Хороскоп

Неделен хороскоп од 11 до 18.3.2019

Неделен хороскоп за периодот од 11 март до 18 март 2019 година. 

Риби 20.2.- 20.3.

Љубов

Деновиве ќе излегувате поретко и ќе се концентрирате на своето заедничко секојдневие. Нема да ви биде потребна поголема атракција. Ќе ви биде доволно да останете дома со саканата личност или да заминете на место каде ќе бидете сами.

Кариера

Како што ќе минува неделата , ќе ви биде јасно дека вашите работни планови се развиваат доста добро. Ова сознание ќе ве исполни со мир и задоволство. Ќе бидете подготвени и за секаква соработка. Лесно ќе ги рушите предрасудите.

Здравје

Некои ќе ги освежат старите спомени.

Овен 21.3-20.4.

Љубов

Оние кои се уште се сами ќе се двоумат дали да останат дома , каде се чувствуваат заштитено и добро.Сепак , ако се решат да излезат , ќе увидат дека таму ќе се чуствуваат уште подобро. Затоа, би било штета да се пропушти шанса за ново познанство.

Кариера

Ќе испробате различни опции на работење што би можеле да доведат до заработувачка.Некои дури и ќе експериментираат. Оваа игра ќе им донесе и радост , зашто нема да биде здодевно. Сепак , важно е да се штеди силата , зашто ќе ви недостига енергија.

Здравје

Ќе поработите на својот стил и внатрешната состојба.

Бик 21.4- 20.5.

Љубов

Како што ќе минува неделата , ќе добивате се повеќе покани за излегување и забава, па и покани за љубов. Веројатно ќе бидете добредојден гостин , а вие самите ќе се трудите да не пропуштите ништо. Било во врска или сами , добро ќе си поминувате.

Кариера

Во темите поврзани со вложувања, спонзорства или недвижности ќе дојде до мала затегнатост , а вие ќе мора да ги согледате, анализирате и донесете одлуки што ќе го насочат натамошниот тек на развој. Обидете се да бидете објективни и не брзајте.

Здравје

Не заборавајте да се одморите.

Близнаци 21.5.-21.6.

Љубов

Многу убави љубовни шанси ќе се нижат во вашиот приватен живот, така што нема да знаете што би избрале. Концентрирајте се на она што го сакате , па ќе знаете исправно да се поставите кон секого.

Кариера

Можноста креативно да се изразите ќе биде најдобриот дел од целата работа оваа недела. Се другом ќе биде поврзано со стрес или мали борби во кои ќе согорувате. Ќе успеете да поставите некои работи , но на крај ќе бидете многу заморени.

Здравје

Наспијте се .

Рак 22.6-22.7.

Љубов

Пред вас се денови во кои ќе имате можност да тренирате толерантност и трпение. Токму од тие ваши особини ќе зависи квалитетот на вашиот љубовен живот. Ако сакате да бидете задоволни препуштете и на другата страна и таа да води во нешто.

Кариера

Со задоволство би сакале да го смените својот систем на проценка на луѓето. Ќе поработите на тоа. Овој пат вашите критериуми ќе бидат повисоки , а ќе ги следи и вашата поголема отвореност кон другите. Само преку јасна комуникација , ќе направите подобри одлуки во работењето.

Здравје

Се менувате на добро.

Лав 23.7-22.8.

Љубов

Ќе бидете загатка за другите , а во душа подготвени за љубов. Многумина ќе ја откријат својата еротичност. Ако сте веќе во врска , таа би требало да се подобри , а партнерот повторно ќе се заљуби во вас. Самите ќе бидат повикани во друштво , но на дискретен начин.

Кариера

Ќе се активирате во обновување на деловните контакти и ќе се обидете да оживеете некои претходни проекти за кои верувате дека се добри. Ќе балансирате меѓу отворен пристап и дискреција. Некои работи сепак ќе зачувате за себеси.

Здравје

Одете таму каде што се чувствувате добро.

Девица 23.8.-23.9.

Љубов

Оние во подолги врски , ќе имаат се поголема потреба за интимност , па најверојатно ќе се повлечат дома , за да уживаат заедно.Оние кои уште бараат сродна душа , би можеле да ја сретнат на обични секојдневни места.

Кариера

Следуваат денови кога ќе бидете вешти во извршување на работите , но неспретни во изразувањето. Би можело погрешно да ве разберат . Затоа , потрудете се да бидете што појасни или не објаснувајте ништо ако не морате.

Здравје

Телесно сте во добра форма.

Вага 24.9.-23.10.

Љубов

Планетите ви се наклонети кога станува збор за љубов.Оние во врска сепак нека бидат малку потолерантни . Оние осамените ќе излегуваат и ќе се забавуваат до крајни граници. Ќе им одговараат големи друштва и бучни места.Ќе бидат радосни.

Кариера

Време е за средување на ситните работи. И оние познатите , но не преамбициозни лесно ќе ги извршите. Ако сакате да се впуштите во нешто поголемо , поатрактивно и покомплицирано , ова не се погодни денови. Подобро е да ги сумирате резултатите.

Здравје

Уживајте во природа.

Шкорпија 24.10-22.11.

Љубов

Ќе бидете желни за забава и настани , а нема да има доволно за да ве задоволат. Имајте на ум дека ова е преоден период, па не треба да му придавате преголемо значење. Од друга страна , ако сте во долга врска , работите се развиваат сосема добро.

Кариера

Ќе комуницирате со соработниците за помали задачи, што ќе ги одработите беспрекорно. Понекогаш ќе ви недостигаат вистински предизвици , зашто оние кои секојдневно ги доживувате , ќе бидат помалку атрактивни.

Здравје

Ќе уживате во секаков вид спорт.

Стрелец 23.11.-21.12.

Љубов

Пред вас се убави љубовни денови, во кои ќе има многу шанси за зближување. Вашиот друштвен живот ќе станува секој ден се побогат , а вие порадосни. Не седете дома, излезете меѓу луѓе и уживајте.

Кариера

Не сте свесни за своите можности. Од вас се очекува повеќе и подобро зашто сте способни. Потрудете се и одработете го она што морате , а потоа посветете се на она што го сакате. Така ќе напредувате на стабилен и сигурен начин.

Здравје

Некои размислуваат за одење на козметичар.

Јарец 22.12.-20.1.

Љубов

Ќе бидете расположени за љубов , но другата страна ќе се држи резервирано. Не се откажувајте , издржете. Младите полесно ќе се поврзуваат , а забава нема да изостане.

Кариера

Пред вас се некои нови можности. Доаѓаат одговорите на претходно поставени прашања.Тоа ве насочува кон натамошна работа во која ќе се појават вашите мали таленти и знаењето.И натаму одржувате бројни контакти , кои ве поттикнуваат.

Здравје

Ве чекаат нови сознанија .

Водолија 21.1.-19.2.

Љубов

Наредните денови ќе дојде до постепено подобрување во вашиот приватен живот. Луѓето повторно ќе станат поотворени кон вас и обратно. Многумина ќе ја обноват својата врска со излегување на убаво место. Самите повторно ќе излегуваат почесто.

Кариера

Разновивидна работна недела . Од една страна со нетрпение ќе очекувате да се изразите и покажете колку можете, а од друга страна за некои теми ќе биде подобро да молчите или да ги одложите. Најдобро ќе поминат оние кои знаат да балансираат.

Здравје

Следете ја својата интуиција.

Фудбал

Ајакс сака да го покани Чави за главен тренер

Раководството на Ајакс го смета тренерот на Барселона Чави како главен кандидат за тренерското место на тимот од Амстердам, објави „Sport.es“.

Холандскиот фудбалски гигант смета дека 44-годишниот шпански стручњак е способен да го врати клубот на претходното ниво и е подготвен да потпише договор со него до 2026 година.

Во јануари Чави најави дека ќе ја напушти Барселона на крајот на сезоната.

По јавно објавената одлука на Чави за заминување од Барса, тимот загуби само еден натпревар - во четвртфиналето на Лигата на шампионите против ПСЖ (1:4).

Чави за шеф на стручниот штаб на каталонскиот тим беше назначен во ноември 2021 година. /МИА

Култура

Награда во Калифорнија за најдобар долгометражен филм за „Бизнисот на задоволството“

„Бизнисот на задоволството“ на Гоце Цветановски ја доби наградата за најдобар долгометражен филм на „Риверсајд Филм фестивал“ во Калифорнија, САД.

Фестивалот што се одржа од 10 до 14 април, во своето 22-годишно постоење се залага за промоција на храбри филмови кои обработуваат општествени предизвици, но и говорат за смелоста на човековиот дух.

Цветановски го радува тоа што филмот по вторпат e наградeн во САД, откако минатиот месец беше прогласен за највпечатлив филм на 30. издание на „Седона интернешнал филм фестивал“ во Аризона.

- Калифорнија е центар на американската филмска индустрија, и секако дека како автор сум горд што добивме награда овде, и тоа во конкуренција со американски филмови со многу поголеми буџети. Едвај чекам да завршиме со оваа светска фестивалска турнеја и во септември да го презентираме пред нашата публика. Очекувам филмот да отвори теми за дискусија на повеќе нивоа, но пред се‘ сакам да го продолжиме трендот од последниве години, во кој на домашните гледачи им се враќа довербата и желбата да гледаат македонски филмови, вели Цветановски.

„Бизнисот на задоволството“ досега доби осум награди на филмските фестивали низ светот, од кои пет се за најдобар долгометражен филм.

Филмот ја следи приказната на новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола.

Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.

Филмот е снимен со поддршка на Агенцијата за филм. /МИА

Македонија

Николоски на средби во ММФ

Здравите економски политики поттикнуваат забрзување на економскиот раст.

Македонија продолжува да води здрави економски политики. Фискалната политика даде соодветен одговор во справување со кризата, а поставената цел за фискална консолидација во наредниот период преку заштеди и поголема поддршка на економијата со инвестиции е основа за забрзување на економскиот раст на среден рок. Владата останува посветена на реформите коишто се клучни за напредок и постигнување повисоки стапки на економски раст и забрзана интеграција во ЕУ. Напредокот во евроинтегративниот процес и реализацијата на новиот европски План за раст на Западен Балкан се исто така дополнителен придонес во остварување на поставените политики. Ова беше посочено на средбите на заменик-министерот за финансии Филип Николоски во Вашингтон со заменик на генералниот директор на ММФ Бо Ли, извршниот директор на ММФ Пол Хилберс, алтернативниот извршен директор Лук Дресе, како и директорот на ММФ за Европа Алфред Камер.

„РС Македонија во изминатите две години доби значајна поддршка од Меѓународниот монетарен фонд, која воедно беше и потврда за здравоста на економските политики што ги спроведува. Преку пристапот до Програмата за ликвидност и претпазливост, ги потврдивме здравите политики, а од страна на ММФ беше позитивно оценет првиот преглед за ПЛЛ што овозможи повлекување на втората транша финансиски средства од овој инструмент. Остануваме на патеката на постепена фискална консолидација, намалување на буџетскиот дефицит, зголемени средства за јавни инвестиции и поттикнување на економскиот раст и постигнување просечни стапки на раст од 5%“, рече заменик-министерот Николоски.

Тој додаде дека оваа година се очекува интензивирање на економската активност, која ќе биде поттикната од зголеменото учество на капитални расходи во Буџетот, силните инвестиции во инфраструктурни проекти, како и приватната потрошувачка, поддржана од растот на платите.

Дополнително влијание, како што додаде, покрај домашните фактори ќе има и очекувањата за нормализација на глобалното опкружување, стабилизирање на глобалните синџири на снабдување, растот на економската активност кај нашите главни трговски партнери и слично.

„Најголем придонес кон раст во 2024 година се очекува од бруто-инвестициите со планиран раст од 8,4%, главно поттикнати од интензивирањето на реализацијата на големите инфраструктурни проекти на коридорите 8 и 10, зголемена доверба кај инвеститорите, очекуваниот прилив на странски директни инвестиции, зголемениот интерес за инвестиции во обновливи извори на енергија, зголемената активност во индустриските зони и најавените нови инвестиции кои ќе придонесат за раст на извозот за 4,6%, како и приватната потрошувачка која се очекува да има реален раст од 3,1% и надворешната побарувачка темелна на подобрување на надворешното опкружување, односно раст во еврозоната и зголемување на економската активност во Германија“, истакна заменик-министерот за финансии, кој посочи и на очекувањата од реализацијата на европскиот План за раст на Западен Балкан и активностите коишто се одвиваат со забрзана динамика во овој процес и секако стабилизирање на инфлацијата.

Ваквото поповолно опкружување ќе даде основа за преориентација на владините политики од справување со криза кон остварување засилена економска активност, смета заменик-министерот, кој наведе дека поради се уште присутните ризици и предизвици, во Буџетот и во оваа година се обезбедени средства за надминување на одредени кризни состојби.

Средбите се одржаа во рамки на Пролетните средби на ММФ и Светска банка во Вашингтон, каде заменик-министерот за финансии Филип Николоски учествува заедно со гувернерката на Народната банка на Македонија Анита Ангеловска-Бежоска. Во Вашнгтон, тие ќе остварат средби и со високи претставници на Светска банка, односно со потпретседателката на Светска банка Антонела Басани, извршниот директор на Светска банка Јуџин Ругенат, директорката на Светска банка за Западен Балкан Шиаочин Ју.

Министерство за финансии

притисни ентер