На прес конференција упати остри критики до премиерот Мицкоски дека на вчерашната собраниска седница тој и старо-новиот министер Иван Стоилковиќ навредувале пратеници од СДСМ, а на крај Мицкоски имал изнудено извинување во празна сала. Вели дека политичката комуникација била спуштена на многу ниско ниво, а потегот на премиерот според него е формален обид за спас на политичкиот углед.

-Ќе беше културно и достоинствено ако се извинише, но тој само создаде привид, се извини во празна сала, кога опозициските пратеници ја напуштија салата, само за да направи еден политички театар. Едно срамежливо, изнудено извинете. Меѓутоа, тоа не може да ги избрише навредите и неговиот начин на однесување. Вистинското извинување подразбира признавање на грешката, менување на начинот на однесување и санкции за Иван Стоилковиќ, кој што истото го направи во собраниската сала. / Ова не е ново негово однесување. Граѓаните ги нарекуваше „талог на општеството“, „глодари“, „медиокритети“, „мекотели“ и други погрдни зборови, а сега почна да ги навредува и пратениците во Собранието,- Венко Филипче – претседател на СДСМ.

Реакција има и од ДУИ, кои и денеска побараа одговорност за наводни навреди кон пратеничката од нивните редови Арбана Пашоли. Случувањата на вчерашната седница не биле случаен инцидент туку скандал за кој треба да има разврска.

ДУИ изразува целосна солидарност со пратеничката Арбана Пашоли и бара итна политичка одговорност. Премиерот не може да молчи пред таквото однесување, бидејќи молчењето значи одобрување. Владата на ВМРО-ВЛЕН-ЗНАМ мора да разјасни пред граѓаните дали говорот на омраза, навредите и понижувањето на пратениците Албанци се нејзин нов политички стандард. – велат од партијата на Ахмети. За какви навреди конкретно станува збор од партиите не открија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Неколкумина од новоизбраните министри ги презедоа новите функции, по вчерашната целодневна собраниска седница. Во зовриена атмосфера и без присуство на опозицијата, Собранието доцна синоќа ги избра новите осум министри од владината реконструкција. Наместо фокус на кадровските промени, седницата беше обележана со жестоки вербални пресметки, навреди, меѓусебни обвинувања и барања за извинување, поради што опозицијата ја напушти собраниската сала. Сите министри беа избрани со 69 гласа „за“, без ниту еден глас „против“ или „воздржан“ по што дадоа свечена заклетва во Собранието Бурниот ден беше заокружен со заедничка фотографија со премиерот Мицкоски и новоизбраните членови на неговиот кабинет.

Расправата за владината реконструкција помина во тензична расправа меѓу власта и опозицијата. На крајот од седницата, непосредно пред гласањето, премиерот Мицкоски упати извинување до пратениците и граѓаните за настаните што ја одбележаа собраниската седница.

- Среќен сум што го имам ова парламентарно мнозинство, кое досега испорача многу реформски закони, кои, впрочем, и еврокомесарката Марта Кос го истакна при нејзината последна посета кај нас, и тоа јавно. Како претседател на Владата, сакам да се извинам на вас, на пратениците и на граѓаните што денеска бевме сведоци на овие настани и се надевам дека тоа никогаш повеќе нема да ни се повтори“, изјави Мицкоски.

Извинувањето на Мицкоски следеше откако пратеничката група на СДСМ обвини дека кандидатот за министер за локална самоуправа Иван Стоиљковиќ упатил навреди кон нивните пратеници, а за истото се пожалија и од ДУИ. Тие бараа лично извинување од Стоилковиќ, но и од премиерот Мицкоски, како и да прекине седницата, а откако не добија ја напуштија истата. Претходно СДСМ свикаа и вонредна прес-конференција, на која оценија дека однесувањето на владините претставници било надвор од сите демократски критериуми. Во смирување на страстите не помогна ниту вонредниот состанок на координаторите на пратеничките групи со собранискиот спикер Африм Гаши на кој според опозицијата, било договорено да се донесе заклучок со кој ќе се осуди однесувањето на Стоиљковиќ, но таков чекор не бил реализиран.

-Со цел за непречено функционирање на Собранието, а како дел од заедничката координација во име на парламентарното мнозинство сакам јасно и гласно да кажам дека не одобруваме никакво однесување спротивно на принципите што ги заговаравме во Етичкиот кодекс и согласно Деловникот заради заштита на угледот и дигнитетот на Собранието, изјави Мицевски од ВМРО-ДПМНЕ.

-Друг треба да побара извинување, тој што доаѓа за министер треба да побара што го направи цело ова, а бараме од премиерот да преземе мерки, изјави Ајдари од ДУИ.

-Ваков начин на однесување којшто продуцира и омраза, доведе до работа на насилство треба да биде навистина осуден. Очигледно е дека не сакате да направиме чекор напред кон подобрување на целата оваа сотојба. изјави Спасовски од СДСМ.

По напуштањето на опозициските пратеници, седницата продолжи, а во салата од оние што не се дел од парламентарното мнозинство останаа само пратениците на Левица кои упатија критики за работата на Владата. Непосредно пред гласањето и тие заминаа од собраниската сала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со оваа пресуда, паѓа и основата за конфискација на партиското седиште на ВМРО-ДПМНЕ, имот кој беше замрзнат во текот на постапката. Ова е втора пресуда за предметот кој во 2024 година скопска Апелација ја укина првата пресуда со која Груевски беше осуден на 6 години затвор а поранешниот владин секретар Кирил Божиновски условно. На тоа му претходена измените на КЗ од 2023 година како резултат на кои за Груевски имаше промена на обвинението а делото против Божиновски застаре. Ослободителната пресуда, е резултат токму измените на КЗ, образложи судијката Даниела Алексовска Стојановска. Измените на КЗ беа донесени од тогашното мнозинството на СДСМ и ДУИ во Собранието.

-Обвинетиот Никола Груевски се ослободува од обвинение. Ваквата ослободителна пресуда е исклучиво резултат на донесување на Законот за изменување и дополнување на КЗ од 2023 година а како директна последица на кој што беше и укинувањето на првостепената пресуда во овој предмет како што тоа го констатира и Апелациониот суд Скопје во второстепената одлука во овој предмет,- изјави – Даниела Алексовска Стојановска – Судија.

Груевски беше обвинет за злоупотреба на службената положба и овластување, според обвинението дело сторено со искористување. Со измените на КЗ имаше измена на обвинението дека делото го сторил со пречекорување на своите овластувања, но доказите останаа непроменети. Судијката Алесовска Стојановска образложи и дека Обвинителството не понудило нови докази за да се утврди намерата.

-Покрај тоа што оваа пресуда е сосема различна од претходно донесената во конкретниот предмет, сепак анализата и оценката на доказите, утврдените факти и заклучоците изведени од страна на судот останаа непроменети. Така што при постоење на истите докази врз основа на кои судот претходно утврди дека е сторено предметното кривично дело со искористување на службената положба и овластување, цени дека при постоење на истите тие докази не се докажа надвор од разумно сомнение дека делото е сторено со друг вид на дејствија односно со пречекорување на овластувањата и со неизвршување на службената должност,- изјави – Даниела Алексовска Стојановска – Судија.

Случајот го отвори сега згаснатото СЈО во 2018 година а потоа го презеде скопското обвинителство. Но и за оваа пресуда странките имаат право на жалба. Но конечната разврска извесно е дека не може да се промени со оглед на тоа дека предметот застарува за околу еден месец. Никола Груевски е се уште во бегство а во судница одлуката ја слушнаа неговите адвокати и претставник на партијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.