Хороскоп

Неделен хороскоп за 29.јули до 5. август 2024 година

Неделен хороскоп за периодот од понеделник , 29. јули до 5. август 2024 година.

Лав 23.7-22.8.

Љубов

Без оглед што љубовното расположение понекогаш ќе опадне, во срцето ќе си најдете трошка задоволство. Можеби ќе нема толку атрактивни можности, но она што до сега сте го изградиле е гаранција дека ќе ве очекуваат мирни денови.

Кариера

Во соработката со помладите колеги или со нови соработници ќе покажете повеќе емоции отколку што е потребно. Внимавајте да ен изгледате непрофесионални. Со подобра подготовка ќе дојдете до поголема смиреност и успех.

Здравје и совет

Нема потреба за брзање.

Девица 23.8.-23.9.

Љубов

Веројатно ќе дадете се од себе да ја освоите личноста која ви е мила , а ќе забележите и дека други постојано ве меркаат. Оние во врска ќе се обидат да го освежат односот, додека самците ќе излегуваат и ќе заведуваат. Со многу добри резултати.

Кариера

Цела недела ќе бидете насочени на решавање на едно многу важно прашање на тема комуникации.Ќе се отвори можност за вложувања , распоредување на средства или кофинансирање. Но , овој пшат од тоа ќе зависат многу работи. Покажете што знаете.

Здравје и совет

Каде и да одите , ќе го ширите гласот на разумот.

Вага 24.9.-23.10

Љубов

Вашите лични односи оваа недела ќе се развиваат полесно и појасно. Ќе бидете повеќе опуштени и среќни поради тоа. Се што ве измачуваше , некако ќе се намали , па ќе ви се причинува дека ништо негативно не се случувало. Многу двојки ќе си го подобрат својот однос.

Кариера

Со мали чекори може да се помине исто растојание како и со големи. Тоа што во моментов нема возбуда, не значи дека работата не се одвива добро. Малата монотонија може дас е надмине со оригинални решенија и хумор.

Здравје и совет

Мал пад на имунитетот, опуштете се .

Шкорпија 24.10-22.11.

Љубов

Не е лошо да се зборува , но немојте премногу , зашто на целата ситуација ќе и одземете од спонтаноста. Пуштете дас е развива вашата љубовна приказна , природно и без анализи. За нив ќе има време подоцна. Едноставно уживајте.

Кариера

Оваа недела за некои од вас би можела да донесе нешто ново во работата и кариерата. Нема да биде ниту лесно , ниту мазно. Цела недела ќе очекувате состојбата да се разјасни , а кон крајот на неделата ќе изгледа уште посложена. Сепак , брзо ќе увидите каде е причината.

Здравје и совет

Соработувајте со другите.

Стрелец 23.11.-21.12.

Љубов

Оние кои имаат семејства , деновиве ќе минуваат доста време со него. Оние во нови врски ќе минуваат низ мали кризи во кои ќе треба да покажат повеќе разбирање и толеранција кон другата страна. Со малку такт ќе ги надминете искушенијата.

Кариера

Целокупната состојба на работното место би можела да ви ги направи напорни овие денови. Цело време ќе имате чувство дека ја губите поткрепата или дека многу работи зависат од шефовите , а ништо од вас . Тоа е само привремено. Бидете отворени и соработувајте.

Здравје и совет

Сетете се на своите достигнувања.

Јарец 22.12.-20.1.

Љубов

Ако излезете меѓу луѓе , ќе наидете на бројни можности за површни познанства без особени емоции. Добро е за забава. Затоа намалете ги љубовните очекувања. Не е лошо , но паметите и подобри времиња. Оние во врска ќе бидат добро.

Кариера

Се наоѓате во период во кој некои работи треба дефинитивно да ги доведете до крај. Токму оваа недела е карактеристична по тоа. Ќе завршите некои приказни и ќе свртите нов лист. Кај некои тоа би можело да биде малку порадикално. Не се брзајте , туку првин направете проценка.

Здравје и совет

Внимавајте на исхраната.

Водолија 21.1.-19.2.

Љубов

Деновите пред вас ќе ги запаметите по засилениот копнеж и чувството на осаменост. Оние во врска ќе минуваат бниз искушение на тема доминација во односите.самците понекогаш ќе се избрзаат во додворувањата , зашто со нетрпение очекуваат да успеат. Полека.

Кариера

Ќе ви предлагаат многу работи , но вие самите нема да имете влијание. Ќе се чувствувате како набљудувач на кого нешто му се нуди без вистински предизвик. Соработувајте и внимателно слушајте. Читајте меѓу редови. Она што сега не се прави , ќе се прави подоцна.

Здравје и совет

Секој ден најдете нешто што ќе ве израдува.

Риби 20.2.- 20.3.

Љубов

Вашиот друштвен и љубовен живот ќе стане малку поквалитетен , а тоа ќе ви биде мило. Веќе се заситивте од вашите мечтаења , па подобрата поврзаност со партнерот навистина ќе ве освежи. Слично ќе чувствува и вашата најсакана личност , па среќата нема да изостане.

Кариера

Истражувачите ќе добијат нов поттик. Ќе работат уште повредно. И уметниците ќе истражуваат нови начини на изразување. Сите останати на работното место ќе покажуваат поголема креативност , а нивната интуиција ќе им биде најдобар водич.

Здравје и совет

Се буди вашиот интерес за алтернативни методи.

Овен 21.3-20.4.

Љубов

Многумина овие денови ќе откријат кој е нивниот вистински идеал и ќе тргнат во потрага по тој критериум. Понекогаш ќе бидат блиску , а понекогаш ќе го заборават. Во секој случај , нема да застанат додека не дојдат до обна што го замислиле.

Кариера

Држете се до она што ви е замислена цел и спроведете го тоа на дело , без компромиси. Вашите идеи се одлични и ќе донесат резултати. Ќе бидете подготвени и на одредени промени за да постигнете подобри деловни резултати. Ќе се изборите за нив без одлагање.

Здравје и совет

Веројатно ќе споите забава со патување.

Бик 21.4- 20.5.

Љубов

Можно е дека сте очекувале нешто подобро во споредба со она што ви се случува , но ако прифатите дека тоа е добра можност за созревање и развој , повторно ќе бидете во добивка. Од вашиот пристап ќе зависи како ќе се чувствувате во некој личен однос.

Кариера

Ќе бидете борбени и полни со енергија. Ќе станете пример за некои. Тоа е последица на фактот што сега точно знаете што сакате , па нема непотребно губење време на непотребни проценки. Сепак , понекогаш поработете и заедно со другите.

Здравје и совет

Во тимската работа треба да учествуваат најмалку двајца.

Близнаци 21.5.-21.6.

Љубов

Веројатбно сте очекувале нешто поинакво од она како живеете и што сега чувствувате , но тоа е само привремена и преодна збунетост со која треба да се соочите на паметен начин.Сеуште имате доволно енергија и заслуги за да ги доведете работите во ред. Ќе успеете.

Кариера

Занесеноста и вештината на однесување со другите ќе биде вашата главна особина што ќе ја покажњете на работното место. Во зависност од видот на работата , или ќе ве бараат или ќе ве сметаат за несериозни. Главно , држете се до својата професионалност и барањата од вас.

Здравје и совет

Некои сепак несвесно ќе ги живеат своите сништа.

Рак 22.6-22.7.

Љубов

Првата половина на неделата ќе ви донесе мирно уживање во заедничката врска или дискретна портрага по сродна душа. Њубовта ќе стане страстна во вториот дел од неделата.Ќе има убави средби , но и нетрпеливост. Не се заморувајте со премногу прашања.

Кариера

Иако вашите надредени ќе покажуваат одредена наклонетост кон вас , тешко ќе наоѓате заеднички јазик.Проблемот е во тоа што и двете страни сакаат да доминираат , а во хиерархиските поставености на работите тоа не поминува.Прифатете го вашето место и така однесувајте се .

Здравје и совет

Вежбајте јога за да се смирите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречен, nа ГП Богородица има зголемена фреквенција на возила

На останатите гранични премини од македонска страна, нема подолги задржувања за влез и излез од државата.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничниот премин “Богородица” има зголемена фреквенција на возила. На останатите гранични премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Македонија

ВМРО-ДПМНЕ: Филипче молчи и не го осуди дипломатскиот скандал на Бугарија со дипломатската нота

Филипче молчи и не го осудува преседанот во дипломатијата од страна на Бугарија со која се наруши безбедноста на претседателот Мицкоски.

Се појави документ со дипломатски материјали и чувствителна содржина, кои засегаат безбедносни аспекти поврзани со државниот врв, а реакција од Филипче и опозицијата изостана. Филипче избра тишина наместо јасна осуда и барање одговорност.

Политичките соработници на Филипче, бугарските власти на чело со Румен Радев, кои ни го негираат македонскиот идентитет, јазик, историја и култура, направија дипломатски преседан со објавување на дипломатска нота, со којашто директно се нарушува безбедноста на семејството на претседателот Мицкоски.

Документот за којшто се уште нема извинување од официјална Софија, објавен е на социјалната мрежа фејсбук, во којшто јасно се гледаат детали околу информациите за службените возила, имињата на патниците, местото во кое е сместено семејството на претседателот Мицкоски, како и радиофрекфенцијата на која комуницирало обезбедувањето.

И наместо осуда Филипче и СДС молчат со што дополнително се отвораат сериозни прашања за нивната политичка доследност и приоритети. Дали Филипче молчи поради блискота со неговите бугарски соработници?

И покрај ваквите постапки кои се дел од поширок политички притисок кон Македонија, државата ќе продолжи со евроинтегративниот пат без разлика на надворешните притисоци и предизвици.

ВМРО-ДПМНЕ

Тагови: ВМРО-ДПМНЕ

Македонија

СДСМ: Обвинителството мора да реагира за Јанушев, Законот предвидува и до 5 години затвор

Државната комисија за спречување на корупцијата (ДКСК) мора веднаш да го проследи предметот за Игор Јанушев до Јавното обвинителство.

Станува збор за тоа дека генералниот секретар на Владата прикрил дел од својот имот - конкретно поврзаност со компанија регистрирана во Бугарија. За ова има јавно достапни докази од регистарот на компании во Бугарија, (https://finansi.bg/flugban-trans?hl=en-GB )

Но во неговите анкетни листови тоа не е наведно.

Според законот, последиците за вакво постапување се јасни:

1. Фиксна прекршочна глоба од 300 до 500 евра за техничко непријавување на промена на имот;

2. Кривично дело прикривање на имот, за кое е предвидена казна затвор од 6 месеци до 5 години;

3. Конфискација на прикриениот капитал и уделите;

4. Казнен персонален данок од 70% од страна на Управата за јавни приходи врз вредноста на целиот недокажан имот.

ДКСК нема право да остане нем набљудувач. Доколку постојат основи на сомневање дека е извршено кривично дело, Комисијата е должна без одлагање да го проследи предметот до надлежниот јавен обвинител.

Игор Јанушев, како генерален секретар на Владата, не смее да остане на функција додека трае истрагата за неговата евентуална поврзаност со бугарска компанија. Тој е должен или да поднесе оставка, или Владата да го отстрани од функција.

Овој случај повторно го покажува лицемерието на Мицкоски и организираната криминална група ВМРО.

Додека јавно се претставуваат како „патриоти“ и ја блокираат европската интеграција на Македонија, највисоките функционери на власта, покрај бугарските пасоши и државјанства што си ги прибавија за себе и за своите семејства, водат бизнис во Бугарија и прикриваат имот.

Додека сите овие членови на Владата од ВМРО-ОКГ, бугарски државјани, ги користат бенефициите на ЕУ, граѓаните чекаат со часови на границите, а истовремено се блокираат парите од европските фондови наменети за граѓаните на Македонија, и од државата прават слепо црево на Балканот.

Ова е недозволиво. Јавното обвинителство мора да реагира. Јанушев мора да сноси одговорност.

ДКСК мора да го проследи предметот до Обвинителството.

Време е за вистина и правда. Никој не е над законот.

СДСМ

Тагови: СДСМ