Неделен хороскоп за 22.февруари до 1. март 2021 година - Канал 5

Хороскоп

Неделен хороскоп за 22.февруари до 1. март 2021 година

Дневен хороскоп за периодот од понеделник, 22. февруари до 1. март 2021 година. 

Неделен хороскоп за 22.февруари до 1. март 2021 година

Риби 20.2.- 20.3.

Љубов

Издржете го на мир првиот дел од неделата . Другата половина носи подобри љубовни влијанија , кога повторно лесно ќе најдете заеднички јазик со саканата личност. Сепак , внимавајте повремено да не реагирате премногу бурно. Со мала самоконтрола , се ќе биде подобро.

Кариера

Соработката со угледни или стручни лица полека доаѓа во прв план. Вие ќе бидете главното тркало во целата конструкција. Затоа не биодете премногу скромни , туку дозволете си да ги кажете своите амбиции. Искористете ја својата позиција , а уште повеќе можноста.

Здравје и совет

Понекогаш е подобро да се молчи.

Овен 21.3-20.4.

Љубов

Недостигот на интерес за љубов е резултат на премногу забава со пријателите. Оние кои се во подолги врски ќе забележат дека се дистанцираат од саканите поради пријателите. Ништо не ве попречува за сето тоа да го поврзете и споите. Ќе биде забавно во секој случај.

Кариера

Нема да бидете задоволни од приходите , зашто мислите дека можете повеќе. Ограничувањата ќе доаѓаат подари надворешни фактори и засе га никој не може да ги забрза работите. Согледајте што е реалноста и прилагодете се.

Здравје и совет

Тактичноста и дипломатијата се вредни особини.

Бик 21.4- 20.5.

Љубов

Пред вас се нови љубовни можности , а некои од нив ве очекуваат на сосема невообичаени места. Како на пример уметнички им слично.Ќе биде интерсно. Вашата страст ќе биде поголема од вообичаено , а вие ќе бидете привлечни за лицата од спротивен пол.

Кариера

Сакате да видите конкретни резултати , а токму тие ќе се појавуваат деновиве. Можеби нема да биде ништо сензационално , но вие ќе препознаете дека во работата сте тргнале по вистински пат. Ќе биде добро.

Здравје и совет

Препознавате што ви треба , а што не ви е потребно.

Близнаци 21.5.-21.6.

Љубов

Повремено ќе ви изгледа како љубовта да е на некоја друга планета. Чувството на осаменост ќе се засили , но објективно вашата врска е во ред. најдобро е да побарате весели луѓе и да ги заборавите грижите , работејќи го она што навистина го сакате.

Кариера

Работната атмосфера на работното место ќе се засили , а од вас ќе се очекува поголем ангажман. Вашите работни навики некаде заспале , па ќе мора под итно да ги разбудите. Не прашувајте премногу , туку држете се до правилата на работата. Бидете професионални.

Здравје и совет

Опуштајте се со убава музика.

Рак 22.6-22.7.

Љубов

Голем дел од слободното време ќе минувате со сосема обични активности, уживајќи во нечија привлечност. Без голем напор ќе знаете да ги цените ситните уживања , а саканата личност ќе ви возврати со иста мерка. Ќе бидете задоволни и без големи барања.

Кариера

Времето е добро за интроспекција , истѕражување во мир и повлечена работа. Иако и натаму сте поврзани со колегите, многумина нема да ве препознаат кога ќе ве видат како мирно седите и вредно работите без многу фалење и зборување.

Здравје и совет

Кој има уметнички идеи , нека се изрази.

Лав 23.7-22.8.

Љубов

Вашите љубовни апетити ќе бидат големи , а објективните можности малку помали. Сепак , ќе најдете рамнотежам и задоволство. Понекоја фрустрација ќе споделите со пријател или пријателка. Саканата личност ќе се воздржи од критики. Ќе биде главно добро.

Кариера

Пуштете ги другите да се изразуваат , а ако треба и да ве водат. Во овој момент не можете да направите ништо на своја рака. Бидете разумни , трпеливи и верувајте дека подоцна се ќе дојде на своето место.Поинаку не може.

Здравје и совет

Ништо не се случува случајно и вие тоа добро го знаете.

Девица 23.8.-23.9.

Љубов

Вашата љубовна приказна ќе продолжи и покрај цашите сомнежи.Понекогаш ќе бидете навистина збунети од тоа што ви се случува , но реалноста ќе ви донесе задоволство. Ако и натаму ја барате својата љубов , дотерајте се и излезете меѓу луѓе. Само не бидете нападни во настапите.

Кариера

На работа главно ќе се надмудрувате. Ќе наоѓате утеха во приватниот живот. Нема да стоите најдобро со авторитетите , особено не сега. Не инсистирајте на своите идеи , зашто сте во неповолна позиција. Издржете со разум и толеранција.

Здравје и совет

Опуштајте се со добро друштво.

Вага 24.9.-23.10

Љубов

Ќе ви биде важно како да го организирате заедничкиот живот, но и како добро да се забавувате.некои ќе ја смируваат саканата личност и ќе ја расположуваатз ада и ги намалат проблемите. Ќе се покажете како добар и нежен забавувач.

Кариера

Можеби се уште не ги гледате предностите од новата фаза во која влегувате, но интуитивно ќе ги почуствувате. Токму интуицијата оваа недела ќе ви биде главниот водич. Ако се двоумите , само застанете и послушајте го внатрешниот глас. Нема грешка.

Здравје и совет

Побарајте си рекреација .

Шкорпија 24.10-22.11.

Љубов

Шарм и неофицијалност ќе бидат вашите главни адути за заведување оваа недела. Понекогаш за другите ќе бидете енигма , па сепак предајте му се на оној кого го сакате , најмногу зашто подоцна би пожалиле за можноста. Љубовта е се поблиску.

Кариера

Наредните денови веројатно многу нешта ќе ви се ветуваат. Понекогашѓ ќе ви изгледа како да ви нудат работа од бајките , но бидете реални и внимателни.Посебно проверувајте ја легалноста. Се што не е реално , оставете го. нека зборуваат што сакаат.

Здравје и совет

Не претерувајте со јадењето и пиењето.

Стрелец 23.11.-21.12.

Љубов

Ќе комбинирате дискреција и гласност.Така , еден ден ќе живеете како кротка личност , врзана за својот дом и доблестите, а веќе следнито ден ќе бидете главна личност на забава , каде сите добро ќес е забавуваат. Оние во врска се добро.

Кариера

Ќе функционирате како спортист , кој своите тренинзи ги одработува со леснотија. Многумина на работното место ќе усовршуваат нови вештини и ќе откриваат детали од професијата. Ќе биде тоа уште една фаза во учењето и напредувањето.Секако добивате.

Здравје и совет

Научете некоја од техниките за релаксација.

Јарец 22.12.-20.1.

Љубов

Веројатно понекогаш ќе се чувствувате осамено , освен ако тоа не е ваш личен избор. Оние во врска ќе минуваат уште еден динамичен период во кое ќе има доста забава , но многу помалку длабоки чувства. Сепак , нема да биде лошо. Само да не очекуваат совршенство.

Кариера

Некои ќе почнат мали работи низ домот и ќе земат неколку дена одмор за да ги завршат. Тоа ќе се покаже како полн погодок. Оние кои остануваат на работното место , ќе ги доработуваат заостанатите обврски , но не е страшно.

Здравје и совет

Батериите ќе ги полните со спорт.

Водолија 21.1.-19.2.

Љубов

Ослободете се од преголемите љубовни очекувања, зашто сега е подобро да се биде реалист отколку идеалист. Не подлегнувајте на искушението за надмудрување. Секогаш кога ќе можете , бидете толерантни и духовити. Ако партнерот ве испровоцира, не го земајте тоа при срце. Тоа е минливо.

Кариера

Некои ваши соработници отворено ќе ви покажат наклонетост , додека ќе има такви кои отворено ќе ви кажат дека не ве сакаат. И едното и другото прифатете го на мирен начин. Барем ќе знаете со кого си имате работа. Држете се до зацртаните правила и не се грижите.

Здравје и совет

Одете на прошетка и добро наспијте се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден додели 60 решенија за исплата на еднократна парична помош за набавка на инвертер клими или соларни панели

Општина Илинден продолжува со реализација на мерките за поддршка на граѓаните преку унапредување на енергетската ефикасност и заштитата на животната средина. 

Општина Илинден додели 60 решенија за исплата на еднократна парична помош за набавка на инвертер клими или соларни панели

Во рамки на Програмата за финансиска поддршка на жителите, успешно беше реализиран Јавниот повик за доделување субвенции за набавка на инвертер клима уреди или соларни панели.

Градоначалникот на Општина Илинден, Александар Георгиевски, денес ги додели првите решенија, од вкупно 60 граѓани кои ги исполнија условите од јавниот повик, со што им е овозможена исплата на еднократна парична помош за набавка на овие енергетски ефикасни производи.

Градоначалникот Георгиевски истакна дека целта на оваа мерка е да се поттикнат домаќинствата во Општина Илинден да користат современи и високоефикасни системи за затоплување и ладење. Со користењето на инвертер клима уреди и соларни панели се намалува потрошувачката на енергија, се остваруваат финансиски заштеди за домаќинствата и се придонесува кон почиста и поздрава животна средина.

Со мерката се обезбедува кофинансирање во висина од 50 проценти од вредноста на набавениот инвертер клима уред или соларен панел, односно до максимален износ од 10.000 денари по производ.

Општина Илинден и понатаму останува посветена на креирање и спроведување мерки што директно го подобруваат квалитетот на живот на граѓаните, истовремено поттикнувајќи енергетска ефикасност, одржлив развој и заштита на животната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Кристијано Роналдо доведе нов селектор, а сите очекуваа дека ќе се пензионира?!

Капитенот на Португалија, светската фудбалска ѕвезда, Кристијано Роналдо доведе нов селектор по оставката на Мартинез, иако поголем дел од јавноста очекуваше дека тој ќе се пензионира, но изгледа дека 41 годишниот фудбалер сè уште размислува на така. 

Кристијано Роналдо доведе нов селектор, а сите очекуваа дека ќе се пензионира?!

Новиот селектор на Португалија ќе биде легендарниот Жорж Жезус.

Може да се случи Кристијано Роналдо да не се откаже од португалската репрезентација, особено затоа што неговиот тренер од Ал Наср, Жорж Жезус, ќе биде назначен за нов селектор.

Искусниот 71-годишен стручњак од Португалија им ги украде титулите на Ал Наср и Роналдо во Саудиска Арабија , а потоа кога беше отпуштен, го презеде тимот на Роналдо и му ја донесе титулата.

Иако ги тренираше Брага, Бенфика, Спортинг, Фенербахче, тој рече дека тоа е најголемиот предизвик во неговата кариера.

Откако беше елиминиран од Светското првенство во осминафиналето од Шпанија, поранешниот селектор Роберто Мартинез поднесе оставка, а многумина сметаа дека по повеќе од две децении, 233 натпревари и 146 гола, време е Кристијано да ја заврши својата репрезентативна кариера.

Сепак, на 41 година, се чини дека не се откажува, бидејќи се чини дека е донесен селектор по негов вкус.

Поранешниот просечен фудбалер, Жорж Жезус стана врвен тренер и раководеше со речиси сите важни португалски клубови - од Мадеира, Естрела Амадора, Виторија Сетубал, Виторија Гимараеш, Униао Леирија и Мореиренсе до Брага, Бенфика и Спортинг. Во странство работеше само во Ал Хилал, Ал Наср, Фенербахче, а освен домашни титули го освои и Купот Интертото во 2008 година.

Тагови: Кристијано Роналдо Португалија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ММФ ги разби лагите на Мицкоски за „третата“ економија

ММФ ги разби лагите на Мицкоски за „третата“ економија – македонската економија расте побавно дури и од Косово.

СДСМ: ММФ ги разби лагите на Мицкоски за „третата“ економија

Македонската економија ќе расте побавно од економиите во регионот во следните пет години, дури и Косово е пред нас.

Меѓународниот монетарен фонд ги разби лагите и пропагандата на Мицкоски за некаква „трета“ економија во Европа.
Според ММФ – во следните пет години македонската економија во просек ќе расте само 3 проценти.
Пред Македонија се Албанија со 3,19 проценти, Србија со 3,5 проценти, Молдавија, Украина, Косово со 3,95 проценти.
Ова е реалноста и вистината. Сè друго беа политички лаги. Впрочем граѓаните тоа најдобро го знаат и го чувствуваат со своите празни паричници и празни фрижидери.
Мицкоски со лаги дојде на власт, со лаги владее. Ветуваше дека економијата ќе биде „тигар“, ветуваше „инвестициски бум“, ветуваше подобар животен стандард. Ништо не исполни.
Две години подоцна, резултатите се поразителни, а цената ја плаќаат граѓаните – со празни џебови и сè потежок живот.
По две години власт на ВМРО-ДПМНЕ, економските показатели се катастрофални.
Странските директни инвестиции во 2025 година паднаа за 61% – еден од најлошите резултати во регионот.
Индустриското производство во мај падна за 2%.
Бројот на работници во индустријата е намален за 2,6% во мај годинава споредено со истиот период лани.
Граѓаните живеат крпен живот – потрошувачката кошничка е скоро 70.000 денари само за основни трошоци.
Пензискиот фонд е во катастрофална состојба, дупката продлабочена за 40%, а власта го загрози и вториот пензиски фонд – оваа Влада ја доведе во ризик исплатат не само на сегашните, туку и на идните пензионери.
Буџетот е празен, нема пари.
На средина од годината го истрошија целиот дефицит.
Единствено нешто во што оваа Влада е успешна – се задолжувањата. Таму им нема конкуренција – за две години направија нов долг од 2,5 милијарди евра.
Јавниот долг се искачи на скоро 11 милијарди евра – пари од кои ништо нема за граѓаните, има само за криминалните партиски тендери на ВМРО.
Мицкоски сам си се разобличи и со ребаланост – тој е јасно признание за промашени политики, за тотален колапс.
Се кратат пари токму таму каде што се создава економска вредност, кај поддршката на компаниите, младите, социјално ранливите граѓани и друго.
Само не се крати од луксузот на власта.
Со коригираната инфлација од 4,5%, власта признава дека граѓаните ги чека уште поскап и потежок живот.
Домашното задолжување неконтролирано расте и со ова темпо до крајот на годината јавниот долг ќе надмине 61,5% од БДП.
Со Мицкоски и неговата расипничка Влада, Македонија ризикува да остане на дното, не затоа што нема потенцијал, туку затоа што оваа власт ниту има развојна стратегија, ниту сака да им помогне на граѓаните.
Наташа Поповиќ СДСМ

YouTube video

Скопје, 09.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер