Не можел да голта, па отишол на доктор- му извадил животно од 5 сантиметри и се шокирале - Канал 5

Живот

Не можел да голта, па отишол на доктор- му извадил животно од 5 сантиметри и се шокирале

Маж (55) од Сингапур ја посетил болницата бидејќи имал проблеми со голтањето, а лекарите му пронашле октопод во хранопроводникот.

Не можел да голта, па отишол на доктор- му извадил животно од 5 сантиметри и се шокирале

Имено, тој контактирал со лекарите откако изел оброк од октопод, пренесува Mirror.

Мажот, кој сакал да остане анонимен, им рекол на лекарите дека почнал да повраќа веднаш по јадењето. Хранопроводникот бил блокиран и лекарите направиле КТ скен, кој открил хипергуста маса во неговиот душник.

На пациентот му била направена гастро дуоденоскопија на хранопроводникот, на која се гледал октопод од 5 сантиметри заглавен со пипалата. Сепак, лекарите се мачеле да го извлечат. Со инструмент сличен на маша ја фатиле главата на октоподот и така го извадиле. Пациентот брзо закрепнал од процедурата и бил отпуштен два дена подоцна. Лекарите рекоа дека блокадите од храна се еден од најчестите проблеми со кои се соочуваат во работата во болницата.

Тие наведуваат дека проблемите со гушење од храна поминуваат спонтано во 80 до 90% од случаите. Ендоскопски третман ќе биде потребен во 10 до 20% од случаите, додека за помалку од 1% е потребна операција.

„Методот „туркање“ е примарен метод препорачан со високи стапки на успех, меѓутоа, примената на премногу сила може да предизвика перфорација на хранопроводникот“, велат тие.

Иако звучи страшно, лекарите не биле премногу изненадени од оваа ситуација, а еден од нив се присетил дека имало човек кој успеал да проголта цел мобилен телефон! Пациентот признал дека го проголтал апаратот шест месеци пред скенирањето, но премногу се срамел да го каже тоа.

Се надевал дека уредот природно ќе го напушти неговото тело, но за жал, му се заглавил во стомакот. Тоа го блокирало преминувањето на храната низ него и предизвикало повреди опасни по живот за кои била потребна итна операција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Зверев на тронот во Њујорк за втора Грен слем круна

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Руски дрон удрил воз во близина на украинско-полската граница, кратко откако поранешниот британски премиер Борис Џонсон и поранешниот премиер на Шведска Карл Билд и високи европски безбедносни претставници поминале низ неа.

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Нема информации за жртви по ударот кај Јаходин, во кој беше погодена локомотивата на возот. Сите патници се евакуирани, соопштија украинските власти.

Билд,Џонсон и други европски советници за национална безбедност, вклучувајќи го и британскиот советник Џонатан Пауел, поминале по истата линија во друг воз на враќање од конференција во Киев.

Русија соопшти дека погодила „железничка инфраструктура“ во западна украина, но украинската државна железничка компанија соопшти дека „сосема е можно целта на овој дрон да бил дипломатскиот воз“.

Поранешниот шеф на ЦИА, Дејвид Петреус, кој во времето на нападот се наоѓал во друг воз на станицата Јаходин, рече дека инцидентот бил „застрашувачки“.

Возот „ја напуштил станицата порано од очекуваното поради промената на возниот ред... Поради постојаните закани за руски напади“.исто така, се наведува дека наредба за евакуација на патниците во погодениот воз била дадена „само 15 минути“ пред нападот од страна на руски дрон со млазен погон.украинскиот министер за надворешни работи Андриј Сибиха рече дека „варварските напади“ на украинско-полската граница во Јаходин се еднакви на „терористичко тропање директно на вратите на ЕУ и НАТО“„

Тагови: дрон русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер