Не смеам да го погалам, ќе му отпадне кожата – приказна за дете болно од ретка болест - Канал 5

Не смеам да го погалам, ќе му отпадне кожата – приказна за дете болно од ретка болест

Осумгодишниот Риз Вилијамс од Болтон боледува од неизлечива болест поради која и при најмал допир кожата му се прекрива со пликови и почнува да се лупи. На телото му се отвораат рани, а болката е толку силна што едно време дури добивал и морфиум. Мајката не смее да го бакне или да го погали, а бањањето трае и по три часа и е вистинско мачење за него

Не смеам да го погалам, ќе му отпадне кожата – приказна за дете болно од ретка болест
Внимание! Следната содржина може да биде вознемирувачка!

„Се чувствувам како најлоша мајка на светот кога ќе дојде време за капење. Трауматизирачки е да се гледа како вреска и се превиткува од болка. Душата ме боли кога ќе помислам дека не смеам да го погалам бидејќи кожата му се лупи при триење. Во еден период земаше морфиум за да ја издржи болката, но тој е вистински мал борец и сега не сака да зема ништо против болки, понекогаш само пие парацетамол“, раскажува мајката Танја Мурс.

Малиот Риз уште од раѓање страда од булозна епидермолиза, наследна болест која е карактеристична по чувствителноста на кожата и слузокожата, поради што се создаваат и пликови и рани. Ова е резултат на вроден недостаток на протеин во кожата кој е одговорен за поврзување на различните слоеви и клетки.

Риз е целиот во завои, не може да си игра надвор со другите деца, да оди на одмор и на роденденски забави, па дури ни во продавница.

Се храни преку сонда бидејќи ако консумира цврста храна тоа ќе доведе до создавање пликови на грлото и хранопроводот.

Покрај сите овие маки кои му ги создава болеста, за малиот Риз сега се јавил уште еден проблем, тој веќе се срами од неговата болест и непријатно му е кога луѓето ќе почнат да гледаат во него.

„Мамо, покриј ме, оваа жена ме гледа“, и рекол тој еднаш на мајка му додека биле надвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нов проблем за европскиот шампион ПСЖ, поради тешка повреда заврши сезоната Дезире Дуе

Еден од најталентираните фудбалери на денешницата ја заврши сезоната! Крилниот напаѓач на Пари Сен Жермен, 21 годишниот Дезире Дуе во саботата навечер трпеше страшн болка откако се повреди на првенствениот натпревар на францускиот гигант против Ница. 

Нов проблем за европскиот шампион ПСЖ, поради тешка повреда заврши сезоната Дезире Дуе

Крилото на ПСЖ, Дезире Дуе, ја заврши сезоната откако ги скина предните вкрстени лигаменти на натпреварот против Ница, исто како и Квича Кварацхели еден месец претходно.

Само еден ден подоцна пристигна ужасната вест. Дезире Дуе ги скинал предните вкрстени лигаменти на десното колено, поради што ќе мора да паузира неколку месеци.

Тој ќе биде опериран до крајот на ноември, по што ќе започне периодот на рехабилитација, кој во одредени случаи може да трае и до девет месеци.

Секако, Дуе нема да се врати на терените до крајот на оваа сезона. Овој крилен напаѓач на Париз, кој важи за еден од најталентираните фудбалери на планетата, оваа сезона одигра 15 натпревари, при што постигна шест гола и забележа четири асистенции.

Се очекуваше тој да биде еден од главните адути на Пари Сен Жермен во продолжението од сезоната, особено со оглед на тоа што Квича Кварацхели е отсутен поради повреда.

Пред точно еден месец, Пари Сен Жермен објави дека грузискиот фудбалер ќе мора да паузира подолго време поради скинати предни вкрстени лигаменти – истата повреда што сега ја доживеа и Дезире Дуе. Без овие двајца играчи, ПСЖ ќе биде значително ослабен, особено во Лигата на шампионите, каде што имаат амбиција да ја освојат третата титула по ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Прамен коса од Џорџ Вашингтон продаден на аукција за 4.000 долари

Прамен коса од првиот американски претседател Џорџ Вашингтон, кој бил врамен, е продаден на аукција за 4.000 долари, објави Би-Би-Си. 

Прамен коса од Џорџ Вашингтон продаден на аукција за 4.000 долари

Праменот бил во сопственост на Џон Гедсби, кај кого Вашингтон престојувал во 1799 година, непосредно пред неговата смрт истата година.

Подоцна, според „Ричмонд аукшнс“ (Richmond Auctions) – аукциската куќа што го продала предметот – тој завршил кај колекционерот Џон К. Латимер, кој го набавил од еден од потомците на Гедсби. Името на новиот сопственик не е објавено.

Продажбата што се случи вќера не претставува рекорд кога станува збор за аукции на коса од Вашингтон. Три влакна, за кои се верува дека биле земени од него непосредно пред или по неговата смрт и чувани во приврзок, биле продадени во 2021 година за речиси 40.000 долари.

Гадсби, жител на тогаш малиот град Александрија, Вирџинија, го угостил Вашингтон на вечера, кратко пред смртта . Ова го потврдува изјавата од 1928 година на внуката на Гадсби, Џулија Тен Ајк Мекблер, која е објавена на веб-страницата на аукциската куќа „Ричмонд Оукшнс“ (Richmond Auctions).

Мекблер навела дека нејзиниот дедо дошол до прамен од косата на Вашингтон „преку пријателство и дружење за време на неговите последни денови“. Тој го ставил праменот во рамка и го закачил на ѕид „под портретот на генералот Вашингтон во нашиот дом во градот Вашингтон, каде што го гледав целиот свој живот“.

Според „Ричмонд Оукшнс“, Гадсби организирал прослави за роденденот на Вашингтон во 1798 и 1799 година. Политичката кариера на Вашингтон Вашингтон ги предводел американските сили до победа над Британците во Американската војна за независност и учествувал во изготвувањето на Уставот на САД, пред да стане првиот претседател на Соединетите Држави во 1788 година. Тој се повлекол од функцијата во 1797 година, откако отслужил два претседателски мандата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На пат кон болница починало тригодишно дете од Гевгелија

Тригодишно дете од Гевгелија починало на пат кон болница, а случајот бил пријавен во полицијата откако детето било донесено во комплексот клиники „Мајка Тереза“ во Скопје.

На пат кон болница починало тригодишно дете од Гевгелија

Според информациите од Министерството за внатрешни работи, на 21 ноември околу 13:40 часот во СВР Скопје пристигнала пријава од клиниките дека кај нив било донесено починато дете. Претходно, детето имало здравствени проблеми, но починало за време на транспортот кон болницата.

По пријавата, полициски службеници излегле на местото на настанот и презеле соодветни мерки. По насоки на јавен обвинител, телото на починатото тригодишно дете било предадено на семејството.

Засега во полициското соопштение не се наведени дополнителни детали за здравствените проблеми со кои се соочувало детето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер