Хороскоп

Неделен хороскоп од 6.5. до 13.5.2019 година

Неделен хороскоп од понеделник 6 .мај до понеделник 13. мај 2019 година.

Бик 21.4- 20.5.

Љубов

Созреана ви е идејата како да забавувате и заведете една личност која ја посакувате , па ќе се потрудите тоа и да го направите. Веројатно ќе успеете , но под услов да прифатите и по некој компромис и да не скокате на секоја провокација.

Кариера

Ништо не е случајно , па ни тоа дека токму на вас ви се случуваат некои работи што ве збунуваат. Сепак , не е толку лошо зашто конечно ги земате работите во свои раце. Тоа ќе оди постепено. Затоа не брзајте, туку одете чекор по чекор.

Здравје и совет

Подоцна се ќе си дојде на свое место.

Близнаци 21.5.-21.6.

Љубов

Ведрина , позитивен дух , шарм и уживање во малите работи- тоа ќе го обележи деновиве вашиот приватен живот. Затоа не се грижете за ситни работи , не се толку важни.Подобро уживајте во она што го имате . Некои ќе сонуваат со отворени очи.

Кариера

Ќе има премногу желби и премалку шанси за нивно остварување . Вашите амбиции не се мали , но ситуацијата ќе налага задолжителна соработка со други. Време е за добро планирање на следните потези , а за реализација може и да почекате.

Здравје и совет

Немојте да бидете нетрпеливи.

Рак 22.6-22.7.

Љубов

Веројатно ќе се чувствувате малку осамени или ќе фантазирате. Смирете се и повлечете се во тишина и медитација. Немојте да очекувате многу повеќе од она што сега го имате.

Кариера

Ситуации , луѓе и настани – сето тоа ќе ве наведе на потребата да поработите на вашиот професионален развој и стручно усовршување. Не сте перфекционист по природа , но ќе ги барате сите информации што ќе ве доведат кон тоа.

Здравје и совет

Вистината прифатете ја во целост.

Лав 23.7- 22.8.

Љубов

Се повеќе ќе се занимавате со вашиот приватен живот и ќе копнеете по љубов.Мали недоразбирања или грешки во чекори ќе бидат од минлив карактер. Поголемиот дел сепак ќе ви оди од рака , па потурдете се да излезете во друштво ако сте сами.

Кариера

Оние кои бараат работа би можеле да бидат повикани на разговор што ветува. Не е исклучено и да добијат работа. Оние кои веќе работат ќе бидат настроени да ги покажуваат емоциите на работното место и ќе уживаат во работата.

Здравје и совет

Побарајте хоби поврзано со луѓе.

Девица 23.8.-23.9.

Љубов

Ќе станете подруштвени , зашто така ќе ве наведат околностите.Сепак вашето срце веројатно нема да биде исполнето. Многумина заедно ќе излегуваат во поголеми групи и нема да седат сами. Добрата забава е загарантирана , но не и многу повеќе.

Кариера

Атмосферата на работното место ќе биде добра . И покрај повремениот замор , полесно ќе работите. И односите со колегите ќе се подобрат. Малите пропусти во изразувањето ќе ги надоместите со љубезност и сериозна работа.

Здравје и совет

Добро е да почнете со индивидуален спорт.

Вага 24.9.-23.10

Љубов

Ако сте уште сами и барате љубов , веројатно ќе фантазирате. Ова се денови кога повеќето ќе пребарувате по далечни љубовни сеќавања или ќе читате меѓу редови гледајќи ја саканата личност. Нема да биде здодевно , ниту сензационално.

Кариера

Што и да се случи на работното место , вие ќе бидете главен координатор на работите или дипломагт кој сос својата вештина на комуницирање ќе ги насочи работите на вистинското место. Вашите потези ќе добијат на значење , па внимавајте што работите.

Здравје и совет

Би било добро да одите во природа за да ги наполните батериите.

Шкорпија 24.10-22.11.

Љубов

Вашата потреба да бидете заштитени ќе биде се посилна , а со тоа оди и живот во тишина. Барем кога станува збор за љубовта. Веќе нема да ви бидат важни атракции , туку ќе почнете да уживате во мали и нормални состојби. Тоа е зрелост, било за партнерите , било за личноста засебно.

Кариера

Она за што се борите е исправно , но треба подобро да соработувате со другите.Барем сега. некои ќе се обидуваат да ја усовршат својата стручност. Оние кои учат секако се во добивка.

Здравје и совет

Ќе правите планови за далечни патувања.

Стрелец 23.11.-21.12.

Љубов

Пред вас се добри љубовни денови. Доколку имало некаква пречка меѓу вас и партнерот , сега и двајцата ќе се отворите и ќе јадете заеднички јазик. Ќе има уште непримерено однесување , но занемарливо.

Кариера

Веројатни се нови задачи од стана на вашите надредени .Дури сега ќе видите дека и тие можеле да бидат и тоа како амбициозни. Ќе испливаат и резултати од една ваша претходна работа , што ќе ви го подигне личниот рејтинг на работата.

Здравје и совет

Бидете јасни за сите.

Јарец 22.12.-20.1.

Љубов

Некои конечно ќе успеат да го отворат своето срце и да се ослободат од пречките или фрустрациите што ги кочеле. Тоа ќе биде гиолем чекор напред во вашите лични односи. Другата страна ќе ве поддржи и сака. Самците ќе ја бараат љубовта преку размена на идеи.

Кариера

Се повеќе ќе соработувате со млади и ќе воведувате млади лица во работењето. Тоа ќе ви донесе освежување и радост. Исто така ќе се зголеми кореспонденцијата ,а боројот на меилови ќе биде завиден.

Здравје и совет

Мали нервози и грижи.

Водолија 21.1.-19.2.

Љубов

Ќе играте на карта на наивност , ноншалантност и шарм. Тоа најдобро ќе ви оди во личниот живот . Ако се обидете малку посериозно да разговарате со другата страна , ќе наидете на сопствениот хаос .Или обратно. Затоа молчете и едноставно сакајте.

Кариера

Некои веројатно ќе имаат посебни таленти , но во сударот со реалноста ќе видат дека навистина ги немаат. Од таму ќе се смеете сами на себеси или ќе издржите некоја критика. Набргу ќе продолжите понатаму со зрели размислувања.

Здравје и совет

Не бидете материјалисти.Духот е главниот двигател.

Риби 20.2.- 20.3.

Љубов

Ќе бидете активни во создавањето контакти, па ако уште сте сами,ќе најдете некого.Барем за пријатно познанство.Младите добро ќе се забавуваат , но без љубовни намери.Сите ќе трпат провокации и критики од другата страна.

Кариера

Ќе сонувате поквалитетна работа и поголеми права .Тоа е можно , но најпрвин треба да си ја одработите редовната работа.Соработката ќе биде клучна за вашиот успех. Слушајте ги другите , бидете кооперативни , па и тие ќе ве поддржат.

Здравје и совет

Занемарете ги малите грижи и нервози.

Овен 21.3-20.4.

Љубов

Можно е да ви недостигаат предизвици во приватниот живот . Привлечноста што ја очекувате ќе изостане , па затоа немојте да создавате вештачки ситуации.Така влегувате во светот на илузии.Прифатете го ова како минливо затишје и уживајте во малите радости.

Кариера

Пред вас се денови кога ќе имате најверојатно можност да покажете колку сте љубезни и истрајни во работата.Тоа ќе биде добредојден предизвик што веднаш ќе го прифатите. Многумина дури сега ќе увидат дека имаат и некои други таленти.

Здравје и совет

Смирете ја својата потреба за акција по секоја цена.

Свет

Експлозии во Иран, американски медиуми јавуваат за израелски напади

Иранските државни медиуми утрово објавија за експлозии во центарот на Исфахан додека американските медиуми цитираа официјални лица кои тврдат дека Израел извршил одмазднички напади врз својот главен ривал.

Системите за ПВО над неколку ирански градови беа активирани, објавија државните медиуми, откако државната телевизија соопшти дека експлозии се слушнале во близина на централниот град Исфахан.

Израел претходно предупреди дека ќе возврати откако Иран истрела стотици проектили и беспилотни летала врз Израел во текот на минатиот викенд. Повеќето од нив беа пресретнати.

Иранската новинска агенција Фарс објави дека се регистрирани „три експлозии“ во близина на воената воздухопловна база Шекари во северозападниот дел на провинцијата Исфахан, додека портпаролот на иранската вселенска агенција Хосеин Далиријан изјави дека „неколку“ беспилотни летала биле „успешно соборени“.

„Засега нема извештаи за ракетен напад“, објави Далиријан на социјалната мрежа Х.

Нуклеарните постројки во Исфахан се пријавени како „целосно безбедни“, објави иранската новинска агенција Тасним, повикувајќи се на „сигурни извори“.

Американските телевизии Еј-Би-Си Њуз и Си-Би-Ес Њуз објавија дека нападите биле извршени од Израел, цитирајќи американски официјални претставници.

Засега нема коментар од Белата куќа или од Пентагон.

Израелската војска објави дека - „Во моментов немаме коментар“.

Иран - клучниот поддржувач на палестинската милитантна група Хамас и либанскиот Хезболах - го започна нападот како одмазда за нападот на 1 април врз неговиот конзулат во Дамаск, за кој нашироко беше обвинет Израел.

Според локална активистичка група, имало и експлозии во јужна Сирија.

„Имаше удари врз радарска позиција на сириската армија“, рече Рајан Мааруф, кој ја води антивладината веб-страница „Suwayda24“ која покрива вести од провинцијата Свеида на југ.

„Иранската воздушна одбрана е активирана на небото на неколку провинции во земјата“, соопшти официјалната новинска агенција на Техеран ИРНА.

Новинската агенција Мехр објави дека „летовите за Техеран, Исфахан и Шираз и аеродромите на запад, северозапад и југозапад се прекинати“.

По налетот на иранските проектили, израелските власти не кажаа кога и каде ќе возвратат, но премиерот Бенјамин Нетанјаху рече дека неговата земја го задржува правото да се заштити.

Генералниот секретар на ОН, Антонио Гутереш вчера даде темна слика за ситуацијата на Блискиот Исток, предупредувајќи дека зголемените тензии околу војната во Газа и нападот на Иран врз Израел може да прераснат во „регионален конфликт од целосен размер“.

„Блискиот исток е на раб на пропаст. Последните денови се забележува опасна ескалација -- со зборови и со дела“, рече Гутереш пред Советот за безбедност.

„Една погрешна пресметка, една погрешна комуникација, една грешка, би можеле да доведат до незамислив регионален конфликт од целосен обем кој би бил катастрофален за сите инволвирани“, рече тој, повикувајќи ги сите страни на „максимална воздржаност“. /МИА

Македонија

Протест на вработените во културните институции поради неисплаќање на мартовската плата

Над три илјади вработени во културните институции од денеска почнуваат со протести поради неисплаќање на платата за месец март.

Како што најавија, протестите ќе траат сѐ додека не добијат плата, усогласена со колективните договори. Во меѓувреме, се процесуираат и тужбите за задоцнета исплата.

Протестите ќе се одржуваат пред Министерството за култура секој ден од 13 часот. Согласно усогласувањето на платите со минималната плата во државава, мартовската плата треба да им биде зголемена за 12 отсто.

Претседателката на Синдикатот на културните работници Вера Атанасовска вчера на прес-конференција посочи дека сите законски рокови се пробиени и три илјади вработени во културата се уште немаат земено плата.

Таа рече и дека за неколку дена три илјади вработени во културата заедно со нивните семејства ќе останат и без здравствено осигурување.

-Сите добро знаеме дека секогаш кога се спроведуваат колективни договори и кога се даваат финансиски ветувања истите треба да бидат усогласени со Министерството за финансии. Како министерката за култура на 1 април од истото ова место ветуваше покачување на платите за март ако претходно тоа исто покачување не го договорила со министерот за финансии за сега кој да биде виновникот за неисплаќањето на платите во културата, додаде Атанасовска.

Според Атанасовска, ова не само што ја загрозува егзистенцијата на оние кои се посветени на уметноста и културата, туку го поткопува и интегритетот на нашите културни институции.

Претседателот на Сојузот на синдикати на Македонија (ССМ), Слободан Трендафилов вчера посочи дека платите треба да се исплатат согласно колективниот договор.

Според него, недозволиво е пред избори да го бараат нивниот глас, а притоа не им бидат исплатени платите.

-Недозволиво е 15 дена пред избори да барате наш глас, а притоа да не нѐ плаќате како што треба – зборуваме за плати, не зборуваме за мито и корупција. Немаат изговор, платата најдоцна до крајот на денот доколку не легне во текот на утрешниот ден започнуваат протестите, рече Трендафилов.

Поради неисплата на плата за март за околу три илјади вработени во културата и Советот на Самостојниот синдикат за образование, наука и култура (СОНК) вчера на вонредна седница едногласно донел одлука в понеделник, 22 април, во 11 часот да организира протест пред Министерството за култура.

Исто така, на седницата на Советот на СОНК е одлучено да се отпочне и процедура и организација за генерален штрајк во сите установи од дејноста култура.

-Советот на СОНК изрази огромна разочараност од непостоењето, односно едностраното прекинување на социјалниот дијалог од страна на Министерството за култура. СОНК постои, силата на СОНК ќе ја почувствувате наскоро, напиша претседателот на СОНК, Јаким Неделков на Фејсбук.

Министерката за култура Бисера Костадиновска Стојчевска пред две недели посочи дека нема промена во општиот колективен договор, ниту во колективниот договор на Синдикатот за култура. Напомена дека единствената промена која што е внесена во диспозитивот, е минималната плата.

Македонија

Променливо облачно со повремен дожд и посвежо, до 18 степени

Времето денеска ќе биде променливо облачно и посвежо со повремени врнежи од дожд, претежно во јужните делови.

Ќе дува слаб до умерен ветер од северен правец. Минималната температура ќе биде во интервал од 0 до 6, а максималната од 10 до 18 степени.

Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.

Според УХМР, за време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.