Хороскоп

Неделен хороскоп за 27. октомври до 4. ноември 2025 година

Неделен хороскоп за периодот од понеделник 27. октомври до 4. ноември 2025 година.

Шкорпија 24.10-22.11.

Љубов

Во текот на оваа недела вашите односи ќе напредуваат во позитивна насока , а вие ќе стануваат поотворени и порасположени за љубов. Саканата личност повторно ќе ве опсипува со нежности , а вие еднакво ќе и враќате. Самците ќе имаат се повеќе додворувачи.

Кариера

Неделава ќе ги добиете потребните информации , па затоа ќе работите со одредено олеснување. Мали напори ќе бидат поврзани со комуникациите , но се полесно ќе излегувате на крај и со овие проблеми. Ќе покажете дека сте дораснати на задачите. На некои ќе им бидете пример.

Здравје и совет

Најдете си ја вистинската мерка во животот.

Стрелец 23.11.-21.12.

Љубов

Фантазијата и реалноста речиси секојдневно ќе ви се мешаат во љубовниот живот. Можеби ќе ја идеализирате саканата личност , припишувајќи и особини , кои ги нема во реалноста или ќе барате нешто невозможно. Треба да се симнете на земја. Тоа е здраво.

Кариера

Ќе ги зацврстите стекнатите позиции и повремено ќе се однесувате како диктатор , иако не сте такви. Гледате дека вредело што сте се потрудиле и сега мирно може да продолжите. Посебно добро ќе им оди на оние кои во работата ја користат својата интуиција или треба да се борат.

Здравје и совет

Задржете некои работи за себе.

Јарец 22.12.-20.1.

Љубов

Ќе ве привлекуваат многу скриени работи. Некои ќе се измачуваат со искушение од тајна љубовна врска. Страста нема да ви даде мир и во себе ќе водите силна битка меѓу разумот и чувствата. Би било подобро да тргнете по разумот. Преиспитајте се.

Кариера

Работата од сенка ќе ви биде најрпријатната опција . Она што го работите, ќе го извршувате мирно без премногу стрес. Ќе уживате да истражувате непознати работи , но и во детали. некои своите амбиции ќе ги сведат на реална мерка и тоа ќе им одговара.

Здравје и совет

Не обрнувајте внимание на кошмарните соништа.

Водолија 21.1.-19.2.

Љубов

Малку е веројатно дека ќе ги отпуштите кочниците. Опуштањето е она што во овој момент добро би ви дошло , но вие цело време сакате нешто по секоја цена , па дури и на сила Кога малку би се олабавиле , се би изгледало поинаку , а и вам би ви било полесно.

Кариера

Утврдени се нови правила за работа и сега постапувате по нив. Тоа што е напорно , е напорно и намате каде.Прифатете ги новите предизвици и носете се со нив со помош на подобра организација. Така ќе бидете поефективни.

Здравје и совет

Добро би ви дошло да повежбате .

Риби 20.2.- 20.3.

Љубов

Пред вас се убави љубовни денови , во кои ќе има многу шанси за зближување. вашиот социјален живот и натаму ќе биде богат ,а вие среќни и задоволни. Ако сте уште сами, немојте да седите дома. Одете меѓу луѓе , ве очекуваат.

Кариера

Вашите финансии постепено се стабилизираат . Истовремено ќе се отвори нова мрежа за деловна соработка, а некои од нив навистина ќе ви се допаднат. Поврзете се со можните колеги и соработувајте со секого кој за тоа ќе покаже интерес.

Здравје и совет

Опуштете се со добра музика.

Овен 21.3-20.4.

Љубов

Поголем дел од времето ќе се снаоѓате како што знаете . Еден ден ќе биде одлично , а другиот никако. Најдобро е оној другиот ден да останете дома. Не влегувајте во расправии , зашто лошо ќе завршат. Она убаво време меѓу вас и саканата личност , поминете го во љубов.

Кариера

Моментално не сте во најдобра форма за работа. Не само што не ви се работи , туку и ситуацијата не дава поттици. Недостатокот на мотивација ќе биде природна последица на ваквата состојба. Главно ќе го одработувате она што ви е обврска без премногу прашања.

Здравје и совет

Престојувајте во природа за да се освежите.

Бик 21.4- 20.5.

Љубов

Повременета оддалеченост , што ќе ја забележувате во личните односи , понекогаш ќе ве загрижува.Прифатете ја како шанса за да поработите на својата лична анализа. Ова е преодна фаза низ која полесно поминувате со хумор.

Кариера

Работата ќе ви изгледа се полесна. Сепак , тоа е само вашиот агол на гледање. Сега имате доволно причини безгрижно да работите , но напорот ќе ве стигне. Затоа организирајте се подобро. Понекогаш ќе треба да направите пауза.

Здравје и совет

Вежбајте техники за релаксирање.

Близнаци 21.5.-21.6.

Љубов

Пред вас е недела исполнета со интензивни излегувања и бројни шанси за љубов. Вашиот социјален живот ќе оживее и ќе стане толку богат , што во прв момент можеби нема да се снајдете. Прифаќајте ги поканите, дотерајте се и излегувајте меѓу луѓе.

Кариера

Излезете и во пресрет на една личност , која не е сигурна како да ја заврши работата. Бидете отворени , зашто на крајот ќе стане збор за заеднички резултати , што ќе дојдат нешто подоцна. Благодарноста што ќе дојде , ќе ви биде добар мотив за понатамошната работа.

Здравје и совет

Прифатете ги луѓето околу вас.

Рак 22.6-22.7.

Љубов

Малите грижи во приватниот живот ќе ги компензирате со добрите аспекти во другите сфери на животот. Многумина ќе бараат излез во својата работа или во друшттво на пријатели и таму ќе останат додека не најдат нешто што ќе ги привлече емоционално. Многу ќе разговарате со сите.

Кариера

Ќе се замислите над својата иднина , а посебно над своите таленти. Ќе увидите дека тие не се до крај изразени и искористени. Ќе барате начин како да ги вклопите во работата , а некои ќе се впуштат и во дополнителна работа надвор од работното место.

Здравје и совет

Бидете свесни за себе.

Лав 23.7-22.8.

Љубов

Деновиве ќе мешате два приватни стила- едниот е разновиден , атрактивен и со многу луѓе , а другиот е тивок , повлечен , обичен, секојдневен. Некогаш ќе бидете главна цел на додворување , а другиот ден обична личност што ја забележуваат само пријателите. Ќе се чувствувате добро.

Кариера

Можете повеќе отколку што мислите. Угледни луѓе ќе ве поддржат , но не стигнуваат потребните заслуги. Поради сето тоа ќе ви биде потребно трпение. И натаму ќе работите без премногу прашања , зашто наскоро ќе го добиете очекуваното. Бидете професионални и сериозни.

Здравје и совет

Вежбајте ја концентрацијата.

Девица 23.8.-23.9.

Љубов

Во текот на наредните денови ќе знаете да се опуштите. Ќе почнат да ве интересирата најразлични теми , за кои ќе сакате да комуницирате со личности од спротивниот пол. Саканата личност ќе ја забележи оваа дистанца ,а за да не ве сфати погрешно , повеќе разговарајте со неа.

Кариера

Соработката меѓу вас и колегите ќе се обнови со помош на нови информации , кои ги очекувавте. Се ќе биде поставено на нови основи , а вие ќе треба да се најдете во нова улога. Ќе ви треба некое време за да се приспособите. Не треба да брзате.

Здравје и совет

Игнорирајте ги предрасудите и бидете поотворени.

Вага 24.9.-23.10.

Љубов

Ќе забележите дека вашите лични односи особено се подобруваат. Секој ден вие ќе станувате поподготвени за да споделувате со другите. Саканата личност повторно ќе биде отворена кон вас. Ќе ве освежи интересен излет или патување.

Кариера

Информациите што ви беа потребни , пристигнуваат. Поради чекањето доволно се нервиравте , па немојте повторно. Едноставно прифатете ги новите насоки и направете се што можете. Бидете реални во очекувањата.Резултатите ќе дојдат.

Здравје и совет

Бидете трпеливи и немојте да ги нервирате луѓето околу вас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски најава дека скопското кале по децении запуштеност ќе биде конечно уредено

Ќе добие ли скопското Кале лик каков што заслужува како една од најпознатите туристички дестинации во главниот град?

За следната година се очекува и официјално да се отворат вратите на двата музеи кои сега се во завршна градежна фаза- Музејот на праисторија и Музејот на османлиското наследство. Надлежните уверуваат дека се тече според планот и овие музејски поставки ќе бидат дел од понудата на градот од иницијативата Скопје- Европска престолнина на културата.

„ Археолошки музеј ќе стопанисува со двата објекта, ќе го решат ентериерниот дел и предметите за коишто споменав дека буквално беа оставени во субстандардни услови. Ќе бидат изложени да можат да ја раскажат приказната што со години се случувало на археолошкиот локалитет Кале. “-Весела Честоева – директорка на Управа за заштита на културно наследство.

„ Со одлука на Влада, Националниот археолошки музеј ги доби предметите коишто се прибавени при археолошките истражувања на скопската тврдина Кале и моментално работи на она што значи концепт и што ќе биде презентирано во Музејот на османслиското наследство и Музејот на праисторијата. “-Магдалена Манаскова – директорка на Археолошки музеј.

Според најавите, калето во иднина ќе се средува и од хортикултурен аспект, за достоинствено да се прикажат знаменитостите на Скопје пред домашните и странските туристи кои доаѓаат и во организирани тури. Оваа тврдина е од средниот век, а истражувањата покажале дека остатоците укажуваат на населување и обновување во различни периоди уште од праисторијата. Во минатото имала стратешка одбранбена улога, а денес претставува културно наследство на главниот град.

Тагови: скопско кале

Македонија

Царинска управа: На Богородица спречен шверц на заштитени видови змии

Царинските службеници, во заедничка акција со полицијата, спречија обид за шверц на седум млади змии и еден егзотичен гуштер, сокриени во автомобил управуван од косовски државјанин.

Според информациите на царинска управа, станува збор за заштитени видови на змии, кои лицето се обидело да ги сокрие под седиште.

-Со намера да нелегално да ги внесе во државава, сторителот, змиите претходно спакувани во кутии и марами ги скрил под седиштето. Главно станува збор за заштитени видови. Влекачите ќе бидат предадени на надлежните институции, а против сторителот ќе биде поведена соодветна постапка. Царинската управа известува дека заштитените видови се строго регулирани со задолжителни дозволи согласно Конвенцијата за меѓународна трговија со загрозени видови на дива флора и фауна и секој внес без овие дозволи се смета за недозволен внес. - Царинска управа.

Од Царинската управа информираат дека влекачите ќе бидат предадени на надлежните институции, а против лицето е поведена соодветна постапка. Од институцијата потсетуваат и дека за внесување и трговија со заштитени видови дива флора и фауна, се потребни соодветни дозволи, согласно Конвенцијата за меѓународна трговија со загрозени видови.

Македонија

Приведени функционери и вработени во „Национални шуми“ поради шверц со дрва

Серија акции за сузбивање на мрежа за нелегална трговија со дрва – Директор на подружницата „Црн бор“ во Прилеп, повикан на информиративен полициски разговор поради сериозни сомнежи за незаконско постапување со дрва.

Серија акции за сузбивање на мрежа за нелегална трговија со дрва – Директор на подружницата „Црн бор“ во Прилеп, повикан на информиративен полициски разговор поради сериозни сомнежи за незаконско постапување со дрва, открива заменик директорот во национални шуми Кире Михаилов. Во изјава за Канал 5, Михаилов рече дека случајот во Прилеп е последен во низа – се превезувале дрва со фалсификувани испратници, а вмешани биле повеќе луѓе на ракодовни позиции во Македонски шуми.

– Оној настан којшто се случуваше во изминативе ден, два во Прилеп, кадешто се одземени две патнички товарни моторни возила кои превезувале поголема количина дрва, за која МВР утврди дека испратниците со кои се превезувале дрвата биле со несоодветна содржина или условно кажано, најверојатно на некој начин биле фалсикувани. Покрај тоа бил одземен и чекан во сосптвеност на еден наш вработен, а поради целиот овој настан, повик нан слуќбен разговор беше и нашиот актуелен раководител во Прилеп,- изјави Кире Михаилов, заменик директор во ЈП „Национални шуми“.

Од МВР за Канал 5 официјално не ја потврдуваат акцијата во Прилеп, но информираат дека пред три дена била приведена вработена во подружницата на Национални шуми во велес, и тоа поа токму поради индиции за кријинал со дрва за огрев.

-При контрола на терен, кај место викано „Присој“, атар на село Теово, било затекнато товарно возило „ман“ со велешки регистарски ознаки, натоварено со огревни дрва, од кои дел биле без жиг, а дел со жиг. Б.Н. и С.К. не поседувале соодветна документација, а дрвата кои биле со жиг биле обележани со службен „чекан“ кој им го дала Б.К., вработена во ЈП „Национални Шуми“, подружница „Бабуна“ Велес. Известен бил јавен обвинител, дрвата и останати предмети биле одземени. – МВР.

Покрај овие кации, Михаилов открива дека во изминатите неколку денови се конфискувале 400 кубика огревни дрва од правно лице во Скопје, како и дека е приведен 65-годишен дрвокрадец од Арачиново, кој превезувал огревни дрва без документација. Сепак, и покрај овие случаи Михаилов вели дека на правната рамка за дрвокрадците допрва треба да се работи, бидејќи објаснува дека најголемиот дел од овие случаи завршуваат без судски епилог.

– Многу лесно МВР ќе дојде до она што го бара – значи еве ги обезбедило испратниците, дрвата чеканот и се она што пропратно го има таму и ја завршиле приказната - луѓето биле повикани на разговор или биле приведени неколку часа, некој ден и сега се пуштени. И токму затоа добар дел од криминалците, кои што се сериозни криминалци, токму се префрлија во бизнисот со дрва,- изјави Кире Михаилов, заменик директор во ЈП „Национални шуми“ .

Според зборовите на Михаилов, во изминатите седум дена во соработка со МВР биле фатени и уште неколку камиони поврзани со лица за коишто тврди дека постои сомневање дека се дрвокрадци.