Многумина се сеќаваат на убавото лице на Мелани Грифит, која пленеше со својата убавина. Таа беше една од омилените актерки, особено по бракот со Антонио Бандерас. Холивудската актерка која летово полни 67 години, неодамна беше фотографирана на улиците на Лос Анџелес во автомобил. Многумина беа запрепастени од нејзиниот запуштен изглед, а на оваа фотографија е речиси непрепознатлива и не личи на себе.

Актерката се повлече од јавноста наводно поради проблемите кои ги имаше со алкохолот и дрогата, додека пак нејзиниот поранешен сопруг Антонио Бандерас ѝ замерил поради бројните естетски операции кои на крајот целосно ја уништиле.

Приватниот живот на Мелани Грифит никогаш не бил тајна и секогаш го привлекувал вниманието на медиумите. Таа едвај полнолетна се омажи за актерот Дон Џонсон, но бракот траеше само 6 месеци. Пет години по разводот, таа повторно вплови во брачните води, овој пат со актерот Стивен Бауер.

Иако во тој брак го доби синот Александар и овој брак после осум години заврши со развод, а Грифит се оддаде на пороците. Како логичен редослед на несреќните околности што ја снајдоа поради разводот и пороците, таа падна во депресија, а по лечењето му се врати на Дон Џонсон и тие повторно ѝ дадоа шанса на нивната љубов, па во 1989 г. застанаа пред матичар. Од тој брак се роди нивната ќерка, познатата актерка Дакота Џонсон, ѕвезда на филмот „Педесет нијанси сиво“. По неколкуте разделби во нивната врска, тие конечно се разведоа во 1995 година.

Неколку месеци по разводот, во нејзиниот живот влезе актерот Антонио Бандерас, кој тогаш беше оженет, што не го спречи да се одлучи за Мелани, која реши по четврти пат „да рипне во тавче“. Од тој брак ја добија ќерката Стела. Овој брак со актерот Бандерас траеше најдолго, дури 18 години.

Иако се стабилизираше и започна нормален живот, во текот на 2000-тите таа повторно им се врати на зависностите. Кога почна со рехабилитација, во една прилика, за странски медиуми таа изјави дека тоа е „битка без крај, но мора да се биде упорен и да се победи, а за тоа е неопходна голема помош“.

Разводот на познатите актери, по речиси две децении брак, се смета за еден од најскапите разводи и е проценет на 50 милиони долари.

- Причината поради која раскинавме е тоа што заглавив и не можам никого да обвинувам за тоа - признала тогаш Мелани.

Последиците од зависностите и турбулентниот живот денес се видливи на нејзиното лице, за кое многумина велат дека буквално се распаѓа и дека актерката изгледа непрепознатливо.

Ниту таа, како повеќето нејзини колешки, не одолеа на естетската хирургија, па на 40-годишна возраст ја направи првата пластична операција, поради што нејзиниот изглед беше целосно трансформиран. Тоа секако се одрази на нејзината кариера, а не беше поштедена ни од критиките на јавноста.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.