Неделен хороскоп за 2.-9. август 2021 година - Канал 5

Хороскоп

Неделен хороскоп за 2.-9. август 2021 година

Неделен хороскоп за периодото од понеделник, 2. - 9. август  2021 година. 

Неделен хороскоп за 2.-9. август 2021 година

Лав 23.7-22.8.

Љубов

Ведрина , позитивен дух , смисол за хумор – сето тоа ќе биде нагласено деновиве во вашиот приватен живот. Затоа не треба да се трудите премногу , туку само држете ги очите отворени и реагирајте како што треба. Се ќе си дојде на место само по себе , а вие ќе уживате.

Кариера

Се наоѓате во период кога некои работи дефинитивно треба да ги приведете до крај. Токму оваа недела е карактеристична по тоа. Ќе завршите некои проекти и ќе свртите нов лист. Кај некои тоа ќе биде малку порадикално . Не брзајте , туку првин направете проценка.

Здравје и совет

Уживајте , но не претерувајте.

Девица 23.8.-23.9.

Љубов

Поголемиот дел од слободното време ќе го минувате во сосема обични активности , уживајќи во нечија наклонетост. Без голема помпа ќе знаете да ги цените малите работи , а саканата личност ќе ви врати со иста мерка. Ќе бидете задоволни и без поголеми барања.

Кариера

Почнува фазата во која вашето знаење ќе се цени се повеќе. Бидете свесни за својата стручност и слободно презентирајте ги своите способности. Можно е повеќе луѓе да ве прашаат за совет или да ви понудат тесно специјализирана работа.

Здравје и совет

Уживајте во животот и во природата.

Вага 24.9.-23.10

Љубов

Вашиот копнеж ќе биде силен , а вие некако препуштени самите на себеси. Оние кои имаат добар пријател или пријателка , ќе се обидат да ги споделат своите фрустрации. Оние во врска ќе чувствуваат дистанца во односот , а некои ќе бидат во искушение за љубомора. Издржете.

Кариера

Вработените во услужните дејности ќе имаат многу работа , додека другите ќе бидат отворени за да им помогнат на колегите. Некои ќе се покажат како добри советници и своето знаење лесно ќе го применуваат во пракса. Малите недоразбирања во комуникациите ќе бидат минливи.

Здравје и совет

Повремени нервози и мали грижи.

Шкорпија 24.10-22.11.

Љубов

Веројатно ќе дадете се од себе за да се разубавите ,а ќе забележите и дека лицата од спротивниот пол постојано ве одмеруваат. Оние во врска ќе се обидат да го освежат односот , додека осамените ќе излегуваат често и ќе заведуваат. Отворете се и ќе бидете успешни.

Кариера

Што е готово , завршило. Немојте веќе тоа да го анализирате. Оставете времето нека работи за вас , а вие сконцентрирајте се на она што сега почнува. Пред вас е нешто сосема ново и не многу дефинирано. Бидете отворени.

Здравје и совет

Не ги поместувајте границите по секоја цена.

Стрелец 23.11.-21.12.

Љубов

Ќе се чувствувате како да не можете да се фатите за ништо што е сигурно. Во право сте, но размислете колку сте и самите одговорни за тоа. Партнерот ќе ви покаже како полесно да ги изразувате емоциите. Применете ги советите кои сметате дека се добри.

Кариера

Пред вас се нови предизвици , кои бараат паметен и обмислен пристап. Ќе треба и повеќе да соработувате со колегите , а неретко така да правите и прифаќате компромиси. Не сметајте дека тоа е лошо зашто повеќе очи подобро гледаат.

Здравје и совет

Најдете секој ден малку мир за себеси.

Јарец 22.12.-20.1.

Љубов

Ако сте во подолга врска , ќе имате потреба за повеќе дружење. На вашата најсакана личност тоа не мора да и се допадне , па потрудете се да ја понесете со себе или да и објасните дека имате потреба за друштвеност. Осамените лесно ќе наоѓаат друштво од спротивниот пол.

Кариера

Се повеќе ќе ви биде важно вашето знаење и стручноста во работењето.Многумина ќе добијат шанса за да ги покажат своите специфични таленти или нивната диплома ќе добие на тежина. Оние кои учат , ќе бидат успешни во полагање на испитите. Некои ќе контактираат странци.

Здравје и совет

Издржете како и секогаш. Ќе се исплатува.

Водолија 21.1.-19.2.

Љубов

Ќе ви изгледа како љубовта да е далеку од вас. Кај некои тоа ќе биде така и во реалноста , зашто саканата личност ќе биде во овој период отсутна. Копнежот ќе се засили, а со тоа и чувството за осаменост.Некои ќе најдат мир во активирање на фантазијата и на совите сништа.

Кариера

Ќе можете без никаков страв да се потпрете на своите претходни резултати. Некои тоа ќе го искористат за да отидат чекор понатаму , а ќе има и такви кои ќе живеат на старата слава колку што можат подолго. Главно , немојте да се успиете , работата напредува ,а со тоа и вие.

Здравје и совет

Обезбедете си повеќе време за сон.

Риби 20.2.- 20.3.

Љубов

Преокупираноста со другата страна ќе биде голема , а вие подготвени да се борите до крај за врската да успее. Оние во стабилна врска , ќе го обноват својот еротски живот на најдобар можен начин. Они , пак , кои бараат сродна душа ќе бидат упорни и ќе одат до крај со додворувањата.

Кариера

Работите се интензивираат , а се што работите добива претприемнички карактер. Многумина овие денови сериозно ќе се фатат за работа или од нив ќе се бара поголем ангажман на работното место. Оние кои бараат работа, исто така ќе бидат активни.

Здравје и совет

Не го занемарувајте редовниот сон.

Овен 21.3-20.4.

Љубов

Ќе имате робар ветар во грбот , кога станува збор за љубовните прашања. Ќе ви се отвораат многу полесно вратите , ќе бидете повикувани на интересни забави и на уште поинтересни места. Доколку сте сами , прифатете ги поканете и измешајте се со луѓето. Тие ве очекуваат.

Кариера

За да го поправите она што го работите , морате да се отворите и повеќе да соработувате со колегите. Ставот дека сте незаменливи и единствени не е добар , а особено ако тоа го мислите за себеси. Поработете на сопствената анализа и се ќе ви биде појасно и полесно.

Здравје и совет

Одете на јога или на медитација за да се опуштите.

Бик 21.4- 20.5.

Љубов

Веројатно ќе се чувствувате осамено , освен ако тоа не е вашиот избор. Оние кои се во врска ќе минуваат низ период на заситеност , кога ќе им биде потребна голема трезвеност за да издражат. Тоа нема да трае уште долго , затоа поминете низ него.

Кариера

Некои ваши соработници отворено ќе ви ја покажуваат својата наклонетост , додека други на ист начин ќе ви покажуваат дека не ве сакаат. Прифатете ги на мирен начин и едните и другите. Барем ќе знаете со кого имате работа. Држете се до зацртаните правила.

Здравје и совет

По прошетките на свеж воздух, добро наспијте се.

Близнаци 21.5.-21.6.

Љубов

Доколку и натаму барате сродна душа, обрнете внимание на личностите од вашето работно место. Некој веројатно сака да биде со вас и чека тоа да го забележите . Доколку сте во врска , вашиот однос ќе биде стабилен , а двете страни задоволни и мирни.

Кариера

Можеби ќе ви се чини дека ве притискаат од сите страни , но всушност се работи за предизвиците на кои ќе треба да одговорите за да дојдете до подобри деловни резултати. Пред вас е мала борба во мкоја треба да покажете дека сте борец.

Здравје и совет

Внимавајте на пречувствителноста на промената на температурата.

Рак 22.6-22.7.

Љубов

Со трпение и толеранција би можеле да го подобрите односот со саканата личност. Никаква расправија , а особено некоја мотивирана од љубомора нема да донесе резултати. Време е да играте со затворени карти , па бидете воздржани.

Кариера

Соработката со угледни и влијателни луѓе полека ќе избива во прв план. Вие ќе бидете тркалото , важно во целата постапка. Затоа немојте да бидете прескромни , туку дозволете си да ги изразите и своите амбиции. Одредете ја својата позиција , а уште повеќе шансата.

Здравје и совет

Не претерувајте со храна и пијалоци. Движете се повеќе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Жената, која изгуби 77 килограми, сега се натпреварува за Мис на САД: Ова е мојот сон (ФОТО)

Амбер Улер (41) од Мичиген денес се натпреварува на изборот за Мис на САД, а веќе влезе во историјата како најстара учесничка на тој избор. 

Жената, која изгуби 77 килограми, сега се натпреварува за Мис на САД: Ова е мојот сон (ФОТО)

Но, нејзиното патување до гламурозната сцена не започна со круна и фустани, туку со тешка одлука да го промени сопствениот живот.

Пред пет години, Амбер, мајка на три деца, тежеше 136 килограми. По лекарскиот преглед што целосно ја шокираше, таа одлучи дека повеќе не сака да продолжи по истиот пат. Потоа докторот ѝ кажа дека е патолошки дебела, дека има предијабетес и дека е во опасност од прерана смрт.

„Веројатно нема да доживеете да ги видите вашите деца како дипломираат“, се присети Амбер во разговорот со „Пипл“.

Овие зборови беа предупредување што требаше да го слуша долго време. Но, дополнителен поттик дојде само неколку дена подоцна, за време на семејно патување во парк со трамболини.

Моментот што ѝ го промени животот

Потоа Амбер си играше со децата и скокна во базенот исполнет со пена. Проблемот се појави кога повеќе не можеше да излезе.

„Се заглавив и никој не можеше да ме извлече“, рекла таа. „Три силни мажи се обидоа да ме извлечат формирајќи човечки синџир, но не можеа. Мислеа дека ќе мора да ја повикаат противпожарната служба. Никогаш во животот не сум се чувствувала толку засрамено.“

Тој момент беше пресвртница. Сфати колку вишок килограми го ограничуваат нејзиниот секојдневен живот. „Тогаш сфатив дека е исклучително тешко да се биде толку загрозен. Живеев само половина од мојот живот“, рекла таа. „Не можев ни да се качувам по скалите во сопствената куќа.“

Во тој момент, таа одлучи да ги промени своите навики. Нејзината цел не беше веднаш да изгуби десетици килограми, туку повторно да се чувствува здраво и во форма. „Знаев дека губењето на тежината ќе биде тешко, но исто толку е тешко да се продолжи да се живее со таа тежина“, објаснила таа.

Исто така, додала еден голем сон на својот план - еден ден да застане на сцената на натпревар за убавина.

Од 136 килограми до круната

Амбер вели дека губењето на 77 килограми на почетокот изгледало речиси невозможно. „Мислам дека во тоа време би се чувствувало како да се искачувам на Монт Еверест. Затоа решив едноставно да се посветам на здравјето“, рече таа.

Во текот на три и пол години, таа ја промени исхраната, почна редовно да вежба и постепено изгради нов начин на живот. Не само што ослабе, туку го врати и чувството за слобода и самодоверба.

Својот прв голем успех го постигна во 2024 година кога ја освои титулата „Госпоѓа Флорида Универзум“. После тоа, ја претставуваше Флорида на „Госпоѓа Универзум САД“, каде што и победи.

Сепак, нејзиниот најголем сон отсекогаш била Мис САД. Ја привлекувала сцената, телевизиското емитување и целиот свет што го следи тој избор.

Најстарата натпреварувачка во историјата

Во јули, по отворен кастинг, таа беше избрана за Мис Мичиген САД 2026, обезбедувајќи го своето место на 75-от избор за Мис САД. „Знам, луда сум“, се пошегува Амбер. „Се пријавив доброволно да застанам пред камерите во бикини откако ослабев 77 килограми.“

Сепак, таа нагласува дека нејзината цел не била да докаже дека и жените со нејзиното минато можат да бидат убави. Најважно било да ѝ покаже дека животот може да се промени на која било возраст. „Се чувствував како да живеам само половина од мојот живот“, рекла таа за периодот пред трансформацијата.

Во Мајами, каде што се одржува изборот, Амбер открила дека подготовките ѝ дале поголема самодоверба отколку што очекувала. Како најстара натпреварувачка, се плашела дека ќе се чувствува поинаку меѓу помладите кандидатки, но тврди дека била пречекана со голема поддршка.

„Мислев дека ќе дојдам да ги видам сите овие девојки во нивните дваесетти години и ќе се чувствувам несигурно, но сите беа толку поддржувачки“, рекла таа.

Додала дека дури и најмладите натпреварувачки ја поддржуваат. „Дури и девојките од категоријата „тинејџерки“ се мои најголеми обожаватели. Тие навиваат за мене и ме бодрат“, рекла таа.

Таа верува дека би можела да стане најстарата Мис САД во историјата, како и првата мајка што ја освоила таа титула. „Чувствувам дека можам да срушам многу бариери“, рекла таа.

За неа, ова е многу повеќе од натпревар за убавина

Амбер верува дека денешните натпревари за убавина повеќе не се базираат само на физичкиот изглед. „Ова е многу повеќе од изглед, бидејќи кога ќе се сведете на 51 финалистка, сите девојки се убави“, рече таа. „Прашањето е, што друго носите со себе?“

Денес, тој ја гледа својата возраст како предност, а не како пречка. Таа верува дека искуството ѝ дава нешто што помладите натпреварувачки можеби сè уште го немаат. „Имам мудрост, зрелост и знам што бара оваа работа“, рече таа.

Амбер вели дека сака да остане дел од светот на изборите за убавина дури и по натпреварот. „Се гледам себеси како се враќам како придружничка или помошничка и учествувам во ова секоја година до стогодишнината. Ќе продолжам да доаѓам“, рече таа.

За неа, доаѓањето на сцената на Мис САД е остварување на сон што некогаш изгледаше целосно недостижен. „Отсекогаш сонував за овој натпревар, а фактот дека успеав е вистинска моја приказна за Пепелашка.“

Тагови: Мис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

За само 4 минути од музеј во Шпанија е украдена златна колекција накит, стар 3.000 години

Во четириминутен грабеж извршен рано наутро, „Богатството на Вилена“, една од најважните колекции на артефакти од бронзеното време во Европа, беше украдена од музеј во шпанскиот град Вилена. 

За само 4 минути од музеј во Шпанија е украдена златна колекција накит, стар 3.000 години

Службениците потврдија дека се украдени повеќе од 50 предмети, претежно злато, објавува „Гардијан“.

„Алармот во музејот се вклучи околу 5:20 часот наутро“, изјави портпаролот на градот, додавајќи дека крадците веќе ја напуштиле зградата до 5:24 часот наутро. Тој ја опиша операцијата како „исклучително брза и професионална“. Според Мануел Пинеда, заменик-претставник на шпанската влада во Аликанте, крадците пристигнале со неколку возила и веројатно влегле во музејот низ прозорец.

Портпаролот на Вилена изјави дека сите безбедносни системи биле активирани и дека музејот не направил никакви грешки. Властите сега истражуваат дали алармот, кој се вклучил во спортскиот центар на градот непосредно пред грабежот, бил диверзија организирана од крадците.

„Целосно сме уништени, дури и се тресам“

Градоначалникот на Вилена, Фулгенсио Сердан, беше видливо потресен. „Го зедоа поголемиот дел од богатството“, им рече тој на новинарите. „Целосно сме уништени, дури и се тресам. Ова нè уништува во Вилена. Тоа е дел од нашето наследство, нашето богатство“, додаде тој.

Украдената колекција, која се чуваше во градскиот археолошки музеј, се состои од 29 нараквици, 11 чинии, три шишиња и други предмети. Тие се изработени претежно од злато, но колекцијата содржи и парчиња сребро, железо и килибар. Сите предмети датираат од приближно 1000 година п.н.е.

Богатството е пронајдено во 1963 година од археологот Хозе Марија Солер, закопано во сад во исушено речно корито. Иако историската вредност на колекцијата е непроценлива, само златото, според проценката на градоначалникот, вреди околу 1,7 милиони евра.

Кражби на уметнички дела низ Европа

Кражбата во Вилена е најновата во низата грабежи што ги погодија европските културни институции. Минатиот октомври, накит вреден 88 милиони евра беше украден од Лувр во Париз насред бел ден, а крадците избегаа за помалку од осум минути.

Италијанското Министерство за култура минатата недела објави дека четири дела на ренесансниот уметник Антонело да Месина со „исклучителна вредност“ се украдени од музеј на Сицилија. Два дена пред тоа, италијанската полиција објави дека пронашла слики од Реноар, Сезан и Матис, вредни повеќе од 10,4 милиони долари. Сликите беа украдени од музејот на Фондацијата Мањани-Рока во близина на Парма.

Тагови: музеј накит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американец ќе биде егзекутиран- убил две агентки за недвижности

Властите во Џорџија, југоисточна американска држава, за 16 септември ја закажаа егзекуцијата на Стејси Хамфрис, осуден за убиство на две агентки за недвижности пред повеќе од 20 години.

Американец ќе биде егзекутиран- убил две агентки за недвижности

Хамфрис, 53, ќе биде егзекутиран со смртоносна инјекција во државен затвор за убиствата на Синди Вилијамс, 33, и Лори Браун, 21, во предградието на Атланта.

Ова ќе биде првата егзекуција во Џорџија оваа година, објавува АП њуз. Државата долго време имаше мораториум на егзекуции поради правни спорови околу договорот за признавање на вина склучен за време на пандемијата на коронавирус. Одбраната тврдеше дека договорот привремено ги штител затворениците осудени на смрт од егзекуција. Последната егзекуција во Џорџија беше во март 2024 година.

Тој им ги зел парите, а потоа ги убил

Егзекуцијата на Хамфрис првично беше закажана за декември минатата година, но беше одложена. Неговите адвокати побараа двајца членови на државниот Одбор за помилување и условна слобода да бидат отстранети од рочиштето за помилување, тврдејќи дека тие имале конфликт на интереси бидејќи биле професионално вклучени во неговото судење.

Судијата Роберт Мекберни привремено ја одложи егзекуцијата додека ги разгледуваше нивните приговори. Адвокатите на Хамфрис поднесоа жалба до Врховниот суд на Џорџија, кој одби да го разгледа случајот. Жалбата потоа беше испратена до Врховниот суд на САД, кој сè уште одлучува за случајот.

Убиствата се случија околу пладне на 3 ноември 2003 година, во Паудер Спрингс, околу 20 милји од Атланта, главниот град на Џорџија во југоисточниот дел на САД. Хамфрис наводно влегол во продажната канцеларија каде што работеле агентките Вилијамс и Браун. Доказите презентирани на судењето покажаа дека тој ги принудил да се соблечат и да му ги дадат ПИН-овите од нивните банкарски картички, пред да ги убие.

Според судските записи, Хамфрис ги зел возачките дозволи и картичките на жените и подигнал повеќе од 3.000 долари од нивните сметки. По апсењето, тој им рекол на полицајците дека е задолжен од неколку брзи кредити со висока камата и дека му се потребни парите за да отплати пикап. Во времето на злосторството, тој бил условно ослободен за тешка кражба во 1993 година, а бил ослободен од затвор 13 месеци претходно.

Тагови: егзекутиран агентки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер