Неделен хороскоп за 25.мај до 1. јуни 2026 година - Канал 5

Хороскоп

Неделен хороскоп за 25.мај до 1. јуни 2026 година

Неделен хороскоп за периодот од понеделник 25. мај до 1. јуни 2026 година. 

Неделен хороскоп за 25.мај до 1. јуни 2026 година

Близнаци 21.5.-21.6.

Љубов

Доколку и натаму барате сродна душа, обрнете внимание на личностите од вашето работно место. Некој веројатно сака да биде со вас и чека тоа да го забележите . Доколку сте во врска , вашиот однос ќе биде стабилен , а двете страни задоволни и мирни.

Кариера

Можеби ќе ви се чини дека ве притискаат од сите страни , но всушност се работи за предизвиците на кои ќе треба да одговорите за да дојдете до подобри деловни резултати. Пред вас е мала борба во мкоја треба да покажете дека сте борец.

Здравје и совет

Внимавајте на пречувствителноста на промената на температурата.

Рак 22.6-22.7.

Љубов

Со трпение и толеранција би можеле да го подобрите односот со саканата личност. Никаква расправија , а особено некоја мотивирана од љубомора нема да донесе резултати. Време е да играте со затворени карти , па бидете воздржани.

Кариера

Соработката со угледни и влијателни луѓе полека ќе избива во прв план. Вие ќе бидете тркалото , важно во целата постапка. Затоа немојте да бидете прескромни , туку дозволете си да ги изразите и своите амбиции. Одредете ја својата позиција , а уште повеќе шансата.

Здравје и совет

Не претерувајте со храна и пијалоци. Движете се повеќе.

Лав 23.7-22.8.

Љубов

Ведрина , позитивен дух , смисол за хумор – сето тоа ќе биде нагласено деновиве во вашиот приватен живот. Затоа не треба да се трудите премногу , туку само држете ги очите отворени и реагирајте како што треба. Се ќе си дојде на место само по себе , а вие ќе уживате.

Кариера

Се наоѓате во период кога некои работи дефинитивно треба да ги приведете до крај. Токму оваа недела е карактеристична по тоа. Ќе завршите некои проекти и ќе свртите нов лист. Кај некои тоа ќе биде малку порадикално . Не брзајте , туку првин направете проценка.

Здравје и совет

Уживајте , но не претерувајте.

Девица 23.8.-23.9.

Љубов

Поголемиот дел од слободното време ќе го минувате во сосема обични активности , уживајќи во нечија наклонетост. Без голема помпа ќе знаете да ги цените малите работи , а саканата личност ќе ви врати со иста мерка. Ќе бидете задоволни и без поголеми барања.

Кариера

Почнува фазата во која вашето знаење ќе се цени се повеќе. Бидете свесни за својата стручност и слободно презентирајте ги своите способности. Можно е повеќе луѓе да ве прашаат за совет или да ви понудат тесно специјализирана работа.

Здравје и совет

Уживајте во животот и во природата.

Вага 24.9.-23.10

Љубов

Вашиот копнеж ќе биде силен , а вие некако препуштени самите на себеси. Оние кои имаат добар пријател или пријателка , ќе се обидат да ги споделат своите фрустрации. Оние во врска ќе чувствуваат дистанца во односот , а некои ќе бидат во искушение за љубомора. Издржете.

Кариера

Вработените во услужните дејности ќе имаат многу работа , додека другите ќе бидат отворени за да им помогнат на колегите. Некои ќе се покажат како добри советници и своето знаење лесно ќе го применуваат во пракса. Малите недоразбирања во комуникациите ќе бидат минливи.

Здравје и совет

Повремени нервози и мали грижи.

Шкорпија 24.10-22.11.

Љубов

Веројатно че дадете се од себе за да се разубавите ,а ќе забележите и дека лицата од спротивниот пол постојано ве одмеруваат. Оние во врска ќе се обидат да го освежат односот , додека осамените ќе излегуваат често и ќе заведуваат. Отворете се и ќе бидете успешни.

Кариера

Што е готово , завршило. Немојте веќе тоа да го анализирате. Оставете времето нека работи за вас , а вие сконцентрирајте се на она што сега почнува. Пред вас е нешто сосема ново и не многу дефинирано. Бидете отворени.

Здравје и совет

Не ги поместувајте границите по секоја цена.

Стрелец 23.11.-21.12.

Љубов

Ќе се чувствувате како да не можете да се фатите за ништо што е сигурно. Во право сте, но размислете колку сте и самите одговорни за тоа. Партнерот ќе ви покаже како полесно да ги изразувате емоциите. Применете ги советите кои сметате дека се добри.

Кариера

Пред вас се нови предизвици , кои бараат паметен и обмислен пристап. Ќе треба и повеќе да соработувате со колегите , а неретко така да правите и прифаќате компромиси. Не сметајте дека тоа е лошо зашто повеќе очи подобро гледаат.

Здравје и совет

Најдете секој ден малку мир за себеси.

Јарец 22.12.-20.1.

Љубов

Ако сте во подолга врска , ќе имате потреба за повеќе дружење. На вашата најсакана личност тоа не мора да и се допадне , па потрудете се да ја понесете со себе или да и објасните дека имате потреба за друштвеност. Осамените лесно ќе наоѓаат друштво од спротивниот пол.

Кариера

Се повеќе ќе ви биде важно вашето знаење и стручноста во работењето.Многумина ќе добијат шанса за да ги покажат своите специфични таленти или нивната диплома ќе добие на тежина. Оние кои учат , ќе бидат успешни во полагање на испитите. Некои ќе контактираат странци.

Здравје и совет

Издржете како и секогаш. Ќе се исплатува.

Водолија 21.1.-19.2.

Љубов

Ќе ви изгледа како љубовта да е далеку од вас. Кај некои тоа ќе биде така и во реалноста , зашто саканата личност ќе биде во овој период отсутна. Копнежот ќе се засили, а со тоа и чувството за осаменост.Некои ќе најдат мир во активирање на фантазијата и на совите сништа.

Кариера

Ќе можете без никаков страв да се потпрете на своите претходни резултати. Некои тоа ќе го искористат за да отидат чекор понатаму , а ќе има и такви кои ќе живеат на старата слава колку што можат подолго. Главно , немојте да се успиете , работата напредува ,а со тоа и вие.

Здравје и совет

Обезбедете си повеќе време за сон.

Риби 20.2.- 20.3.

Љубов

Преокупираноста со другата страна ќе биде голема , а вие подготвени да се борите до крај за врската да успее. Оние во стабилна врска , ќе го обноват својот еротски живот на најдобар можен начин. Они , пак , кои бараат сродна душа ќе бидат упорни и ќе одат до крај со додворувањата.

Кариера

Работите се интензивираат , а се што работите добива претприемнички карактер. Многумина овие денови сериозно ќе се фатат за работа или од нив ќе се бара поголем ангажман на работното место. Оние кои бараат работа, исто така ќе бидат активни.

Здравје и совет

Не го занемарувајте редовниот сон.

Овен 21.3-20.4.

Љубов

Ќе имате робар ветар во грбот , кога станува збор за љубовните прашања. Ќе ви се отвораат многу полесно вратите , ќе бидете повикувани на интересни забави и на уште поинтересни места. Доколку сте сами , прифатете ги поканете и измешајте се со луѓето. Тие ве очекуваат.

Кариера

За да го поправите она што го работите , морате да се отворите и повеќе да соработувате со колегите. Ставот дека сте незаменливи и единствени не е добар , а особено ако тоа го мислите за себеси. Поработете на сопствената анализа и се ќе ви биде појасно и полесно.

Здравје и совет

Одете на јога или на медитација за да се опуштите.

Бик 21.4- 20.5.

Љубов

Веројатно ќе се чувствувате осамено , освен ако тоа не е вашиот избор. Оние кои се во врска ќе минуваат низ период на заситеност , кога ќе им биде потребна голема трезвеност за да издражат. Тоа нема да трае уште долго , затоа поминете низ него.

Кариера

Некои ваши соработници отворено ќе ви ја покажуваат својата наклонетост , додека други на ист начин ќе ви покажуваат дека не ве сакаат. Прифатете ги на мирен начин и едните и другите. Барем ќе знаете со кого имате работа. Држете се до зацртаните правила.

Здравје и совет

По прошетките на свеж воздух, добро наспијте се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Млада девојка која наскоро требало да се омажи била извлечена од шаторот и изгмечена до смрт пред очите на нејзиниот вереник откако била нападната од разбеснета кафеава мечка.

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Снежана Королева, 29, била на романтично кампување со својот партнер во Алтајските Планини во Русија.

Мечката го пробила нивниот шатор околу 1 часот наутро и „ја одвлекла жената што врескала“ пред да ја убие и да ја однесе преку реката Бија, објавува Дејли Меил.

Нејзиното момче наводно ѝ предложило брак само еден ден пред животното да ја убие.

Потоа мечката почнала да го закопува телото на девојката додека преплашените кампери очајно се обидувале да го одвлечат вниманието.

Дивочуварите и полицијата пукале во воздух, но не ја застрелале мечката, иако сведоците рекле дека имале можност да ја убијат.

Тие се повикале на руските прописи кои забрануваат пукање во населени места, рекле сведоците.

Сведок по име Алина рекол: „Пукале во воздух, но тоа не го исплашило. Не сакал да ја пушти и... ја одвлекол преку реката.“

Потоа мечката, рече таа, „почна да ја закопува без никаков страв“.

„Нејзиното момче е во шок, тој штотуку ѝ предложи брак. Ужасно е“, рече Алина.

Снежана, по потекло од Новосибирск и адвокатка по професија, престојувала со својот вереник во туристичкиот камп Исток во селото Артибаш, во близина на езерото Телецкое.

Мештаните тврдат дека во моментов има околу 20 мечки што шетаат низ селото.

Друг локален жител рече дека нејзината сестра за малку избегнала напад од истата мечка претходната ноќ.

„Се најдовме лице в лице со него. Мојата сестра падна и се провлече, лежејќи на земја, во колиба. Ја спаси човек кој случајно возел автомобил. Тој ги насочи фаровите кон мечката, по што животното претрча преку патот. Дури и ја удри со својот автомобил и го вдлабна браник“, додаде таа.

По нападот, во селото беше прогласена десетдневна состојба на зголемена тревога.

„Во овој период, на туристите им е забрането да поставуваат шатори во шумата и покрај брегот“, се наведува во локалниот декрет.

Снежана била вработена во руското Министерство за вонредни ситуации.

Нејзините останки наводно биле пронајдени откако се појавиле информации дека мечката се обидувала да го закопа нејзиното тело.

Мечката сè уште е на слобода, според локалните извештаи.

Претставник на Здружението на ловџии и рибари од округот Мајмински изјавил дека скратената ловна сезона довела до зголемен ризик од напади од диви животни врз луѓе.

„Ловната сезона е скратена на 30 дена. Поради ова, популацијата на мечки почнала да расте. Ловците едноставно не можат да ги следат сите дозволи. Ловот станува поретко, мечките се размножуваат, а има сè помалку храна. Нема доволно ореви, па мечките, кога се гладни, излегуваат во потрага по луѓе“, изјавил претставник на ловното друштво.

Обвинителството на Република Алтај започна истрага за смртта на жената.

Тагови: девојка мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Длабоко под швајцарските Алпи се градат луксузни бункери за елитата- таму ќе се скријат во случај на опасност (ВИДЕО)

Планинските скривалишта повеќе не се резервирани за негативците од шпионските романи. Сега и вие можете да купите пристап до ултра-безбеден трезор - скриен под швајцарски планински венец, под услов да имате половина милион евра на располагање.

Длабоко под швајцарските Алпи се градат луксузни бункери за елитата- таму ќе се скријат во случај на опасност (ВИДЕО)

Локалната компанија Бриниг Мега Сејф планира да ископа 25 подземни комори во варовничкиот карпа што го сочинува истоимениот планински венец. Пристап до трезорите веќе им се нуди на клиентите кои сакаат да складираат вредни уметнички дела, автомобили, вино, сефови за вредни предмети и други средства.

Строга контрола на влезот

Компанијата тврди дека работата во Бриниг ќе започне во јануари и дека нивото на безбедност во трезорите ќе биде споредливо со „нивото на безбедност на Швајцарската национална банка“.

Претседателот на компанијата, Томас Гасер, опиша како ќе биде да се влезе во подземниот комплекс.

„Прво ќе мора да поминете низ специјален контролен пункт и да излезете од вашето возило. Ќе има неколку проверки, кои очигледно нема да бидат откриени за јавноста“, рече тој.

Благодарение на длабочината на која ќе бидат лоцирани - повеќе од 100 метри, коморите ќе имаат природна температура од околу 13 степени Целзиусови, што е идеално за складирање вино и уметнички дела.

Сепак, компанијата не ги гледа подземните трезори само како место за складирање вредни предмети. Во свет кој се соочува со зголемена нестабилност, тензии меѓу државите и закана од климатски промени, ваквите локации претставуваат и потенцијално засолниште во случај на катастрофа.

24-часовен пристап до трезорите

Компанијата, основана од тим претприемачи од планинско инженерство, на својата веб-страница наведува дека дополнителни модули ќе овозможат проширување на трезорите кога е потребно повеќе од само заштита на средствата.

Меѓу можностите се „привремени приватни засолништа“, дискретни сали за состаноци и салони со посебна атмосфера, објавува Дејли Меил.

Клиентите ќе имаат пристап до трезорите 24 часа на ден преку тунел доволно голем за да минуваат камиони.

Компанијата вели дека клиентите веќе потпишуваат договори за закуп на коморите за 99 години, а првите трезори треба да се отворат следната година.

Покрај подземните складишта, постојат планови за основање центар за обука во областите на безбедноста, анализата на ризикот и преживувањето.

Воени бункери претворени во трезори

Швајцарија со децении ги користи своите Алпи за безбедно складирање. Бројни напуштени воени бункери се претворени во трезори, па дури и во центри за складирање на податоци. Во 2024 година, започна програма за модернизација на нуклеарните засолништа за да се подготват за можна војна.

Според закон од 1963 година, на сите жители на земјата - вклучувајќи ги странците и бегалците - им е загарантирано место во засолниште способно да ги заштити од нуклеарно, биолошко и хемиско оружје, како и од „удари од блиску со конвенционално оружје“.

Други европски земји исто така се подготвуваат за можноста за војна, а некои работат на тоа со децении.

Под Хелсинки, главниот град на Финска, повеќе од 5.500 засолништа се ископани во карпата со доволно простор за речиси милион луѓе. Тоа е огромен капацитет ако се земе предвид дека Хелсинки има околу 675.000 жители.

Тагови: Алпи бункери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трансродна жена е осудена на шест години затвор, поради обид за убиство врз министерот за финансии на САД

Американката Рајли Инглиш (26) е осудена на шест години и еден месец затвор за заговор за убиство на американскиот министер за финансии Скот Бесант, е објавено по пресудата донесена во федералниот суд во Вашингтон.

Трансродна жена е осудена на шест години затвор, поради обид за убиство врз министерот за финансии на САД

Инглиш, трансродова жена од Масачусетс, беше уапсена во јануари 2025 година откако отишла во американскиот Капитол, каде што им кажала на полицајците дека имала намера да го убие Бесант на денот на неговото сослушување за потврда во Сенатот, објавува Гардијан.

Два импровизирани молотови коктели, запалка и нож на расклопување беа пронајдени кај неа.

Судијата Рудолф Контрерас процени дека планот имал „исклучително мала или непостоечка“ шанса за успех, меѓу другото, бидејќи Бесант не била во Капитол тој ден, додека импровизираните запаливи направи не изгледале способни да се запалат.

Инглиш му рече на судот дека никогаш не сакала да повреди никого и дека не е ниту политичка ниту насилна личност.

Таа рече дека поминувала низ сериозен ментален слом и дека била зависничка од дрога во времето на инцидентот.

Обвинителството побара казна од 10 години и еден месец затвор, велејќи дека Инглиш го планирала атентатот најмалку еден месец.

Според истражителите, Инглиш ѝ кажала на полицијата дека првично размислувала да нападне други републикански политичари, вклучувајќи го министерот за одбрана Пит Хегсет и претседателот на Претставничкиот дом Мајк Џонсон, како и да ја запали зградата на конзервативната организација Фондација Херитиџ.

Потоа таа го избрала Бесант како своја цел откако прочитала статија за неговото сослушување за потврда на интернет.

Обвинителството, исто така, изјави дека Инглиш рекла дека била под влијание на Луиџи Манџоне, кој е обвинет за убиство на извршниот директор на „ЈунајтедХелт Ол Постс Кер“, Брајан Томпсон.

Адвокатот на одбраната, Марија Џејкоб, рече дека постапките на нејзиниот клиент биле „повик за помош“ и дека Инглиш била во многу лоша ментална состојба во времето на инцидентот.

Судијката Контрерас, која беше номинирана за федерален судија од поранешниот претседател на САД, Барак Обама, ја осуди Инглиш на шест години и еден месец затвор и три години надзор по ослободувањето. Ќе ѝ се припише казната за речиси 20 месеци што веќе ги отслужила во притвор.

Тагови: затвор убиство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер