Хороскоп

Неделен хороскоп за 2. до 9. декември 2019 година

Неделен хороскоп за периодот од понеделник, 2. декември до 9. декември 2019 година.

Стрелец 23.11.-21.12.

Љубов

Ќе се чувствувате како да не можете да се фатите за ништо што е сигурно. Во право сте, но размислете колку сте и самите одговорни за тоа. Партнерот ќе ви покаже како полесно да ги изразувате емоциите. Применете ги советите кои сметате дека се добри.

Кариера

Пред вас се нови предизвици , кои бараат паметен и обмислен пристап. Ќе треба и повеќе да соработувате со колегите , а неретко така да правите и прифаќате компромиси. Не сметајте дека тоа е лошо зашто повеќе очи подобро гледаат.

Здравје и совет

Најдете секој ден малку мир за себеси.

Јарец 22.12.-20.1.

Љубов

Ако сте во подолга врска , ќе имате потреба за повеќе дружење. На вашата најсакана личност тоа не мора да и се допадне , па потрудете се да ја понесете со себе или да и објасните дека имате потреба за друштвеност. Осамените лесно ќе наоѓаат друштво од спротивниот пол.

Кариера

Се повеќе ќе ви биде важно вашето знаење и стручноста во работењето.Многумина ќе добијат шанса за да ги покажат своите специфични таленти или нивната диплома ќе добие на тежина. Оние кои учат , ќе бидат успешни во полагање на испитите. Некои ќе контактираат странци.

Здравје и совет

Издржете како и секогаш. Ќе се исплатува.

Водолија 21.1.-19.2.

Љубов

Ќе ви изгледа како љубовта да е далеку од вас. Кај некои тоа ќе биде така и во реалноста , зашто саканата личност ќе биде во овој период отсутна. Копнежот ќе се засили, а со тоа и чувството за осаменост.Некои ќе најдат мир во активирање на фантазијата и на совите сништа.

Кариера

Ќе можете без никаков страв да се потпрете на своите претходни резултати. Некои тоа ќе го искористат за да отидат чекор понатаму , а ќе има и такви кои ќе живеат на старата слава колку што можат подолго. Главно , немојте да се успиете , работата напредува ,а со тоа и вие.

Здравје и совет

Обезбедете си повеќе време за сон.

Риби 20.2.- 20.3.

Љубов

Преокупираноста со другата страна ќе биде голема , а вие подготвени да се борите до крај за врската да успее. Оние во стабилна врска , ќе го обноват својот еротски живот на најдобар можен начин. Они , пак , кои бараат сродна душа ќе бидат упорни и ќе одат до крај со додворувањата.

Кариера

Работите се интензивираат , а се што работите добива претприемнички карактер. Многумина овие денови сериозно ќе се фатат за работа или од нив ќе се бара поголем ангажман на работното место. Оние кои бараат работа, исто така ќе бидат активни.

Здравје и совет

Не го занемарувајте редовниот сон.

Овен 21.3-20.4.

Љубов

Ќе имате добар ветар во грбот , кога станува збор за љубовните прашања. Ќе ви се отвораат многу полесно вратите , ќе бидете повикувани на интересни забави и на уште поинтересни места. Доколку сте сами , прифатете ги поканете и измешајте се со луѓето. Тие ве очекуваат.

Кариера

За да го поправите она што го работите , морате да се отворите и повеќе да соработувате со колегите. Ставот дека сте незаменливи и единствени не е добар , а особено ако тоа го мислите за себеси. Поработете на сопствената анализа и се ќе ви биде појасно и полесно.

Здравје и совет

Одете на јога или на медитација за да се опуштите.

Бик 21.4- 20.5.

Љубов

Веројатно ќе се чувствувате осамено , освен ако тоа не е вашиот избор. Оние кои се во врска ќе минуваат низ период на заситеност , кога ќе им биде потребна голема трезвеност за да издражат. Тоа нема да трае уште долго , затоа поминете низ него.

Кариера

Некои ваши соработници отворено ќе ви ја покажуваат својата наклонетост , додека други на ист начин ќе ви покажуваат дека не ве сакаат. Прифатете ги на мирен начин и едните и другите. Барем ќе знаете со кого имате работа. Држете се до зацртаните правила.

Здравје и совет

По прошетките на свеж воздух, добро наспијте се.

Близнаци 21.5.-21.6.

Љубов

Доколку и натаму барате сродна душа, обрнете внимание на личностите од вашето работно место. Некој веројатно сака да биде со вас и чека тоа да го забележите . Доколку сте во врска , вашиот однос ќе биде стабилен , а двете страни задоволни и мирни.

Кариера

Можеби ќе ви се чини дека ве притискаат од сите страни , но всушност се работи за предизвиците на кои ќе треба да одговорите за да дојдете до подобри деловни резултати. Пред вас е мала борба во мкоја треба да покажете дека сте борец.

Здравје и совет

Внимавајте на пречувствителноста на промената на температурата.

Рак 22.6-22.7.

Љубов

Со трпение и толеранција би можеле да го подобрите односот со саканата личност. Никаква расправија , а особено некоја мотивирана од љубомора нема да донесе резултати. Време е да играте со затворени карти , па бидете воздржани.

Кариера

Соработката со угледни и влијателни луѓе полека ќе избива во прв план. Вие ќе бидете тркалото , важно во целата постапка. Затоа немојте да бидете прескромни , туку дозволете си да ги изразите и своите амбиции. Одредете ја својата позиција , а уште повеќе шансата.

Здравје и совет

Не претерувајте со храна и пијалоци. Движете се повеќе.

Лав 23.7-22.8.

Љубов

Ведрина , позитивен дух , смисол за хумор – сето тоа ќе биде нагласено деновиве во вашиот приватен живот. Затоа не треба да се трудите премногу , туку само држете ги очите отворени и реагирајте како што треба. Се ќе си дојде на место само по себе , а вие ќе уживате.

Кариера

Се наоѓате во период кога некои работи дефинитивно треба да ги приведете до крај. Токму оваа недела е карактеристична по тоа. Ќе завршите некои проекти и ќе свртите нов лист. Кај некои тоа ќе биде малку порадикално . Не брзајте , туку првин направете проценка.

Здравје и совет

Уживајте , но не претерувајте.

Девица 23.8.-23.9.

Љубов

Поголемиот дел од слободното време ќе го минувате во сосема обични активности , уживајќи во нечија наклонетост. Без голема помпа ќе знаете да ги цените малите работи , а саканата личност ќе ви врати со иста мерка. Ќе бидете задоволни и без поголеми барања.

Кариера

Почнува фазата во која вашето знаење ќе се цени се повеќе. Бидете свесни за својата стручност и слободно презентирајте ги своите способности. Можно е повеќе луѓе да ве прашаат за совет или да ви понудат тесно специјализирана работа.

Здравје и совет

Уживајте во животот и во природата.

Вага 24.9.-23.10

Љубов

Вашиот копнеж ќе биде силен , а вие некако препуштени самите на себеси. Оние кои имаат добар пријател или пријателка , ќе се обидат да ги споделат своите фрустрации. Оние во врска ќе чувствуваат дистанца во односот , а некои ќе бидат во искушение за љубомора. Издржете.

Кариера

Вработените во услужните дејности ќе имаат многу работа , додека другите ќе бидат отворени за да им помогнат на колегите. Некои ќе се покажат како добри советници и своето знаење лесно ќе го применуваат во пракса. Малите недоразбирања во комуникациите ќе бидат минливи.

Здравје и совет

Повремени нервози и мали грижи.

Шкорпија 24.10-22.11.

Љубов

Веројатно че дадете се од себе за да се разубавите ,а ќе забележите и дека лицата од спротивниот пол постојано ве одмеруваат. Оние во врска ќе се обидат да го освежат односот , додека осамените ќе излегуваат често и ќе заведуваат. Отворете се и ќе бидете успешни.

Кариера

Што е готово , завршило. Немојте веќе тоа да го анализирате. Оставете времето нека работи за вас , а вие сконцентрирајте се на она што сега почнува. Пред вас е нешто сосема ново и не многу дефинирано. Бидете отворени.

Здравје и совет

Не ги поместувајте границите по секоја цена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Хрват ја уби сопругата жена среде улица во Германија- ја нападнал со мачета

Во Келкхајм, Хесен, се случи страшен злостор кога 60-годишен Хрват ја убил својата 58-годишна сопруга, исто така хрватска државјанка, на улица.

Мажот бил уапсен по нападот, а претходно бил совладан и приведен од сведоци на настанот, пишува Focus.de, пренесе Индекс.

Истражниот судија на Општинскиот суд во Франкфурт ќе одлучи за притворот за 60-годишниот осомничен. Канцеларијата на државниот обвинител во Франкфурт потврди за FOCUS online дека станува збор за хрватски државјани кои се во брак од 1991 година.

„Во оваа рана фаза од истрагата, не можеме да дадеме дополнителни информации“, соопшти обвинителството.

Според информациите дадени од полицијата и обвинителството, маж ја убил својата сопруга синоќа на отворено, во близина на пазарот во Келкхајм. На убиството наводно му претходела расправија.

Злосторството се случило пред очите на многу минувачи, од кои некои успеале да го совладаат напаѓачот и да го држат додека не пристигнала полицијата. За време на тепачката, напаѓачот бил полесно повреден. Мотивот и позадината на злосторството се уште се нејасни, а истрагата е во полн ек.

Сведок: „Сè беше полно со крв, трчав да си го спасам животот“

Еден од очевидците, кој се претстави само како Петар, рече дека бил на само пет метри од местото на нападот. Според него, мажот, кој можеби бил пијан, ја прободел жртвата во вратот со мачета.

„Сè беше полно со крв. Трчав за да си го спасам животот“, рече тој. Додаде дека ја видел жената како трча во истата насока, но не го видел моментот кога паднала. Видел само еден убод, по што нападот бил „завршен“.

Владимир Миловац од Келкхајм, познаник на двојката, изјавил дека го познавал осомничениот долго време, а убиената жена неколку месеци. Раскажал како неговата сопруга изгледала многу исцрпена и стресирана, додека мажот понекогаш бил агресивен и ѝ се заканувал. Вели дека жали што не се вмешал.

„Кога слушнав утрово дека починала, бев многу тажен“, рече тој.

Една жена положила бела роза на местото на настанот. „Утрово прочитав што се случи и целосно ме погоди. Секогаш појадуваме тука“, им рече таа на новинарите, покажувајќи кон блиската пекара.

„Положив роза затоа што нема што друго да направам. Ужасно е кога нешто вакво се случува во вашиот град. За жал, се случува премногу често. Немам зборови“, рече таа.

Полиција и форензика на местото на злосторството

Во официјалните изјави, полицијата досега генерално се осврнуваше на „ладно оружје“, без да потврди дека станува збор за мачета. Нападнатата жена им подлегна на повредите на местото на настанот.

Портпаролот на полицијата рече дека областа била многу прометна во времето на нападот. „Таму има разни угостителски објекти, па затоа имало многу луѓе“, рече тој.

Кризни советници пристигнаа на местото на настанот и им пружија психолошка помош на сведоците. „Сведоците на таков настан се огромен психолошки товар“, додаде портпаролот.

Местото на злосторството беше обезбедено од голем број полицајци, а форензички експерти во бели заштитни одела го прегледаа теренот. Пожарникарите поставија осветлување доцна навечер за да ја олеснат истрагата.

Се поставува прашањето за фемицид

Полицијата и канцеларијата на државниот обвинител сè уште не коментирале дали ова кривично дело може да се класифицира како фемицид. Овој термин генерално се користи за убиства на жени извршени токму затоа што се жени, а најчестата форма е убиство извршено од партнер или поранешен партнер.

Посесивноста на мажите, презирот, сексуалната фрустрација, омразата кон жените и желбата за контрола и доминација се наведуваат како мотиви за убиства на жени врз основа на пол.

„Тие често се расправале, жената неколку пати се јавувала во полиција“

Билд, повикувајќи се на сопствени сознанија, пишува дека сопружниците честопати се расправале претходно и дека убиената жена наводно неколку пати се јавувала во полиција. Познаник на двојката му рекол на весникот дека мажот бил агресивен и дека луѓето околу нив се плашеле дека може да се случи нешто сериозно.

Полицијата и обвинителството сè уште не ги потврдиле тие обвинувања.

Тагови: мачета сопруга

Фудбал

Проклетството на „Златната топка“ продолжува! Дембеле без титула како Еузебио, Платини, Кројф, Меси, Роналдо ...

Проклетството на „Златната топка“ продолжува! Дембеле им се придружи на светските фудбалски великани добитници на највредното признание, како Еузебио, Платини, Кројф, Меси, двајцата Роналдовци...

Тоа е неславно друштво на великани кои, иако во тој момент биле актуелни освојувачи на „Златната топка“, сепак останале без светската титула.

Усман Дембеле нема да има можност да испише историја во светскиот фудбал!

Францускиот репрезентативец и актуелен освојувач на „Златната топка“ не успеа да се пласира во финалето на Светското првенство, откако Франција беше поразена од Шпанија во полуфиналето со резултат 0:2.

Со тоа продолжи она што многумина го нарекуваат „проклетството на Златната топка“. Ниту еден фудбалер кој ја освоил оваа најпрестижна индивидуална награда во годината пред Светското првенство, не успеал истовремено да го подигне и трофејот наменет за светскиот шампион.

Дембеле имаше идеална можност да ја прекине таа неверојатна низа, но неговиот сон згасна во полуфиналето. На тој начин, тој се приклучи на елитното, но неславно друштво на великани кои исто така останаа без светската титула иако во тој момент ја поседуваа „Златната топка“.

Истата судбина пред Дембеле ја доживеаја и легендите: Еузебио во 1966 и Мишел Платини во 1986 година, кои со своите репрезентации беа запрени во полуфиналето на Светското првенство.

Чекор подалеку, но без титула останаа и : Џани Ривера го загуби финалето со Италија во 1970 година, Јохан Кројф со Холандија во 1974, Карл-Хајнц Румениге со Западна Германија во 1982, а Роберто Баџо со Италија во 1994 година; додека Роналдо Назарио да Лима, една година откако ја освои „Златната топка“, го доживеа болниот пораз на Бразил од Франција во финалето на Светското првенство во 1998 година.

На листата на оние што не успеаја да ја прекинат оваа необична клетва се и Лионел Меси и Кристијано Роналдо.

Аргентина, предводена од Меси, беше елиминирана во четвртфиналето во 2010 година, додека Португалија со Роналдо во 2014 година испадна уште во групната фаза, а четири години подоцна го заврши натпреварувањето во осминафиналето.

Европа

Белгија ќе воведе вињети

Белгија ќе воведе вињети и за домашни и за странски возила од мај 2027 година, се согласија сите три белгиски региони.

Возачите ќе можат да купат дигитална вињета преку интернет или на бензински пумпи, а овој вид пропусница ќе биде поврзана со регистарската табличка.

Годишната такса за користење на белгиските автопати и регионални патишта ќе варира во зависност од видот на возилото. Најниската цена ќе биде за електрични автомобили, 90 евра годишно. Постарите бензински и дизел возила ќе треба да платат до 125 евра годишно.

Вињетите ќе бидат достапни и за пократки периоди, од еден ден до два месеци. Мотоциклите и автобусите ќе бидат меѓу возилата ослободени од шемата, се согласија регионите Фландрија, Валонија и Брисел.

Некои детали од планот сè уште не се утврдени, како на пример како ќе се регистрираат возилата за патарини и дали белгиските возачи ќе добијат даночни олеснувања за тоа. Белгија во моментов не наплаќа за користење на автопати.

Тагови: Белгија вињети