Ракомет

Недановски и Вардар ја прекинаа соработката, Стоилов привремен тренер

Владо Недановски повеќе не е тренер ракометниот клуб Вардар.

За крајот на соработката со досегашниот тренер „црвено-црните“ информираа попладнево преку соопштение кое го пренесуваме во целост:

- Почитувани навивачи на Вардар, поддржувачи, спонзори и сите оние на кои „црвено-црната“ боја им значи нешто.

Вардар отсекогаш имал цел високи цели, се борел за титули, за висок пласман, и така ќе биде и во иднина. Горди сме што и покриј сите пречки кои стојат на патот на успехот, во изминатите години, па и сега, успеавме да го стабилизираме клубот, и да направиме чекори со кои повторно се враќаме на местото каде заслужуваме да бидеме.

Благодарни сме им на сите кои го поддржуваат клубот, на сите спонзори кои веруваат во Вардар. На добар пат сме клубот целосно финансиски да се консолидира, во многу брзо време, и сакам да упатам благодарност и до Министерот за спорт, Борко Ристовски кој првпат обезбеди средства за клубовите кои играат во Европа.

На тој пат до големи успеси секогаш ќе има ситуации кои треба да се решаваат, и понекогаш да бидат и „болни“. Пријателствата остануваат пријателства, но во професионализмот најголемо мерило се резултатите. Затоа сметаме дека во овој момент треба нешто да се смени и кај нас. Потребна е промена која ќе донесе нова сила, нов мотив за докажување, и на крајот и резултати.

Последните четири години клубот двапати освојуваше двојна круна, и уште еден Куп на Македонија, и игравме во осмина-финалето на Лига на шампионите. На клупата на Вардар во тој период беше Владо Недановски кој ја доби нашата целосна поддршка, како човек кој долги години е лојален на клубот, и беше дел и од шампионската екипа на Вардар од Келн. Сакам да му изразам благодарност на Недановски за неговата професионална посветеност во тој период и напорите кои ги вложи за постигнување на резултатите.

Нашите планови, желби и амбиции се годинава да ја вратиме титултата, да го освоим екупот и достојно да се презентираме во Лига Европа. Сакајќи да ја вратиме титулата, пред почеток на сезонава се засиливме со доста квалитетни играчи: Танкоски, Стојановски, Еспиња, Горига, Коиј, Ашраф, Пинто и Крсманчиќ. Со овие засилувања оценката на стручниот штаб и на клубот беше дека екипата е најмалку 30 отсто посилна од лани и желбите и целта беа да се освои титулата, купот и достојно да се претставиме во Лига Европа. Дополнително го ангажиравмне и Вуко Борозан.

За жал имавме неколку пехови со повреди на играчи, Пинто, Горига, Јагуриновски, Танкоски, а свесен сум дека треба период на воигрување на тимот. Меѓутоа во првото коло не изнанади Алкалоид, и тие покрај Вардар и Еурофарм Пелистер станаа сериозен кандидат за титулата. Меѓутоа првенството е долго, ќе има и други изненадувања, и се надевам дека ние нашата зацртана цел ќе ја реализираме.

Со сегашниот тренер Владо Недановски заеднички се договоривме дека во овој момент, и во интересен на клубот е најдобро некој друг тренер да продолжи со тимот, и да се обидеме заеднички да го оствариме она што е наша цел сезонава.

Во овој период е тешко да се најде квалитетен а слободен тренер, но веќе преговараме со тројца добри тренери, кои не се од блиското опркужување. Сигурен сум дека до среда (30 октомври) ќе го имаме името на новиот тренер. За сите условот е најдоцна до 15 ноември да почнат да работат со тимот. До тогаш тимот ќе го води Стојанче Стоилов, сегашниот помошник тренер.

Во ракомет е пракса дека кога нешто не оди, прво да се смени тренерот, иако не сме задоволни ниту од дел од играчите кои не го дадоа она што го очекуваме од нив, и тие треба да се замислат за својот иден статус во РК Вардар. Најважно е максимумот да го дадат на тренинзите, бидејќи како се тренира, така и се игра.

Со досегашниот тренер, Владо Недановски пријателски се договоривме да остане и понатаму дел од клубот, и заедно сите да работиме на постигнување на подобри резултати на сите полиња. Верувам дека ќе успееме во тоа, бидејќи патот е веќе трасиран, и треба само да бидеме упорни во одењето кон врвот, стои во соопштението на поранешниот двократен европски шампион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Законите за судска служба и јавнообвинителска служба во собраниска процедура

Почна собраниската процедура за уште два закони од реформската агенда – за судска и за јавнообвинителска служба, чиј предлагач е министерот за правда

. Што предвидуваат тие и какви се реакциите на синдикатот, од прилогот на афродита рамос...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

По четири граѓани дневно се јавуваат во Инфективната клиника поради крлежи

Четири граѓани за едно деноноќие побарале помош во Клиниката за инфективни болести откако биле каснати од крлеж.

Директорот на клиниката Фадил Цана објаснува дека нема место за загриженост од компликации, но по каснување од крлеж не треба човекот сам да го вади туку да отиде на хиругрија каде ќе му посочат каде да го продолжи лекуавњето..

Од Клиниката за кожни болести објаснуваат дека и кај нив има граѓани кои доѓаат по каснување од крлеж за да проверат дали е правилно изваден и дали имаат одредено заболување. Најважно е да се извади правилно крлежот, вели доктрока Невенка Аџиевска.

Најважно е во престој на природа да се носи светла облека, да се провери телото да не има крлеж пред се кај помалите деца, апелираат докторите.

Тагови: „Дурмо турс“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Љутков: Скопското Кале ќе биде во во полн сјај

Еден од најзначајните симболи на Скопје – зградата на „Пошта“ нема да биде готова кога Скопје ќе ја преземе титулата Европски град на културата – посочи на денешниот брифинг со новинарите министерот за култура – Зоран Љутков.

Според него, нема обврзаност овој објект да биде завршен за година и половина од сега, а и не постои можност за истото бидејќи станува збор за посериозен зафат кој подлежи на конзервација. Што се однесува до Универзална сала – динамиката вели е според планираното и очекува до крајот на наредната година таа да биде подготвена, а и Калето најави дека ќе биде во полн сјај.

Овој момент се работи само, фазно е решевањето во овој дел, бидејќи внатре мора да се прави конзервација на се она што го имаме, за да се работи на тоа мора прво проектната конструкција да се реши, проектот е готов, има средства, во моментов е министерство за транспорт и врски, не верувам дека ќе биде готова до 2028 година, подолг процес е за разлика од класичните градби. Во моментов се работи на Универзална, добивам информации на неделно ниво, и доколку се работи со вакво темпо до крајот на 2027 година треба да биде завршена, тоа го гледам и по делот на исплатата и на завршените фази. - Зоран Љутков – Министер за култура и туризам.

Од почетокот на наредната година треба да започне и примената на новите механизми за употреба на македонски јазик во државните органи, институциите, медиумите и сите обврзани со закон. Сепак, проблемот е што во почетокот употребата на ниво на земјата ќе ја контролираат само петмина инспектори, бројка, која директорката Менче Андреева очекува да биде зголемена. Воедно утре треба да се знае и кој ќе биде новиот претседател на советот за Македонски јазик, откако Груевска Маџоска си поднесе оставка.

-Јас во почетокот барав 12 инспектори, меѓутоа и со овие пет доволно е што ќе ја започнеме постапката и што ќе можат да почнат со обука, нема да застанеме тука, секако ќе продолжиме со екипирање на инспекторатот и зголемување на бројката на вработени. По вработувањето ќе почне постапката за обука, според закон една година, по завршувањето ќе полагаат за инспектор, односно да добијат лиценца инспектор за македонски јазик.

Што се однесува до туризмот, кој во моментов е во незавидна позиција, Љутков очекува поразличен пристап со изготвената долгорочна стратегија која точно ќе ги мапира проблемите и ќе создаде подобри услови и промоција.

Околу тоа дали станува се поизвесен УНЕСКО - статусот кој му се заканува на Охрид, како културно наследство во опасност, министерот вели дека на овој проблем се работи посветено и дека состојбите се подобруваат.

А, што се однесува до неговата министерска позиција и дали ќе биде опфатен со најавената реконструкција на Влада, Љутков вели дека е спокоен и си ги врши своите должности. Со премиерот на оваа тема не разговарале и дека Мицкоски е тој кој ќе реши кој министер останува, а кој си заминува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.