Недостигот на вода за наводнување - нов предизвик за јужна Европа - Канал 5

Живот

Недостигот на вода за наводнување - нов предизвик за јужна Европа

Водите и нивното складирање стануваат се погорливо прашање во државите од југот на Европа во услови за зголемување на сушните периоди и растот на температурите, пред се во текот на летото.

Недостигот на вода за наводнување - нов предизвик за јужна Европа

Водите и нивното складирање стануваат се погорливо прашање во државите од југот на Европа во услови за зголемување на сушните периоди и растот на температурите, пред се во текот на летото, поради што веќе се најавуваат и протести поврзани со водоснабдувањето на земјоделците.

Во Стратешка агенда на Советот на ЕУ за периодот 2024-2029 година се наведува дека во услови на недостиг на вода, зголемени суши и нередовни врнежи, потребно е зајакнување на отпорноста на водите и инвестирање во поголема прекугранична водна инфраструктура.

Во обраќањето пред европратениците на 18 јули при нејзиниот реизбор за претседателка на Европската комисија, Урсула фон дер Лајен повика на изработка на „Стратегија за одржливо управување со водите“ со цел земјоделците да бидат „подобро подготвени“ за климатските промени.

Истиот ден кога Фон дер Лајен се обраќаше во Европарламентот во Стразбур, кај мочуриштето Појтеван во западна Франција се одржа протест на неколку илјади луѓе против изградбата на резервоари за вода на отворено во негова близина, што би им овозможиле на земјоделците пристап до водни ресурси за наводнување. Организаторот на овие протести, француската еколошка група „Востанија на земјата“, најави дека во септември планира да организира марш од Појтеван до Венеција, со цел да алармира за изградбата на водните „мегабазени“ и за загадувањето на водата во регионот на Венецијанската лагуна.

Целта на овие „мегабазени“ е да собираат и складираат дождовница што би се користела за наводнување, но во услови на недоволни количества на врнежи, тие може да црпат вода од земјата, што според нивните противници, ќе предизвика нарушување на биодиверзитетот и можно пресушување на мочуриштето и другите водни површини во нивната околина.

Според портпаролот на француската организација Селанска конфедерација, која се противи на изградбата на „мегабазените“, Лорен Марандола, црпењето на вода за полнење на овие акумулации „создава притисок“ врз реките и подземните води, што резултира и со проблеми со водоснабдувањето во некои урбани центри.

- Во Франција, мегабазените се финансираат од јавни средства, но потоа водата се приватизира, при што само неколку десетици луѓе имаат корист од нив, смета Марандола.

Во услови на растот на просечните температури како последица на климатските промени, проблем кој е посебно нагласен во земјите околу Средоземното Море, се повеќе се иницира складирање на дождовницата. Според податоците, Шпанија складира околу 20 отсто од наврнатиот дожд, во Италија таа стапка е околу 10 проценти, додека во Франција се собира само 1,7 отсто од дождовницата.

Дождовницата во Шпанија се складира во огромни слатководни базени, кои за разлика од француските „мегабазени“, во услови на недостиг на дожд црпат вода од реките или површинските води, но не и од самата земја.

Сепак во услови на намалени врнежи пред се во текот на летните месеци, шпанските базени имаат проблеми со полнењето. Во 2023 година, со вода биле исполнет само околу половина од нивниот вкупен капацитет, поради што почесто се прибегнува кон пренасочување кон нив на вода од реките.

Според директорката на шпанската еколошка организација Фондација за нова култура на водите (ФНЦА), Хулија Мартинез, пренасочувањето на водата од речните корита од едната страна овозможува да се акумулира потребната вода за наводнување, но од другата страна тоа предизвикува интензивни суши долж натамошниот тек на реките.

Мартинез посочува дека покрај овие акумулации, кои се финансиираат со јавни средства, во Шпанија постојат и приватни „базени за наводнување“, за чие полнење земјоделците „немаат дилеми околу искористувањето на подземните води“.

За справување со недостигот на вода за наводнување, здруженијата на земјоделците во Италија предложија изградба на водни базени кои нема да црпат вода од земјата, туку ќе се полнат само со дождовница и би имале опција за пренасочување на водата во реките „за време на најврнежливите периоди“. Дополнително, овие базени би биле покриени со „пловечки фотоволтаични панели“, кои би произведувале електрична енергија за работа на водните пумпи.

Според најголемото италијанско земјоделско здружение, Националната конфедерација на професионални фармери (Колдирети), Италија годишно губи 89 отсто од дождовната вода.

- Ова е неприфатлива загуба, со голем ризик од опустинување и создавање хроничен недостиг на вода во одредени региони, посочуваат од Колдирети, нагласувајќи дека земјата „треба да го зголеми собирањето на слатка вода преку подобрување на инфраструктурата“.

Француските активисти кои се против изградбата на „мегабазените“ посочуваат дека водата е „општо добро на човештвото“ и не треба да се дозволи нејзина монополизација.

- Стоп за агроиндустрискиот модел што ја монополизира водата во корист на малцинството, порача европратеничката Ема Фуро од левичарската партија Непокорна Франција (ЛФИ), во обраќање на протест кај мочуриштето Појтеван одржан минатата саботата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џенифер Лопез се потруди целиот Милано да се сврти по неа

Светската музичка ѕвезда, Џенифер Лопез се потруди целиот Милано да се сврти по неа: под црната тантела се гледаше апсолутно сè

Фото: Џенифер Лопез се потруди целиот Милано да се сврти по неа

Атрактивната Џенифер Лопез го воодушеви Милано во смела чипкана комбинација што го откриваше долниот веш, по ревијата на „Долче и Габана“.

Џенифер Лопез ја покажа својата смела модна страна во Милано, а со проѕирна чипкаста комбинација по модната ревија на „Долче и Габана“, таа едноставно не можеше да остане незабележана.

Актерката и пејачка Џенифер Лопез се погрижи сите погледи да бидат вперени во неа за време на нејзиниот престој во Милано.

За вечерното излегување по модната ревија на „Dolce & Gabbana“, таа избра смела комбинација. Пред фоторепортерите се појави во впечатлив комплет од црна тантела, кој поради проѕирниот материјал го откриваше нејзината долна облека.

Кројот што ја следеше линијата на нејзиното тело дополнително ја истакна силуетата на 57-годишната ѕвезда, додека длабокото деколте ѝ даде уште позаводлив шмек на целата комбинација. Преку чипката таа облече долг црн крзнен капут, со кој накратко ја покри провокативната комбинација.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американските сили се повлекоа од последните бази во Ирак, се стравува од безбедносен вакум

Американските сили денеска се повлекоа од преостанатите свои бази во Ирак, предизвикувајќи стравувања дека зад себе оставаат безбедносен вакуум што би можел да ги зајакне проиранските милиции и да доведе до прегрупирање на Исламската држава.

Американските сили се повлекоа од последните бази во Ирак, се стравува од безбедносен вакум

Повлекувањето што го поздравија Иран и неговите сојузници, беше договорено во 2024 година, за време на претседателствувањето на Џо Бајден, а се спроведува во услови на војна против Иран кој има свое влијание и во Ирак преку одредени вооружени групи.

Повлекувањето се случува 23 години откако американските сили го соборија од власта Садам Хусеин, што предизвика бунт и хаос во државата во која подоцна се појави џихадистичката организација Исламска држава.

Иако ирачаните се задоволни од заминувањето на американските војници, постојат стравувања дека безбедносните сили што ги финансираа и обучуваа САД, не се во состојба да ја заштитат земјата во која за изминатите 20 години загинаа повеќе од 4.500 Американци.

Американските сили го нападнаа Ирак во 2003 година и практично ја окупираа земјата, поставија шиитска влада и се бореа против лојалистите на Садам, а потоа и против Ал Каеда, пред да се повлечат кон крајот на 2011 година.

Тие се вратија три години подоцна за да им помогнат на ирачките сили да ја поразат сунитската исламска држава во војната од 2014 до 2017 година.

Во операцијата „ирачка слобода“ загинаа двојно повеќе американци отколку во војната во Авганистан, од каде исто така американската војска се повлече во 2021 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По речиси 50 години се решава деценискиот имотно-правен проблем на МЕПСО – ТС Дуброво

По речиси 50 години се решава деценискиот имотно-правен проблем на МЕПСО – ТС Дуброво конечно впишана во државна сопственост

По речиси 50 години се решава деценискиот имотно-правен проблем на МЕПСО – ТС Дуброво

По речиси пет децении, еден од долгогодишните имотно-правни проблеми во електроенергетската инфраструктура конечно се решава. Објектите на ТС 400/110 kV Дуброво, изградена во 1977 година, се запишани како сопственост на АД МЕПСО, во државна сопственост. Со тоа се создаваат услови за сигурно одржување, модернизација и натамошен развој на една од клучните точки на преносната мрежа.

Министерството за енергетика и минерални суровини, во соработка со АД МЕПСО и надлежните институции, започна системско решавање на долгогодишните имотно-правни прашања поврзани со електроенергетските објекти, кои со години претставуваа пречка за целосно уредување на сопственоста и реализација на нови инвестиции.

ТС Дуброво е конкретен пример дека кога институциите работат координирано, проблеми што со децении биле нерешени можат конечно да се затворат.

По одлуката на Владата и носењето на решението за формирање Работна група за регулирање на имотно-правниот статус на 110 kV трафостаниците помеѓу АД МЕПСО и ЕВН АД. Врз основа на донесените одлуки, извршено е запишување на правото на сопственост над објектите на ТС Дуброво во корист на АД МЕПСО, во државна сопственост.

Со ова, трафостаницата изградена во 1977 година, по речиси 50 години, за првпат се евидентира со уреден сопственички статус во корист на МЕПСО.

Ова не е само административно уредување на документација. Уредената сопственост е основа за планирање и реализација на идни инвестиции, реконструкции и модернизација на преносната мрежа, особено на инфраструктурата која има стратешко значење за сигурноста и стабилноста на електроенергетскиот систем.

Со формирањето на Министерството за енергетика, рударство и минерални суровини и ставањето на МЕПСО под надлежност на Министерството, воспоставен е нов модел на директна и редовна институционална координација со клучните субјекти во енергетскиот сектор.

По иницијатива на министерката Сања Божиновска, се воспоставија редовни координации со МЕПСО и другите институции и компании од секторот, со јасна цел – проблемите што со години стоеле отворени да се стават на маса и заеднички да се забрза нивното решавање.

Овој пристап значи промена од институционално постапување „секој во својот дел“ кон координирана работа околу конкретни проблеми и конкретни резултати – од уредување на имотно-правниот статус на електроенергетската инфраструктура, до реализација на капитални проекти, модернизација на преносната мрежа и зајакнување на сигурноста на електроенергетскиот систем.

Се решаваат и други децениски имотно-правни прашања

Во рамки на работата на групата се изработуваат геодетски елаборати со цел уредување и запишување на правата на недвижностите каде што тие досега не биле соодветно евидентирани.

Паралелно, се преземаат активности за уредување на имотно-правниот статус на ТС 110/20 kV Бунарџик, каде што е во тек подготовка на договор за отстапување без надоместок на ½ идеален дел од недвижниот имот на име на АД МЕПСО.

Уредувањето на овој имот ќе овозможи создавање на услови за реализација на новиот 110 kV далекувод ТС Бунарџик – ТС Миладиновци, значаен за стабилно и непрекинато снабдување со електрична енергија на железничката инфраструктура во Македонија.

Министерството продолжува со системско расчистување на имотно-правните прашања на електроенергетската инфраструктура, со јасна цел: она што со децении било нерешено да се уреди, за да може државата да инвестира, модернизира и да ја зајакнува преносната мрежа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер