Хороскоп

Неделен хороскоп за 27 мај до 3. јуни 2024 година

Неделен хороскоп за периодот од 27. мај до 3. јуни 2024 година. 

Близнаци 21.5.-21.6.

Љубов

Доколку и натаму барате сродна душа, обрнете внимание на личностите од вашето работно место. Некој веројатно сака да биде со вас и чека тоа да го забележите . Доколку сте во врска , вашиот однос ќе биде стабилен , а двете страни задоволни и мирни.

Кариера

Можеби ќе ви се чини дека ве притискаат од сите страни , но всушност се работи за предизвиците на кои ќе треба да одговорите за да дојдете до подобри деловни резултати. Пред вас е мала борба во мкоја треба да покажете дека сте борец.

Здравје и совет

Внимавајте на пречувствителноста на промената на температурата.

Рак 22.6-22.7.

Љубов

Со трпение и толеранција би можеле да го подобрите односот со саканата личност. Никаква расправија , а особено некоја мотивирана од љубомора нема да донесе резултати. Време е да играте со затворени карти , па бидете воздржани.

Кариера

Соработката со угледни и влијателни луѓе полека ќе избива во прв план. Вие ќе бидете тркалото , важно во целата постапка. Затоа немојте да бидете прескромни , туку дозволете си да ги изразите и своите амбиции. Одредете ја својата позиција , а уште повеќе шансата.

Здравје и совет

Не претерувајте со храна и пијалоци. Движете се повеќе.

Лав 23.7-22.8.

Љубов

Ведрина , позитивен дух , смисол за хумор – сето тоа ќе биде нагласено деновиве во вашиот приватен живот. Затоа не треба да се трудите премногу , туку само држете ги очите отворени и реагирајте како што треба. Се ќе си дојде на место само по себе , а вие ќе уживате.

Кариера

Се наоѓате во период кога некои работи дефинитивно треба да ги приведете до крај. Токму оваа недела е карактеристична по тоа. Ќе завршите некои проекти и ќе свртите нов лист. Кај некои тоа ќе биде малку порадикално . Не брзајте , туку првин направете проценка.

Здравје и совет

Уживајте , но не претерувајте.

Девица 23.8.-23.9.

Љубов

Поголемиот дел од слободното време ќе го минувате во сосема обични активности , уживајќи во нечија наклонетост. Без голема помпа ќе знаете да ги цените малите работи , а саканата личност ќе ви врати со иста мерка. Ќе бидете задоволни и без поголеми барања.

Кариера

Почнува фазата во која вашето знаење ќе се цени се повеќе. Бидете свесни за својата стручност и слободно презентирајте ги своите способности. Можно е повеќе луѓе да ве прашаат за совет или да ви понудат тесно специјализирана работа.

Здравје и совет

Уживајте во животот и во природата.

Вага 24.9.-23.10

Љубов

Вашиот копнеж ќе биде силен , а вие некако препуштени самите на себеси. Оние кои имаат добар пријател или пријателка , ќе се обидат да ги споделат своите фрустрации. Оние во врска ќе чувствуваат дистанца во односот , а некои ќе бидат во искушение за љубомора. Издржете.

Кариера

Вработените во услужните дејности ќе имаат многу работа , додека другите ќе бидат отворени за да им помогнат на колегите. Некои ќе се покажат како добри советници и своето знаење лесно ќе го применуваат во пракса. Малите недоразбирања во комуникациите ќе бидат минливи.

Здравје и совет

Повремени нервози и мали грижи.

Шкорпија 24.10-22.11.

Љубов

Веројатно че дадете се од себе за да се разубавите ,а ќе забележите и дека лицата од спротивниот пол постојано ве одмеруваат. Оние во врска ќе се обидат да го освежат односот , додека осамените ќе излегуваат често и ќе заведуваат. Отворете се и ќе бидете успешни.

Кариера

Што е готово , завршило. Немојте веќе тоа да го анализирате. Оставете времето нека работи за вас , а вие сконцентрирајте се на она што сега почнува. Пред вас е нешто сосема ново и не многу дефинирано. Бидете отворени.

Здравје и совет

Не ги поместувајте границите по секоја цена.

Стрелец 23.11.-21.12.

Љубов

Ќе се чувствувате како да не можете да се фатите за ништо што е сигурно. Во право сте, но размислете колку сте и самите одговорни за тоа. Партнерот ќе ви покаже како полесно да ги изразувате емоциите. Применете ги советите кои сметате дека се добри.

Кариера

Пред вас се нови предизвици , кои бараат паметен и обмислен пристап. Ќе треба и повеќе да соработувате со колегите , а неретко така да правите и прифаќате компромиси. Не сметајте дека тоа е лошо зашто повеќе очи подобро гледаат.

Здравје и совет

Најдете секој ден малку мир за себеси.

Јарец 22.12.-20.1.

Љубов

Ако сте во подолга врска , ќе имате потреба за повеќе дружење. На вашата најсакана личност тоа не мора да и се допадне , па потрудете се да ја понесете со себе или да и објасните дека имате потреба за друштвеност. Осамените лесно ќе наоѓаат друштво од спротивниот пол.

Кариера

Се повеќе ќе ви биде важно вашето знаење и стручноста во работењето.Многумина ќе добијат шанса за да ги покажат своите специфични таленти или нивната диплома ќе добие на тежина. Оние кои учат , ќе бидат успешни во полагање на испитите. Некои ќе контактираат странци.

Здравје и совет

Издржете како и секогаш. Ќе се исплатува.

Водолија 21.1.-19.2.

Љубов

Ќе ви изгледа како љубовта да е далеку од вас. Кај некои тоа ќе биде така и во реалноста , зашто саканата личност ќе биде во овој период отсутна. Копнежот ќе се засили, а со тоа и чувството за осаменост.Некои ќе најдат мир во активирање на фантазијата и на совите сништа.

Кариера

Ќе можете без никаков страв да се потпрете на своите претходни резултати. Некои тоа ќе го искористат за да отидат чекор понатаму , а ќе има и такви кои ќе живеат на старата слава колку што можат подолго. Главно , немојте да се успиете , работата напредува ,а со тоа и вие.

Здравје и совет

Обезбедете си повеќе време за сон.

Риби 20.2.- 20.3.

Љубов

Преокупираноста со другата страна ќе биде голема , а вие подготвени да се борите до крај за врската да успее. Оние во стабилна врска , ќе го обноват својот еротски живот на најдобар можен начин. Они , пак , кои бараат сродна душа ќе бидат упорни и ќе одат до крај со додворувањата.

Кариера

Работите се интензивираат , а се што работите добива претприемнички карактер. Многумина овие денови сериозно ќе се фатат за работа или од нив ќе се бара поголем ангажман на работното место. Оние кои бараат работа, исто така ќе бидат активни.

Здравје и совет

Не го занемарувајте редовниот сон.

Овен 21.3-20.4.

Љубов

Ќе имате робар ветар во грбот , кога станува збор за љубовните прашања. Ќе ви се отвораат многу полесно вратите , ќе бидете повикувани на интересни забави и на уште поинтересни места. Доколку сте сами , прифатете ги поканете и измешајте се со луѓето. Тие ве очекуваат.

Кариера

За да го поправите она што го работите , морате да се отворите и повеќе да соработувате со колегите. Ставот дека сте незаменливи и единствени не е добар , а особено ако тоа го мислите за себеси. Поработете на сопствената анализа и се ќе ви биде појасно и полесно.

Здравје и совет

Одете на јога или на медитација за да се опуштите.

Бик 21.4- 20.5.

Љубов

Веројатно ќе се чувствувате осамено , освен ако тоа не е вашиот избор. Оние кои се во врска ќе минуваат низ период на заситеност , кога ќе им биде потребна голема трезвеност за да издражат. Тоа нема да трае уште долго , затоа поминете низ него.

Кариера

Некои ваши соработници отворено ќе ви ја покажуваат својата наклонетост , додека други на ист начин ќе ви покажуваат дека не ве сакаат. Прифатете ги на мирен начин и едните и другите. Барем ќе знаете со кого имате работа. Држете се до зацртаните правила.

Здравје и совет

По прошетките на свеж воздух, добро наспијте се.

Технологија

Добитник на Нобеловата награда предупредува: Ни нема спас од вештачката интелигенција

Американскиот физичар Џон Хопфилд и пионерот на вештачката интелигенција Џефри Хинтон ја добија годинешната Нобелова награда за физика.

Хинтон, често нарекуван „кум на вештачката интелигенција“, ја напушти својата позиција во Google за да го предупреди светот за потенцијалните опасности од вештачката интелигенција.

Работата на Хинтон од 2012 година ја постави основата за денешните невронски мрежи, кои напојуваат технологии како GPT-4, но тој го напушти Google во 2023 година, изразувајќи загриженост за развојот на вештачката интелигенција.

Во интервју за Њујорк Тајмс минатата година, Хинтон призна дека некогаш верувал дека Google може правилно да управува со овие моќни технологии, додека Мајкрософт не се здружи со OpenAI, носејќи ги GPT-4 и ChatGPT на пошироката публика, пишува Futurism.

Предупредување на Хинтон: „ВИ е многу поблиску отколку што мислиме“

Пред да го напушти Гугл, Хинтон предупреди дека светот се соочува со клучен момент во развојот на вештачката интелигенција. Иако претходно мислеше дека опасностите се далеку, денес целосно се предомисли. Како што рече, верувал дека предизвиците на вештачката интелигенција се од 30 до 50 години, но сега е сигурен дека вештачката интелигенција се развива побрзо отколку што некој може да ја контролира.

Откако го напушти Гугл, тој се приклучил на група експерти, меѓу кои и Илон Маск, кој потпиша отворено писмо во кое повикува на привремено запирање на развојот на технологиите за вештачка интелигенција. Хинтон сега верува дека вештачката интелигенција може да ја избегне човечката контрола во секој момент, што може да доведе до катастрофални последици.

На прашањето на Нобеловиот комитет за понатамошната судбина на вештачката интелигенција, Хинтон искрено рече дека нема едноставно решение. „Посакувам да имав рецепт што ќе нѐ спаси сите, но за жал, немам“, изјави тој.

Свет

Најмалку пет жртви од ураганот „Милтон“ што ја пустоши Флорида (ВИДЕО)

Потврдена е смртта на пет лица во Св. Луси,изјави гувернерот на  Флорида, Рон Де Сантис, на прес-конференција заедно со шерифот Кит Пирсон.

Округот претходно потврди четири смртни случаи откако торнада ја зафатија областа пред пристигнувањето на ураганот Милтон. Се уште не е прецизирана причината за петтата смрт.

Петтото лице кое почина е пронајдено во областа на шпанските езера, истиот дел од округот каде првично биле потврдени четири смртни случаи, рече Пирсон.

Си-Ен-Ен, исто така, јавува дека повеќе од 100 куќи биле значително оштетени во Св. Луси.

Свет

Научниците во чудо: Еден ги пустоши САД, а два урагана тргнаа кон Европа (ВИДЕО)

Претходните денови над Атлантскиот Океан се формирале дури три урагани.

Над Мексиканскиот залив се формирал ураганот Милтон, кој набрзо прерасна во катастрофална бура од петта категорија, а потоа ја погоди Флорида како бура од трета категорија.

Таа со својот периферен дел синоќа веќе стигна до Флорида, а нејзиниот центар денеска паѓа и се заканува да го уништи централниот и западниот дел на оваа сојузна американска држава и поширокото подрачје на градот Тампа.

Се очекуваат ветрови од 200 км/ч, над 350 литри дожд и плимни бранови високи неколку метри кои се закануваат да поплават сѐ пред себе.

Во исто време, синоќа екс ураганот Крик ја погоди Западна Европа и се заканува да донесе поплави во Франција, а силни и бурни ветрови се до Германија и Данска.

Овој сега главно поранешен ураган се формира над средината на Атлантикот и зајакна до ураган од четврта категорија. За среќа, во ниту еден момент не му се закануваше на американското копно, а веќе стигна до европското копно како екстратропски циклон.

Во моментов има уште еден ураган над средината на Атлантикот, наречен Лесли, кој ќе зајакне до бура од втора категорија со ветрови од 180 км/ч на патот преку отворен океан. Нема да му се заканува ниту на американското копно, а на пат кон североисток постепено ќе слабее кон Азорските острови, што ќе донесе силен ветер, високи бранови и обилни врнежи, но не и уништување и големи последици.

Ќе стигне до овие острови за време на викендот многу ослабен како поранешен ураган.

Потоа дополнително ќе ослабне на својот пат кон Португалија и југозападна Европа, но како екстратропски силен циклон ќе донесе обилни врнежи од дожд и бурни ветрови и многу високи бранови во крајбрежните области.

Сезоната на урагани во Северен Атлантик трае од јуни до ноември, а нивниот врв се случува во просек во текот на септември. Овогодинешниот септември донесе голем, моќен ураган Хелена од Мексиканскиот Залив што ги опустоши северозападна Флорида и југоисточна САД, при што загинаа над 230 луѓе.

За да се формираат ураганите и да бидат развиени и интензивни, мора да постојат неколку услови, а еден од нив е многу топла океанска вода, најмалку 26-27 степени, додека во Мексиканскиот залив во овој дел од година.

Научниците се навистина изненадени што истовремено се активни три силни урагани, од кои едниот изгубил карактеристики на ураган на пат кон Европа, но не и на силна бура.

Ураганите и тропските бури генерално се движат од исток кон запад, односно кон американското копно, каде често прават пресврт и како силни екстратропски циклони стигнуваат до северозападна Европа со силни западни струи.

Крик и Лесли се урагани кои нема ни да се упатат кон Америка, туку веднаш направија пресврт кон европското копно, но за среќа нема ни да стигнат до нив како урагани, пред сѐ затоа што температурите на водата на Атлантикот се многу пониски, а тие се на прилично голема географска широчина.

Патем, не е изненадување што ураганите од тропскиот Атлантик стигнуваат до Европа, каде што можат да бидат погодени области од Португалија и Шпанија до Франција, земјите од Бенелукс и Британските острови и Ирска до Скандинавија и Исланд.

За среќа, овие појави се многу ретки.

Не толку одамна, моќен ураган од тропскиот Атлантик како бура од прва категорија се урна директно во Ирска.

притисни ентер