Едно 12-годишно девојче сè уште се води како исчезната.

Според заменик-гувернерот Чатчавал Паниа, најмалку 10 куќи биле зафатени од кал и урнатини, од кои седум се целосно уништени. Многу повредени жители не можеле веднаш да бидат пренесени во болница поради отсеченоста на селото.

YouTube video

Тагови: Виетнам Тајланд Кајики

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тешки обвинувања од Египет по поразот од Аргентина: „Ова беше наместен натпревар!“

Селекторот на фудбалската селекција на Египет, Хосам Хасан не можеше да го скрие гневот по драматичниот пораз од Аргентина во осминафиналето на Светското првенство.

Тешки обвинувања од Египет по поразот од Аргентина: „Ова беше наместен натпревар!“

Египет водеше со 2-0, со „една нога“ беше во четвртфиналето, но Аргентина успеа да направи епски пресврт, постигнувајќи гол во 3 минута од судиското надополнување за победа од 3-2.

По натпреварот, Хасан упати сериозни обвинувања против организаторите и судијата.

„Ќе кажам што ми е на ум, без оглед на последиците. Ова беше очигледно наместен натпревар и целиот свет го виде тоа.“

Тој не застана тука.

„И сакам да кажам уште нешто - ако толку многу сакаат Аргентина да победи, тогаш зошто воопшто да поканат други да учествуваат?“

Неговите зборови сигурно ќе привлечат големо внимание од фудбалската јавност, особено по натпреварот кој веќе предизвика бројни коментари поради неколку контроверзни судиски одлуки и бурни реакции од египетскиот табор.

YouTube video

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Даниела Димовска нова претседателка на скопскиот Кривичен суд.

Даниела Димовска е избрана за претседател на скопскиот Кривичен суд. 

Даниела Димовска нова претседателка на скопскиот Кривичен суд.

На денешната седница на Судскиот совет таа беше избрана со 11 гласа ЗА, а за позицијата се кандидираше и судијата Ивица Стефановски. Димовска е судија од Кривичниот суд и една година беше в.д претседател на судот.

Тагови: кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Завршени операциите за спасување, бројот на жртви од лизгањето на земјиштето во Кина се искачи на 21

Бројот на загинати во лизгањето на земјиштето во округот Дангчанг, во провинцијата Гансу во северозападна Кина, се искачи на 21, а операциите за спасување се завршени, соопштија денеска локалните власти.

Завршени операциите за спасување, бројот на жртви од лизгањето на земјиштето во Кина се искачи на 21

Лизгањето на земјиштето се случи во вторник наутро во селото Рензанг, во општината Нанхе, при што 33 лица останаа затрупани, објави „Глобал тајмс“.

По несреќата, на терен веднаш беа испратени екипи за итни случаи, противпожарни единици и припадници на службите за јавна безбедност, кои започнаа операција за пребарување и спасување.

Во знак на сеќавање на жртвите, владините претставници и новинарите присутни на конференцијата оддадоа почит со едноминутно молчење.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер