Македонија

Недела за грижа на старите лица: Прилепскиот дом за стари лица е со полн капацитет

Прилепскиот дом за стари лица „Киро Крстески-Платник“ со 150 места е со полн капацитет и се бара место за сместување од целата земја.

Домот е со осовремени услуги и се инвестира, беше речено на денешната пригодна свеченост во Домот за стари лица „Киро Крстески-Платник“ во Прилеп по повод Неделата на грижа за лицата од третото доба.

- Капацитетот од 150 места е полн и имаме листа на чекање за нови 10 до 20 штитеници. Нудиме услови за старите лица, но и инвестираме. Општина Прилеп обезбеди субвенција од 3 милиона и 100 000 денари со која набавивме современа опрема што ја олеснува нашата работа во различни аспекти – од техничка поддршка, до подобрување на функционирањето на сервисите кои секојдневно се користат од нашите корисници. Имено, набавени се современи индустриски машини: перална, сушарницаа, машина за чистење ходници, правосмукалка, електричен казан за подготовка на храна, фрижидер, машина за миење садови и саламорезница, како и мини трактор косилица. Оваа инвестиција е вложување во подобра грижа, поголема ефикасност и повисоки стандарди, изјави Благојче Стојаноски, директор на прилепскиот Дом за стари лица „Киро Крстески-Платник“.

Според прлепскиот градоначалник Дејан Проданоски, има можност за инвестирање и проширување на капацитетите на Домот.

-Во преговори сме со Министерството за социјална политика, демографија и млади да го подобриме буџетот кој стигнува и ќе искористиме сѐ што може да се подобри капацитетот на Домот и да се подобрат условите за старите лица, рече Проданоски.

Од јануари се очекува да проработи Дневниот центар за лица со активно стареење во реновираните простории во Домот на месната заедница во населбата „Рид“ во Прилеп.

- Прилеп во соработка со општините Кривогаштани и Долнени и со здружението „Центар за развој и едукацијан од Прилеп веќе е во завршна фаза на Дневниот центар. Реконструирањето на просторот е во завршна фаза. Веќе се поднесени документите за лиценцирање за од јануари да може да се примаат првите корисници во Центарот. Оваа не е веќе социјална услуга, туку платформа што ќе овозможи подостоинствен живот на нашите постари сограѓани за четири часа дневно да поминуваат во Центарот. Ќе има едукативна програма за да се намалат предизвиците и ризиците на старите лица, рече Марина Тошеска, директорка на Центарот за развој и едукација од Прилеп.

Прилеп веќе има и други социјални услуги - Помош во домот и Медицинска сестра во заедницата.

Социјалната услуга помош и нега во домот функционира веќе трета година.

-Услугата „Помош и нега во домот е една од најважните социјални услуги. Услугата ја користат лица со намален функционален капацитет, слепи лица и лица со попреченост. Во моментот услугата ја користат 171 корисник, а ја даваат 158 обучени негователи кои во домот им помагаат на лицата, вели Џулијана Бошкова, координатор на услугата во Центарот за развој и едукација во Прилеп.

Социјалната услуга „Медицинска сестра во заедницата“ во Прилеп функционира успешно.

- Во Прилеп се достапни услугите медицинска сестра, психолог и физиотерапевт, достапни за прилепчани во третото доба и со намален функционален капацитет. Во моментов се 146 корисници, вели Драгана Цветкоска, координатор на социјалната услуга „Медицинска сестра во заедницата“ при Центарот за развој и едукација од Прилеп.

Луѓето од третото доба имаат право на сите социјални услуги и грижа за нивното здравје.

Тагови: стари лица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Кривична пријава против струмичанец за подметнување пожари на трактор и патничко возило

Кривична пријава против струмичанец за подметнување пожари на трактор и патничко возило, сопственост на две лица од Струмица.

СВР Струмица, до ОЈО Струмица, поднесе кривична пријава против В.К.(41) од Струмица поради постоење на основано сомневање дека сторил кривични дела „предизвикување општа опасност“ по член 288 и „тешки дела против општата сигурност“ по член 292 од Кривичниот закон.

На 25.07.2026 околу 22:00 часот и на 26.07.2026 околу 01:00 часот во Струмица, пријавениот подметнал пожари на трактор сопственост на Ж.Д.(70) од Струмица и патничко возило „киа“, сопственост на К.Т. од Струмица. По интервенција на Територијалната противпожарна едница Струмица пожарите биле изгаснати, а повредени лица нема.

В.К. бил лишен од слобода и задржан во просториите на Полициската станица Струмица, а за настанот бил известен јавен обвинител од Основното јавно обвинителство Струмица. Тој бил изведен пред судија од Основен суд Струмица, кој му определил мерка притвор во траење од 30 дена, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Златеска: Владата предводена од ВМРО-ДПМНЕ реализира нови инвестиции во водоснабдување, канализација и заштита на животната средина

Владата предводена од ВМРО-ДПМНЕ продолжува со реализација на капитални инвестиции и проекти кои обезбедуваат почиста животна средина, подобра комунална инфраструктура и повисок квалитет на живот за граѓаните.

Преку значајни вложувања во регулирање на речните корита, изградба и реконструкција на водоводни и канализациски системи и пречистителни станици, Владата создава современи и одржливи услови за развој на локалните заедници и заштита на природните ресурси.

Во таа насока, започната е изведбата на капиталниот проект за регулација на коритото на Сува Река, за што се обезбедни 376 милиони денари. Со уредувањето на оваа делница долга речиси 12 километри, од патот за с. Бојане до вливот во Треска кај с. Глумово, трајно се решава децениски проблем за илјадници граѓани.

Успешно е завршено уредувањето на коритото на Мала Рада, а во тек е и реализација на проектот за изградба на водоснабдителен систем во населеното место Лениште, во вредност од над 21 милиони денари.

Исто така, проектот за замена на водоводната мрежа на делови од булеварот „Гоце Делчев“ и улиците „Кузман Јосифоски“ и „Ленинова“, во вредност од над 7 милиони денари е во завршна фаза. Со реконструкцијата се намалуваат загубите на вода во системот и се подобрува квалитетот на услугите.

Почната е изградба на канализационен систем за отпадни води во село Враништа, општина Струга, инвестиција вредна над 91 милиони денари, целосно финансирана преку Вториот повик од Унгарскиот кредит. Овој проект опфаќа изградба на комплетна примарна и секундарна канализациона мрежа, поставување ревизиони шахти и приклучоци за домаќинствата, како и обезбедување контролиран одвод на отпадните води.

Во тек е и изградба на пречистителна станица во Чучер Сандево, која започна минатата година во октомври, а инвестицијата е во вредност од околу 70 милиони денари и значи континуирана надградба на системите за третман на отпадни води, зајакнување на инфраструктурата на локално и национално ниво и поздрава животна средина.

Обезбедени се средства и започната е реализација на над 300 инфраструктурни проекти од различен обем, вклучувајќи модерни водоводни и канализациски системи, како и пречистителни станици низ целата држава.

Почитувани,

Овие проекти се темелите на зелениот пресврт кој го градиме и на кој Владата е целосно посветена. Ќе продолжиме да го зајакнуваме и партнерството со домашните и меѓународните партнери во справувањето со предизвиците од климатските промени, шумските пожари, нелегалната сеча, бесправната градба, нелегалниот лов и другите закани за природните ресурси, со единствена цел за поздрава животна средина и подобар квалитет на живот за сите граѓани, рече Бисерка Златеска, пратеник на ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Ловците на политички поени, другарите на Филипче треба да разберат дека лагите за Гостивар се на нивна штета

Ловците на политички поени, другарите на Филипче треба час поскоро да разберат дека лагите кои ги кажуваат за Гостивар се на нивна штета.

Со денови сведочиме како СДС на Венко Филипче и неговите другари, шират лаги за скандалот со водата во Гостивар.

И, не само што шират лаги, покажуваат и непознавање на тоа како функционира системот и кој за што е надлежен, барајќи одговорност на погрешна адреса.

Да ги информираме, ако не знаат или да ги потсетиме ако заборавиле, контролата на квалитетот на водата ја прават надлежните локални институции. А, локалната власт во Гостивар е на друштвото СДС, ДУИ и Арбен Таравари. Градоначалникот на Гостивар, Валбон Лиман е кадар токму на оваа дружина.

Значи, како што им укажуваме на погоре наведеното извесно време ќе им повториме и во оваа прилика дека одговорност треба да побараат во своите редови, за почеток кај личноста кои тие ја кандидираа на локалните избори.

За нивно добро е час поскоро да разберат дека повторувањео на лаги секој ден е на нивна штета. Политики поени со лаги не се добиваат.

Во меѓувреме, на санирање на штетата во Гостивар се работи деноноќно, се овозможува технички исправна вода која се користи за лична хигиена и хигиена во домаќинствата, а неделава или кон крајот на неделава се очекува во Гостивар да има и бездна вода за пиење, рече Бране Петрушевски, пратеник на ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.