Не секоја лоша детска навика треба да се занемари - Канал 5

Живот

Не секоја лоша детска навика треба да се занемари

Кога детето е во одредена „фаза“, често се слушаат совети од некој поискусен дека таа „фаза“ ќе помине. Тоа главно функционира правилно, но не секогаш.

Не секоја лоша детска навика треба да се занемари

Игнорирањето на „благото“ недолично однесување донекаде му покажува на малечкото дека лудориите не привлекуваат внимание. И, тоа е полезно. Тој потег ја намалува веројатноста детето да го повтори тоа непримерно однесување во иднина. Сепак, не треба секоја лоша детска навика да се занемари. Ако сѐ се игнорира, тоа може да доведе до поголеми проблеми. Следат неколку примери.

Ги прекинува возрасните додека зборуваат

Кога дете е видно возбудено и сака да раскаже за важен дел од својот ден и му дозволувате да се вклучи во разговорот, како родител му давате порака дека тоа е во ред. Одобрувањето и терањето да се исчека - тоа го учи детето да се изрази себеси, но и да биде внимателно кон другите луѓе кога зборуваат, објави порталот „Кликс“.

Следниот пат кога детето ќе сака нестрпливо да го сподели тоа што го возбудува, советот гласи: Бидете „зафатен“ родител. Предложете му некои играчки или игри со кои ќе си играат. Ако постојано Ве прекинува, повторно одново и назад во вистинската насока.

Преувеличување

Децата често ќе речат, на пр., дека изеле сѐ што е во чинијата, а се гледа дека храната е едвај допрена. Оваа мала лага не е баш штетна, но сепак - е лага. Со текот на времето, тие ситни лаги најчесто стануваат покрупни.

Битно: Дете на возраст од две до четири години не знае точно што е вистина, но тука некаде почнуваат да осознаваат. Кога детето ќе ја каже вистината, пофалете го. Охрабрете го да биде искрено, дури и ако тоа значи дека може да падне во неволја.

Се прави дека не слуша

Се чини, скоро сите родители го преживеале ова. Не е в ред возрасниот да повторува три или четири пати за да го натера детето да ги собере играчките или да влезе во автомобилот...

Возрасниот е воспитувачот. Ако порано не се справи со тоа, подоцна проблемот само ќе се влоши.

Груба игра

Кога детето во игра ќе удри некого, родителот дејствува и интервентно и превентивно. Но и при „помеки“ потези на агресија, како што е туркање на помалиот брат или сестра, па дури и најмало непоттикнато подвикнување - не смее да се занемари.

Совет: Против агресивното однесување се делува веднаш. Родителот го тргнува детето настрана и му кажува дека тоа не е во ред. Не е в ред да се повреди некого.

Слатки

Можеби е симпатично кога двегодишно дете ќе земе колаче од масата без прашање, но тоа најверојатно ќе се повтори и ќе се повторува. Затоа е важно детето да ги знае куќните правила.

Своеглавост

Често погрешно се мисли дека оној типичен младешки „цврст став“ и бунтовноста се јавуваат во тинејџерските години. Всушност, тоа почнува многу порано. И децата од предучилишна возраст го имитираат однесувањето на родителот за да видат каква реакција ќе добијат. Родителите може да го игнорираат тоа како „само фаза“... Но, ако тоа прерасне во тврдоглавост, инает и своеглавост, кај десетгодишник сѐ тоа многу потешко може да се контролира. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се појавува нов план: Канада сака „влезница“ за ЕУ

Канадскиот премиер Марк Карни сака поблиски врски со Европската Унија и ја разгледува можноста неговата земја да стане „придружна членка“ на блокот, објави денес американскиот весник „Волстрит џурнал“.

Се појавува нов план: Канада сака „влезница“ за ЕУ

ЕУ, која во минатото не покажа флексибилност кога станува збор за правилата за членство, е отворена за идејата за доделување статус на придружна членка на Канада, кој сè уште не е дефиниран, објави весникот, повикувајќи се на неименувани претставници на ЕУ и Канада.

Канадската амбасада во Брисел и портпаролите на Европската комисија не одговорија на конкретните барања за коментар, објави „Ројтерс“.

Ескалацијата на трговската војна на Канада со САД го забрза стратешкиот пресврт на земјата кон други трговски партнери.

Односите меѓу Канада и Вашингтон нагло се влошија откако американскиот претседател Доналд Трамп се врати во Белата куќа на почетокот на 2025 година, поради несогласувања околу трговијата и други прашања, потсетува агенцијата.

Трговскиот спор доведе до воведување царини на десетици милијарди долари во прекугранична трговија.

Канада и ЕУ разгледуваат начини да овозможат слободно движење на канадски стоки, услуги и работници ангажирани во стратешки синџири на снабдување, како што се енергетиката, вештачката интелигенција, одбраната и критичните минерали, што, всушност, би ја поместило границата на ЕУ, објави „Волстрит џурнал“.

Весникот додаде дека двете страни разговараат и за поставување подводни кабли, заедничка изградба на центри за податоци, капацитет за складирање во облак, како и нови сателитски мрежи и инфраструктура за транспорт на канадски енергетски производи во ЕУ.

Карни постојано разговарал со неколку лидери на ЕУ, а особено со францускиот претседател Емануел Макрон, за можноста да им се дозволи на Канаѓаните да живеат и работат во ЕУ без визи, објави весникот, повикувајќи се на двајца неименувани функционери запознаени со ситуацијата. Двајцата лидери треба да се сретнат подоцна овој месец.

Извор: Б92

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер