Неизвесноста со интерпелацијата Даути продолжува, од АА бараат нејзин реизбор - Канал 5

Македонија

Неизвесноста со интерпелацијата Даути продолжува, од АА бараат нејзин реизбор

Продолжуваат партиските реакции околку интерпелацијата на Илире Даути.  

Неизвесноста со интерпелацијата Даути продолжува, од АА бараат нејзин реизбор

Крилото на Алијанса за Албанците на Зијадин Села стои зад изјавата на Илире Даути и засега не планира таа да си поднесе оставка како претседателка на комисијата за социјална политика, откако претходно со мнозинство гласови и беше изгласана недоверба. Од партијата преку соопштение попладнево кажаа дека го имаат истиот услов кој го соопшти и самата Даути - бараат Гаши да го укине заклучокот по нејзината интерпелација во петокот, за таа, како што велат, да можела да дејствува слободно, без цензура и без диктат.

-Алијанса за Албанците и Европски Фронт стојат зад изјавата на г-ѓа Даути, цениме дека таа ја вршела својата работа одговорно и согласно Деловникот и затоа бараме да се укине заклучокот инициран од Левица, а предложен од Гаши, изјавија од партијата на Села.

Даути вчера во ТВ гостување го испорача истиот услов до владејачката Вреди и Гаши доколку, како што рече, сакале таа да остане на чело на собраниската комисија како што тврдат. Во спротивно, вели, не можела да работи под диктат.

-Да го тестираме ВЛЕН, дали се искрени во помошта и барањето Илире Даути да биде претседател на комисијата? Подготвена сум, но Африм Гаши да ја свика пленарната седница, пратениците да дојдат и да гласаат токму за укинување на тој заклучок што го донесоа тој ден и тие да гласаат за Илире Даути за претседател на комисијата како слободни и невлијателни пратеници, без диктат и без претходно утврдени услови, во форма како што одлучил, изјави Даути.

Од СДСМ, пак, одговорноста покрај кај Даути ја гледаат и кај Гаши не само поради тоа што не ја свика седницата на Комисијата за социјална политика, туку и поради неговата изјава дека интерпелацијата нема правно дејство.

-Целата одговорност околу несвикувањето на седницата за законот за бранители и сега по усвоената недоверба за Даути е кај претседателот на Собранието Африм Гаши. Откако е изгласана интерпелација односно недоверба, исто така одговорност на претседателот на Собранието е да соопшти кои се неговите следни чекори по изгласувањето на интерпелацијата за Даути, изјави портпаролката на СДСМ, Кузеска.

На Даути во петокот, со гласовите на пратениците на ВМРО-ДПМНЕ, ЗНАМ и Левица и беше изгласана недоверба заради блокада на законот за бранители кој, пак, е поднесен од СДСМ, но тие ја напуштија седницата.

Од ВМРО-ДПМНЕ остануваат на ставот дека Даути нема легитимитет и очекуваат Гаши да побара од Комисијата за избори и именувања да ја спроведе постапката за нејзино разрешување. Тој пак вчера изјави дека прашањето со интерпелацијата на Даути е решено и топката за разрешувања и оставки ја префрли кај комисијата за избори и именувања и пратеничките групи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер