Хороскоп

Неделен хороскоп за 10.-17. февруари 2025 година

Неделен хороскоп за периодот од понеделник, 10.-17. февруари 2025 година. 

Неделен хороскоп за 10.-17. февруари 2025 година

Водолија 21.1.-19.2.

Љубов

Каде и да одите , забележувате дека луѓето пријателски ве гледаат. Ќе им бидете интересни и привлечни на другите , па овие се денови кога лесно ќе си најдете друштво. Ако се уште сте сами , нес едете дома. Оние во врска ќе бидат скромни во очекувањата , но затоа и задоволни.

Кариера

Повеќето наредни денови со најголемо задоволство ќе бидете мрзеливи. Некои дури и ќе земат дел од годишниот одмор.Оние кои ќе работат , ќе настојуваат што побргу да се изгубат од работното место. Надредените и нивната контрола тешко ќе им паѓаат , но ќе издржат со помош на својата смисла за хумор.

Здравје и совет

Би сакале да истражувате непознати места .

Риби 20.2.- 20.3.

Љубов

Веројатно ќе организирате интерсни забави. Оние кои уште бараат сродна душа , таму би можеле да наудат на љубов , додека опние кои се во врска секој ден ќе откриваат колку се значајни малите задоволства. Сепак , не реагирајте на ретките критики од саканата личност.

Кариера

Ќе имате потреба да финиширате со некои работи , така што дистанцирајте се малку од напорната работа , иако новите задачи ќе ве престигнуваат.Дајте се од себе за да работите предано и квалитетно.

Здравје и совет

Човек на човека е лек.

Овен 21.3-20.4.

Љубов

Заедно со саканата личност ќе минете низ интересно искуство во кое и двете страни ќе откриете нешто ново.Ќе утврдите дека не само што се сакате , туку и споделувате многу заеднички работи. И осамените ќе бидат подготвени за нови искуства.

Кариера

Вработените во самостојни професии веројатно ќе мора да работат прекувремено. И другите напорно ќе работат , така што ќе немаат време за размислување , ниту за анализирање на сопствената позиција.

Здравје и совет

Не заборавајте на редовниот одмор и сон.

Бик 21.4- 20.5.

Љубов

Многумина ќе му се предадат на брборењето и ќе уживаат во озборување.Нема да им падне на памет дека и тие се предмет на нечие озборување. Затоа , подобро е да зачистат во сопствениот двор , а дури потоа да го анализираат односот на другите. Размислете.

Кариера

Кога ќе ви се пристори дека не можете подобро, вие сте тие кој ги уверува сите дека тоа е возможно. Овие денови тоа ќе го покажете и докажете. Држете се до она што сте го замислиле и спроведете го во дело без измени. Вашите идеи се одлични.

Здравје и совет

Можете да поместувате планини.

Близнаци 21.5.-21.6.

Љубов

Малку ќе се олабавите на опуштен начин ќе заведувате и ќе уживате. Саканата личност со задоволство ќе зборува со вас , а тоа уште повеќе ќе ве зближи.Оние кои се уште сами, лесно ќе наоѓаат друштво , иако ќе има и расправии.

Кариера

Пред вас сега се отвораат нови можности и само од вас зависи како ќе ги искористите. Гледајте позитивно , најдете во себе трпение и сила . Имате доволно голема самодоверба и се чини како целиот свет да е ваш.

Здравје и совет

Занимавајте се со јога и медитација.

Рак 22.6-22.7.

Љубов

Ако и натаму барате сродна душа , обрнете внимание на личностите со кои соработувате. Некому веројатно се допаѓате и едвај чека тоа да го забележите. Ако сте во врска , вашиот однос ќе биде стабилен, но со одредени компромиси. Прифатете ги.

Кариера

Повремено ќе ви снемува сила и мотивираност за да го спроведете она што го сакате. Затоа потсетете се што самите вие можете. Можно е малку да ви помогнат и луѓе кои се влијателни , но само за нивна рекреација.

Здравје и совет

Никаде не брзајте.

Лав 23.7-22.8.

Љубов

Ако сте во подолга врска , ќе имате потреба за повеќе движење. На вашата сакана личност тоа нема многу да и се допадне , па обидете се да ја носите со вас или да и ја објасните вашата потреба за друштво.Самците лесно ќе наоѓаат друштво од спротивниот пол.

Кариера

Наредните денови се повеќе ќе се цени вашето знаење. Бидете свесни за својата стручност и слободно презентирајте ги своите способности. Можно е повеќе луѓе да ве прашуцваат за совет или пак ќе ви биде понудена работа со потесна специјалност.

Здравје и совет

Ако треба да се борите, иозборете се и не се плашите.

Девица 23.8.-23.9.

Љубов

Сега веќе знаете како да попуштите и да прифаќате компромиси. Од таму и вашата врска ќе се развива кон добро. Ќе бидете пријатно изненадени кога ќе попуштите. Ќе видите дека не треба секогаш да терате по свое. Многумина дури сегаќе покажат што навистина чувствуваат.

Кариера

Што помина , помина. Немојте тоа да го анализирате. Пуштете времето нека работи за вас , а вие концентрирајте се на она што сега почнува. Пред вас е нешто сосема ново и не сосема дефинирано. Бидете отворени кон тоа.

Здравје и совет

Не ги поместувајте границите по секоја цена .

Вага 24.9.-23.10

Љубов

Повремено ќе ви се чини дека работите се одвиваат далеку пополека отколку што би сакале. Вашата страст деновиве е разбудена и бара повеќе љубовна акција.Сепак , ќе мора да се усогласите со другата страна.Ќе успеете со мало трпение.

Кариера

Се друго ќе ви биде поважно отколку знаењето и стручноста при работењето. Многумина ќе добијат можност да ги покажат своите специфични таленти , или нивната диплома ќе добие на тежина.Оние кои учат , ќе бидат успешни во полагањето на испитите. Некои ќе контактираат странци.

Здравје и совет

Не ги напуштајте новите идеи.

Шкорпија 24.10-22.11.

Љубов

Во текот на неделата ќе се појават шанси за поквалитетен личен живот.Веројатно тоа ќе се покаже преку покани за забави или заеднички собирања , кои вие со задоволство ќе ги прифатите. Од таму ќе излезат и шанси за нови познанства. И на оние во врска ќе им биде подобро.

Кариера

Работите се интензивираат , а се што правите добива претприемнички карактер. Многумина деновиве повеќе ќе се поместат или ќе се бара од нив поголем ангажман на работното место. Иние кои бараат работа, исто така ќе бидат многу активни.

Здравје и совет

Не го потценувајте здравиот и мирен сон.

Стрелец 23.11.-21.12.

Љубов

Повеќето ќе се држат до својот скриен свет и сништа. Оние кои се сами ќе сонуваат со отворени очи , а во реалноста нема многу да се ангажираат. Тие што се во врска ќе уживаат во друштво на саканата личност , како на пример во гледање љубовен филм.

Кариера

Силата и убедливоста со која ќе зрачите ќе ви овозможи да влијаете на другите.Ако треба да придобиете некого , многу е веројатно дека ќе успеете и тоа над очекувањата.Покажете што знаете и не запирајте се додека ја постигнете целта.

Здравје и совет

Некои сепак ќе бидат премногу сигурни во себе.

Јарец 22.12.-20.1.

Љубов

Богатството на излегувањето и широкиот круг луѓе , што уште се проширува , ќе ви ги направат овие денови многу динамични. Ретки се оние кои ќе бидат сами , а главно околу вас ќе има сакани лица. Ќе бидете исполнети , сакани , забавни и весели.

Кариера

На дневен ред доаѓаат недовршените работи од минатото. Некои од нив кај вас ќе предизвикаат емоции , па ќе ги сработувате со носталгија или со лутина. Ќе се чувствувате неодредено и нема да ви биде јасно на што сте.

Здравје и совет

Немојте да пиете студени напитоци.

Македонија

Јован Јанев ја напушта Левица: Врз гробовите на нашите блиски градите кариери

Истакнатиот член на Левица, Јован Јанев објави дека ја напушта партијата, откако во јавноста се појави видео во кое сопартијците, заедно со српски обучувач, дискутираат како да ја искористат трагедијата во Кочани за организирање пленуми и активности. 

Јован Јанев ја напушта Левица: Врз гробовите на нашите блиски градите кариери

Јанев го изрази својот револт кон односот на партијата и остро ги осуди обидите за политичка експлоатација на трагедијата.

„Драги мои, оваа недела беше најтешка за сите нас, особено за нас од истокот. Сакав да ги испочитувам деновите на жалост и овие работи да ги коментирам подоцна.

Официјално, сакам со вас да споделам дека ЈА НАПУШТАМ ЛЕВИЦА.

Знаете дека политички веке не сум активен повеќе од пола година, иако има многу интерни причини, ова ги надмина сите граници.

“Мораме да ја искористиме ситуацијата максимално”

“Најтешко е да си УМС” и така натаму…

Драги “левичари”, пред да почнете да правите планови како да ме “бришете од земјата” - како што би рекол еден од поглаварите, сакам да ви кажам дека доаѓам од Штип - истокот.

Имам дома сестра, таа изгуби свој близок, изгуби сакан, секој ден плакаме по него.

Имам другар кој се бори за живот, со кој од деца растевме и имаме милиони спомени.

Имам сокласници и другари од Кочани (Кој од УМС, СДММ, Црвена итд) закопаа роднини и другари.

Иста ни е болката.

А Што разбирате вие?

Нашиот левичарски дух треба да е соживот со народот, наместо тоа вие користете прилики како да добиете публицитет, седејки во вашите удобни столчиња во Скопје и не знам каде друго, немате грам чувство за тоа како НИЕ овде патиме и се чувствуваме. Играте пинг понг со изјави и обвинувања, се имате освен емпатија.

“Максимализирате” СМРТ НА ДЕЦА!?

Немате “гајле”, немате поврзаност со нас ниту сакате да имате. Врз гробовите на нашите блиски градите кариери.. не ви го дозволувам тоа. Многу лесно зборите кога нема некој “ваш” таму.

И знам дека сега вашите “другари” ќе ме наречат “клиентелист”, “опортунист”, “џган”, но цела нација и партија знае кој сум, што сум и што се имам направено. Знаат за притворите кои сум ги лежел, протестите кои сум ги водел и говорите кои сум ги држел - жртвата која ја давав за сите.

Да, се сум што ќе кажете, се сум што ќе посакате НО за разлика од добар дел од вас сум ЧОВЕК.

Во ваша комунистичка мода, знаете како вели Сталин:

“Еден мртов е трагедија, милион се статистика”

Па така, моите браќа и сестри кои загинаа излезе дека за вас се обична статистика која ќе се рекалкулира и ќе се реконвертира во гласови.

После ова, линчувајте ме како сакате, не ме интересира, не ме интересираат ставовите на вашите “колеги” за мене, се грижам како само ближните да си ги смирам.

“Ако чувствуваш болка - жив си, Ако чувствуваш туѓа болка - човек си” штета голем дел од вас веќе не сте луѓе - голем дел од вас станавте пУлитиканти.

Се гледаме во “рингот” кога ќе дојде време.

Во Левица, има толку квалитетни кадри, луѓе кои до смрт ги сакам, морално, сакам да се тргнам од таму. Оваа објава не ги карактеризира сите членови таму.

Народе мој, чувајте се и сакајте се, сега мора да сме силни, а другите.. ќе дојде суден ден - за сите!

Другари, нашата идеологија за која се боревме таму не беше ваква…

П.с Големите партии не сакам да го користат статусов за препукување и да ја правиме ситуацијата полоша. Одамна ни ја дадовте мизеријата.“, објави Јанев на ФБ.

Во Кочани загинаа 59 луѓе во пожар во дискотека. Македонија поради трагедијата прогласи седумдневна жалост.

Македонија

Мигранти под закана со оружје биле држани во подрум во Студеничани

Вистинска драма се случи попладнево во скопско Студеничани. Мигранти биле држани во подрумски простории во Студеничани од страна на криминална група со закани со оружје, дознава Нетпресс од свои извори.

Мигранти под закана со оружје биле држани во подрум во Студеничани

Мигрантите преку електронска порака на eмаjл побарале помош од ОЈО, бидејќи биле држани во подрумски простории од страна на криминална група со закани со оружје.

Полицијата веднаш реагирала и испратила екипи од ЕИП при СВР Скопје и САЕ Тигар од ОСПО. Направен е преглед на двата посочени објекти и при преглед на вториот објект во подрумот на куќата се пронајдени 6 мигранти, а се приведени седум македонски државјани кои во моментот биле во објектот, за кои дополнително ќе се врши проверка за нивната инволвираност во криминалните активности.

Од страна на службите се преземаат мерки за целосно расчистување на случајот.

Здравје

Бебе проголтало магнети, ја спасиле по тешка операција- мајката почна кампања во Британија

Едногодишната Араи Ватли за малку ќе умрела откако проголтала шест магнетни топчиња со кои си играла нејзината сестра Ајла (9).

Бебе проголтало магнети, ја спасиле по тешка операција- мајката почна кампања во Британија

Детето во семејниот автомобил пронашло метални топчиња и ги ставило во уста, без воопшто да знае за тоа нејзината мајка Хана (29), пренесува Метро.

„Срцето ми е скршено“

Неколку дена подоцна Хана се загрижила кога Араи почнала да повраќа, па ја однела во општата болница Нортхемптон во Англија. Детето во меѓувреме почнало да се гуши и итно ѝ била укажана помош.

Лекарите откриле метални топчиња, поврзани во стомакот и немало друг избор освен да организираат операција.

"Бев апсолутно преплашена. Следното утро ја однесоа во болницата во Лестер и беше оперирана. ѝ извадија шест магнети од стомакот. Срцето ми е скршено и се чувствувам виновна бидејќи не знаев што се случи", рекла мајката.

Мајката води кампања

Лекарите рекоа дека Араи имала среќа, бидејќи магнетите ѝ ги блокирале цревата и биле принудени да ѝ отстранат дел од мочниот меур и цревата за време на седумчасовна хируршка интервенција.

„Од болката не јадеше многу, па беше наредена интравенска парентерална исхрана“, вели Хана.

Очајна мајка води кампања за забрана на продажба на метални топчиња, или магнети, кои нејзиното дете ги проголтало.

"Не сакам другите родители да поминат низ ова. Тоа е најлошиот кошмар. Овие работи треба да се забранат сега, пред детето да биде хоспитализирано. Не сфаќате каква штета можат да направат", рекла Хана.

притисни ентер