Зајкова: Ќе објасни ли некој како во случајот со Сара од „тешка телесна повреда“ стигнавме до „телесна повреда“?!
2Зајкова: Ќе објасни ли некој како во случајот со Сара од „тешка телесна повреда“ стигнавме до „телесна повреда“?!
БМВ ги повика сопствениците на 720.000 автомобили во САД да паркираат на отворено и далеку од градежни објекти
1БМВ ги повика сопствениците на 720.000 автомобили во САД да паркираат на отворено и далеку од градежни објекти
3Опасен ТикТок предизвик се шири меѓу младите- скокаат пред возило за да го тестираат трпението на возачите
ХороскопНеделен хороскоп за 7.-14. август 2023 годинаНеделен хороскоп за периодот од понеделник, 7.-14. август 2023 година. Лав 23.7-22.8. Љубов Ќе ви изгледа како љубовта да е далеку од вас. Кај некои тоа ќе биде буквално , зашто драгата личност ќе биде на пат. Посакувањето ќе се засили , а со тоа и чувството на осаменост. Некои ќе бараат утеха во разгорување на фантазијата и сонувањето. Кариера Шефовите би можеле да ја сменат тактиката и да кратат таму каде најмалку сте се надевале. Тоа тешко ќе ви падне. Сепак , ќе мора да го прифатите она што се нуди и да се прилагодите како знаете најдобро. Имајте на ум дека подоцна ќе биде полесно. Здравје и совет Релаксацијата е најважна. Девица 23.8.-23.9. Љубов Она што го замислувате во љубовта ќе биде посилно од реалноста , иако и во реалниот живот нема да ви биде лошо . Некои затоа ќе живеат во фантазија , гледајќи љубовни филмови или ќе сонуваат на јаве. ќе има и такви кои ќе ги чувствуваат задоволствата што ги носи платонската љубов. Кариера Лесно ќе решавате се што ќе ви пречи во професионалната работа. Вашата вродена сериозност овој пат складно ќе биде измешана со лежерност , па многумина ќе се изненадат од смелоста со која ги водите работите. Ќе бидете успешни речиси во се. Здравје и совет Одете таму каде што се чувствувате добро. Вага 24.9.-23.10. Љубов Полека влегувате во динамична фаза , кога љубовните настани ќе ве изненадуваат. Ако веќе сте во врска би можело да дојде до взаемен флерт , што ќе се претвори во фестивал од доблести. Понекогаш ќе претерувате , но ќе бидете задоволни. Кариера Ви се отвора врата за соработка , што финансиски ветува. Ќе бидете задоволни поради тоа. Ќе ги проанализирате сите можности и ќе почнете со разработка на добар план. Понекогаш ќе бидете збркани , но тоа е минливо. Здравје и совет Верувајте во подобро утре без оглед на се`. Шкорпија 24.10-22.11. Љубов Поврзаноста со саканата личност ќе биде силна во далечни и помалку егзотични теми. Пред вас се денови во кои ќе си разменувате идеи за се и сешто и тоа ќе ве исполнува. Оние кои се сами , ќе ја бараат личноста од соништата. Кариера Во деловните контакти и комуникација избегнувајте да покажете емоции. Едноставно зашто некој би можел да ве доживее како непрофесионална личност , а вие тоа навистина не сте. Внимателно проценете колку емоции треба да покажете. Здравје и совет Релаксирајте се редовно. Стрелец 23.11.-21.12. Љубов Добар развој на љубовниот и социјалниот живот ќе ве охрабри да одите понатаму. Многумина во својата врска ќе внесат свежина со одење на некое интересно место. Оние кои се уште сами , би морале да излегуваат надвор од дома. Ќе им биде подобро меѓу луѓето. Кариера Не сте сигурни во своите идеали.Затоа барате нови примери. Некои едноставно ќе почнат да ги имитираат луѓето од својата професија , кои им се допаѓаат.И тоа е некаков пат , но треба да се дојде до себеси ис војата специфичност. Позанимавајте се таквата цел. Здравје и совет Полнете ги батериите со релаксација. Јарец 22.12.-20.1. Љубов Семејните предизвици во голем дел ќе го задржат ваашето внимание во приватниот живот. Оние во врскам ќе балансираат меѓу партнерот и семејството и на тој начин односот со саканата личност малку ќе кризира. Самите ќе остануваат дома. Кариера На работа се повеќе ќе се чувствува вистинска работна атмосфера.Вие веројатно ќе ги орасположувате другите кога ќе наидат потешки периоди. Некој ќе се жали дека има премногу работа , а вие тоа ќе го свртите на шега. Така ќе се поттикнувате самите , а и колегите. Здравје и совет Недостигот на енергија надополнете го со добар план. Водолија 21.1.-19.2. Љубов Оние кои имаат семејство , ќе сакаат деновите да ги минуваат заедно .Оние во двојки ќе минуваат низ преоден турбулентен период , кога ќе треба да покажат доста толеранција и самоконтрола. Нека не влегуваат во непотребни расправи. Кариера Како што ќе минува неделата , ќе забележите дека станувате се покреативни. Затоа ќе почнете да работите со поголемо задоволство. Вашите идеи добро ќе бидат прифатени од помладите. Некои ќе добијат ѓанса за настап или презентација пред публика. Здравје и совет Бидете она што сте. Риби 20.2.- 20.3. Љубов Конечно ќе дојде до подобрување во врските , иако се уште повремено доаѓате во искушение да се искарате. Ќе има поголема блискост , но и бризната со која ќе се натажите ќе биде присутна. Затоа контролирајте се и верувајте во подобро утре. Кариера Условите за развој на кариерата ќе бидат тесно поврзани со битка и стрес. Ваше е да си ја процените силата и онаа на противникот , па да постапите реално и паметно. Важно е да рационализирате со сите сили. Здравје и совет Побарајте хармонија во нештата. Овен 21.3-20.4. Љубов Некој од вашите познаници или пријатели би можело да ви се допадне. Можеби ќе се двоумите дали да го сочувате убавото пријателство или да се впуштите во страстна врска. Во секој случај , послушајте го срцето и нема да згрешите. Оние во врска ќе бидат добро. Кариера Среќета во домот оваа недела ќе ви биде преокупација. Работите во куќата , ситни поправки ќе се случуваат спонтано и организирано. Оние кои одат на работа , ќе работат неделава колку за да одработат. Здравје и совет Ќе го анализирате своето минато. Бик 21.4- 20.5. Љубов Интелектуалното ниво на личните односи ќе биде задоволително , а се друго ќе наведува на незадоволство , расправии и кавги. Затоа разговарајте , но не инсистирајте на прегратки. Тоа нека почека подобри времиња. Со трпение, се ќе се среди. Кариера Вашите финансии како –така конечно се стабилизираа . Истовремено се отовра нова мрежа за деловни соработки , а некои од нив навистина ќе ви се допаднат. Поврзете се со колегите и работете заедно. Така резултатите ќе бидат подобри. Здравје и совет Не можете без патувања , па ниту сега. Близнаци 21.5.-21.6. Љубов Радост поради луѓето кои ги сакате , пријатни забави без преголеми амбиции, опуштеност во секој момент на дружење – сето тоа може да го доживеете деновиве. Бидете отворени ,имајте доверба во оние кои ве сакаат и ќе бидете среќни. Кариера Не сакате да се занимавате со се и сешто , но заостанатата работа ќе мора да ја довршите.Станува збор за ситници , за кои не треба да се нервирате. Прифатете го како дел од работата низ кој треба да минете за да стигнете до нешто подобро. Здравје и совет Погледајте добар филм , најдобро комедија. Рак 22.6-22.7. Љубов Ќе има нешто помалку привлечност , но вашиот љубовен живот и натаму ќе биде квалитетен. Можно е да ги намалите излегувањата , а повеќе да уживате дома во друштво со најдрагата личност. Оние кои се сами , би можеле да најдат љубов на излегувања или патувања. Кариера Погледнете малку подобро околу себе и ќе најдете многу колеги кои едвај чекаат нешто да направат. Подобро е подобро да се поврзат и да осмислите подобар план на организација. Придвижете се себеси и другите. Здравје и совет Не дозволувајте било што да ве исфрли од такт.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЕкономијаМилијардерот Ворен Бафет подари акции вредни 5,5 милијарди долари пред Денот на благодарноста Американскиот милијардер и познат инвеститор Ворен Бафет донираше акции од својата компанија „Беркшир Хатавеј“ во вредност од околу 5,5 милијарди долари.Американскиот милијардер и познат инвеститор Ворен Бафет донираше акции од својата компанија „Беркшир Хатавеј“ во вредност од околу 5,5 милијарди долари, а во овогодишната порака за Денот на благодарноста нагласи дека љубезноста, како и капиталот, се множи со текот на времето. „Минатиот Ден на благодарноста напишав дека љубезноста е бесплатна, но и бесценета. Една година подоцна, би додал само дека се множи, и тоа со подобра брзина од сè што Чарли и јас некогаш сме купиле“, рече Бафет, алудирајќи на долгогодишниот деловен партнер Чарли Мангер, кој почина во ноември 2023 година. Бафет ги повика сите да им се заблагодарат на оние кои несебично им помогнале за време на празниците, но и да поддржат некого во неволја, пренесува CNBC. Инвеститорот конвертираше 6.150 акции од класа А на Беркшир Хатавеј во 9,225 милиони акции од класа Б, од кои донираше 3,69 милиони на Фондацијата Сузан Томпсон Бафет, додека по 1,845 милиони акции посвети на фондациите Шервуд, Хауард Г. Бафет и Ново, кои ги управуваат неговите деца. По овие донации, Бафет задржа 182.140 акции од класа А, чија пазарна вредност се проценува на околу 162 милијарди долари. Бафет изрази доверба во своите деца, кои со децении поддржуваат разни хуманитарни иницијативи, како и во извршниот директор на Беркшир Хатавеј, Грег Абел. Акциите на Беркшир Хатавеј во последно време се во силен пораст, добивајќи повеќе од 19 проценти од почетокот на четвртиот квартал од 2026 година, а минатата недела завршија со четири последователни рекордни дневни затворања.Тагови: Ворен Бафет Денот на благодарноста Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаЗајкова: Ќе објасни ли некој како во случајот со Сара од „тешка телесна повреда“ стигнавме до „телесна повреда“?!Интегрален текст од објава на Моника Зајкова, претседателка на ЛДП и пратеничка во македонското СобраниеНема да ви помине и ова тукутака! Како жена, но и пред сѐ како човек, бесна сум! Барам конкретни одговори за случајот со брутално претепаната девојка во Охрид! МВР првично поднело кривична пријава за ТЕШКА ТЕЛЕСНА ПОВРЕДА, по член 131 став 3 од Кривичниот законик. Обвинителството потоа поднело обвинение за ТЕЛЕСНА ПОВРЕДА, заедно со уште две кривични дела – противправно лишување од слобода и загрозување на сигурноста. Девојката, според информациите на МВР, била физички нападната и изгубила свест! ЌЕ ОБЈАСНИ ЛИ НЕКОЈ КАКО ОД ТЕШКА ТЕЛЕСНА ПОВРЕДА СТИГНАВМЕ ДО ТЕЛЕСНА ПОВРЕДА?! Обвинителството соопшти дека е извршено медицинско вештачење. Барам да се објасни дали се земени предвид сите повреди, начинот на нанесување на ударите и губењето на свеста, и кои конкретни медицински наоди ја оправдуваат промената на квалификацијата. Не обвинувам никого однапред, но барам да се отстрани секој сомнеж дека тежината на насилството е минимизирана! ОБВИНИТЕЛСТВОТО ЈАВНО ДА СООПШТИ ПО КОЈ ЧЛЕН И СТАВ Е ПОДНЕСЕНО ОБВИНЕНИЕТО! Затоа што, доколку обвинението е со промената квалификацијата од член 131 став 3, максималната предвидена затворска казна за делото поврзано со повредата постои ризик да се намалува од ДЕСЕТ на ПЕТ години! И НЕ, НЕ СМЕЕМЕ ТОЛКУ БРЗО ДА ЗАБОРАВАМЕ ШТО НИ СЕ СЛУЧИ ВО СТАРО НАГОРИЧАНЕ! Пред само неколку месеци Македонија се соочи со случај на сериски убиства на жени. Денес имаме обвинение за ЧЕТИРИ УБИСТВА И ДВА ОБИДА ЗА УБИСТВО! А знаете што е најстрашно? Дел од жените биле погребани без првично да биде утврдено дека починале од насилна смрт! Подоцна морало да се вршат ексхумации, обдукции и дополнителни вештачења, по што кај две од ексхумираните жени било утврдено дека биле жртви на убиство! ЗАМИСЛЕТЕ! ЖЕНИ БИЛЕ УБИЕНИ, ПОГРЕБАНИ, ПА МОРАВМЕ ПОВТОРНО ДА ГИ ОТКОПУВАМЕ ЗА ДА СЕ УТВРДИ ВИСТИНАТА! За можни пропусти во утврдувањето на причините за смртта беа поднесени и кривични пријави против двајца мртвопроверители. И после вакво искуство, зарем не е оправдано да бараме максимална внимателност, стручност и темелност при секое медицинско вештачење и секоја обвинителска одлука?! Колку уште пати треба да се покаже дека пропустите во утврдувањето на вистината можат да имаат страшни последици?! И повторно го поставувам прашањето што го поставив и вчера: ДАЛИ СЕ ОДЗЕМЕНИ И ДИГИТАЛНО-ФОРЕНЗИЧКИ ВЕШТАЧЕНИ МОБИЛНИТЕ ТЕЛЕФОНИ? Дали се обезбедени и проверени електронските комуникации, телефонските повици и пораките меѓу обвинетиот и лицата со кои комуницирал по нападот? Дали се испитани сите наводи за можни инструкции за прикривање траги, влијание врз сведоци или менување медицински извештаи? Дали е ангажиран надлежниот сектор за компјутерски криминал и дигитална форензика? Дали Обвинителството испитува евентуално постоење на кривичното дело „Помагање на сторител по извршено кривично дело“? Напоменувам ако некој свесно помагал да се прикријат траги, да се сокријат докази или да се избегне кривична одговорност, мора да се испита неговата улога и да се постапи согласно законот, без оглед на тоа чиј родител, роднина или пријател е! И уште едно прашање кое не смее да остане без одговор! ЗОШТО ОБВИНИТЕЛСТВОТО ПРВИЧНО ПОБАРАЛО САМО МЕРКИ НА ПРЕТПАЗЛИВОСТ, А ПОТОА ПРИТВОР?! Кој ја направил првичната процена на ризикот? Дали биле земени предвид тежината на нападот, безбедноста на жртвата, опасноста од повторување на насилството и можноста за влијание врз сведоците? Што точно се променило за толку кратко време? Кои биле новите околности поради кои обвинетиот повторно бил приведен и бил побаран притвор? Дали првичната обвинителска процена била стручна, законита и соодветна на опасноста? Барам надлежните обвинителски органи да го преиспитаат и постапувањето во овој предмет, а доколку се утврдат професионални пропусти или незаконитости, да се покрене постапка за ОДГОВОРНОСТ! Жртвата заслужува заштита, правда и достоинство. Не нова неизвесност и дополнително страдање!Тагови: Моника Зајкова Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
МакедонијаМицкоски: Проширувањето на ЕУ треба да биде фокусирано на суштински реформиПроширувањето на Европската Унија треба да биде фокусирано на суштински реформи, модернизација на институциите и нивно поголемо отворање кон граѓаните.Промените што го засегаат националниот идентитет не смеат да бидат услов за европска интеграција, бидејќи тоа го доведува во прашање кредибилитетот на самиот процес на проширување. Македонија останува конструктивен партнер, посветена на реформската агенда, целосно усогласена со заедничката надворешна и безбедносна политика на ЕУ и активно вклучена во европските иницијативи, со јасна стратешка цел полноправно членство во Европската Унија, порача премиерот Христијан Мицкоски на Форумот за проширување на Европската Унија - „EU Enlargement Forum 2026“, во организација на Европската комисија. Тагови: Христијан Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook