Недела на машката мода во Париз: Палтото како симбол на елеганција и трајност - Канал 5

Шоу биз

Недела на машката мода во Париз: Палтото како симбол на елеганција и трајност

Неделата на машката мода во Париз заврши со јасна порака: враќање кон елеганцијата и создавање долгата облека. Дизајнерите оваа сезона се насочија на кројот, конструкцијата и трајноста, ставајќи го палтото во центарот на вниманието.

Недела на машката мода во Париз: Палтото како симбол на елеганција и трајност

Јапонскиот бренд Сакаи (Sacai) се истакна со традиционалната форма на машката облека, комбинирајќи горни и долни делови со џебови и прошивани вметнувања, без да ја загрози удобноста.

Слична мода, со „ненаметлива, но внимателно изработена естетика, понуди и брендот Хермес (Hermès), кој во емотивна, проштална ревија на дизајнерката Вероник Нишијан ја потенцираше вредноста на едноставните линии и безвременскиот дизајн. Палтото се наметна како „парче“ на сезоната-долго, прецизно кроено и влијателно со својот крој. Модната куќа ја затвори ревијата со впечатливо темно палто од сјајна крокодилска кожа, а додатоците останаа впечатливи: коцкасти викенд-торби и чизми со дречливи портокалови ѓонови.

Додека пак, Џуња Ватанабе (Junya Watanabe) ги реинтерпретираше класичните модели преку спортски и функционални елементи, создавајќи поцврста и современа форма на формалната горна облека. Машкиот крој беше присутен кај повеќето колекции, но со изменет однос кон телото. Ком де Гарсон Хом Плус (Comme des Garçons Homme Plus), понуди порадикален пристап, со раскроени одела и палта и силен визуелен контраст меѓу темни и светли тонови, при што кројот остана основата на целокупниот израз.

Минимализмот и конструкцијата доминираа кај Кико Костадинов, кој ја сведе декорацијата на минимум, оставајќи формата и движењето на материјалот да зборуваат сами за себе. Слична воздржаност, но со технички фокус, понуди и Вајт Маунтинерин (White Mountaineering), означувајќи крај на едно долгогодишно креативно поглавје.

Формалноста доби и полесни, игриви интерпретации кај Жакемус (Jacquemus), кој ги преиспита правилата на носење на црната вратоврска во ретро стил, додека пак, Луи Габриел Нучи (Louis Gabriel Nouchi) ја внесе темната, урбана енергија преку остра естетика и провокативни силуети. Преку оваа модна ревија, Париз испрати порака на забавување, промисленост и квалитет- преку машко кроење што не тежнее кон ефект, туку кон долговечност.

Тагови: мода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер