Не можете да заспиете и се превртувате во креветот? - Канал 5

Здравје

Не можете да заспиете и се превртувате во креветот?

Инструкторка по јога нуди решение за тоа како да се ослободите од несоницата!

Не можете да заспиете и се превртувате во креветот?

Сосема природен начин на опуштање пред да посегнете по таблетите.

Проблемите со спиењето и несоницата се сè почести. Сè повеќе луѓе имаат проблем со спиењето, па наместо здрав сон и одмор, се превртуваат со часови во креветот. Во таквите ситуации, повеќето прибегнуваат кон таблети за спиење со цел да заспијат и да се одморат што е можно подолго време. Но, постојат бројни стручни совети за тоа како да се ослободите од несоницата, да заспиете побрзо и полесно, но ретко кој размислува на дишењето.

Инструкторката по јога, Бавини Виасо, сподели три практични начини за правилно и свесно дишење, кое може да ви помогне полесно да заспиете ноќе, пренесува „yahoo.com“.

1. Наизменично дишење преку ноздрите

За правилно изведување на оваа вежба, потребно е удобно да седнете на подот и да ја ставите левата рака во положбата „брада мудра“, односно позиција во која палецот и показалецот се допираат, а останатите прсти се целосно опуштени во скутот. Со десната рака, нежно поставете го палецот на надворешната страна од десната ноздра, показалецот и средниот прст треба да се потпираат на челото додека домалиот и малиот прст се на левата ноздра.

Со затворени очи вдишете низ двете ноздри. Затворете ја десната ноздра со десниот палец и издишете преку левата. Потоа, вдишете низ левата ноздра и затворете ја, а издишете низ десната. Повторете го ова најмалку шест пати додека вашиот здив не стане долг и длабок.

2. Брахмари Пранајама

Ставете ги показалците на ушната ‘рскавица, потоа вдишете длабоко преку носот, а издишете преку устата, правејќи звук на зуење на пчела. Додека издишувате зуејќи, нежно отворајте ги и затворајте ги ушите со прстите, треба да слушнете ритмичко зуење. Ова би требало да се повтори три пати во оваа рутина пред спиење.

3. Брахмари 2. дел

Затворете ги очите и ставете ги палците на надворешната страна на секое уво. Показалците треба да ви бидат над очните капаци, средните прсти на надворешната страна на носот, домалите прсти над горната усна, а малите прсти кон брадата.

Вдишувајте долго и длабоко и издувајте потпевнувајќи. Повторно нежно отворете ги и затворете ги ушите, би требало да слушнете ритмичко брмчење. Оваа последна вежба треба да ја повторите најмалку трипати, а потоа легнете и одморете се.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел .

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел предизвикана од тековната ерупција на вулканот Анак Кракатау, соопшти главниот аеродром во Џакарта на Инстаграм.

Прекинот на сообраќајот претходно беше планиран до 5:30 часот наутро, што влијаеше на 33 летови, вклучувајќи неколку меѓународни, соопшти индонезиското Министерство за транспорт.

Вулканот еруптира од петокот

Вулканот Анак Кракатау еруптира со денови, а вулканска пепел беше забележана на аеродромот рано во неделата, според соопштението.

Агенцијата за ублажување на катастрофи во саботата објави дека нема непосредна опасност од цунами предизвикано од вулканот.

Тагови: вулкан Џакарта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер пристигнаа во Киев, прв пат од почетокот на војната

Специјалните претставници на американскиот претседател, Стив Виткоф и Џаред Кушнер, денеска пристигнаа во Киев, што е нивна прва посета на Украина од почетокот на руската инвазија. 

Виткоф и Кушнер пристигнаа во Киев, прв пат од почетокот на војната

Нивното пристигнување доаѓа по значајната средба со рускиот лидер Владимир Путин во Москва.

Виткоф и Кушнер патуваа со воз од Полска, каде што претходно слетаа во Жешов. Нивната посета на Киев доаѓа во време кога Украина ја нагласува важноста на конструктивните и суштинските разговори со САД, според претседателот Володимир Зеленски.

Специјалните претставници беа во Москва вчера, каде што се сретнаа со Путин. Разговорите траеја повеќе од три часа, што укажува на сложеноста и важноста на дискусиите што се водат во контекст на сегашните геополитички тензии.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

Фински државјанин синоќа пријавил дека му е оштетено ветробранското стакло на Мерцедесот, кој бил паркиран на Бит пазар во Скопје. 

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

На 05.09.2026 во 19:33 часот во СВР Скопје, А.М.(30) од Финска пријави дека околу 19:10 часот на подрачјето на Бит Пазар во Скопје, му било оштетено ветробранското стакло на неговото паркирано патничко возило „мерцедес“ со фински национални ознаки.

Тој пронашол едно зрно од огнено оружје во внатрешниот дел на возилото и едно зрно надвор од возилото.

Извршен е увид од увидна екипа на СВР Скопје и се преземаат мерки за расчистување на случајот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер