Кошарка

НБА воведе нова голема индивидуална награда

Наградата за најкорисен играч во основниот дел од сезоната (Most Valuable Player) во НБА лигата од денеска го носи името на Мајкл Џордан, соопшти канцеларијата на лигата.

Трофејот кој го освои центарот на Денвер Нагетс, 27-годишниот српски кошаркар Никола Јокиќ, во последните две години претрпе редизајн и е еден од шесте трофеи кои денес добија нов облик, а се појавија и нови имиња, според легендарните кошаркари кои ја одбележаа историјата на НБА низ нејзиното 75-годишно постоење.

Мајкл Џордан според многумина е најдобриот кошаркар на сите времиња. Тој ги предводеше Чикаго Булс до шест титули во НБА лигата и во сите шест финалиња ја освои наградата за МВП, именувана по неодамна починатата легенда Бил Расел, а во текот на својата ѕвездена кариера пет пати ја освои наградата за најкорисен играч во регуларниот дел од сезоната.

Џордан учествуваше во креативниот процес на создавање на бронзената статуа која ќе му биде доделена на најдобриот играч на НБА од оваа сезона. Трофејот е висок околу 60 см (23,6 инчи) и тежок околу 10,7 кг (23,6 фунти), во кој има симболика бидејќи бројот 23 го претставува бројот на Џордан, кој го носеше во поголемиот дел од неговата НБА кариера, а бројот 6 го претставува број на освоените титули.

Петстраната основа на трофејот е потсетник на неговите пет МВП трофеи освоени во регуларниот дел од сезоната, а 23-те врвови на дијамантската топка што фигурата ја држи во неговата испружена рака се однесуваат и на бројот што го носел Џордан.

Трофејот за најдобар одбранбен играч е именуван по Хаким Олаџувон, кој за време на својата богата кариера два пати го прими во Куќата на славните на кошарката, а девет пати беше избран за најдобрата одбранбена постава на НБА.

Наградата за најдобар дебитант во сезоната го носи името на Вилт Чембрлен, легендарниот центар до чија статистика од првата сезона во НБА лигата никој не успеа да се доближи.

Во својата прва сезона, Чембрлен имаше просек од 37,9 поени и 27 скока поминувајќи повеќе од 46 минути во игра, а покрај наградата за најдобар дебитант, ја заслужи и наградата МВП како најкорисен играч на сезоната. Наградата за најдобар шести играч од денеска го носи името на Џон Хавличек.

Во првите седум сезони од кариерата доаѓаше од клупата, но благодарение на големиот придонес четири пати беше избран во Ол-стар тимот.

Наградата за најподобрениот играч од оваа сезона го носи името на Џорџ Микан, американски кошаркар кој важи за прв доминантен центар во НБА. Новосоздадената награда за одлучувачки играч на сезоната го носи името на Џери Вест, легендата на Лос Анџелес Лејкерс.

Познатиот коментатор на натпреварите на овој клуб, Чик Херн, му го дал прекарот Mистер Клач, поради неговата извонредна способност да погодува одлучувачки удари во последните моменти. За оваа награда ќе одлучува жири составено од претставници на медиумите, а кандидатите за наградата ќе ги номинираат главните тренери на НБА клубовите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Како да избегнете опуштена кожа по слабеење? Обрнете внимание на пет работи

Многумина се одлучуваат да ослабат за да се чувствуваат подобро во сопственото тело, но тој процес понекогаш носи и несакан ефект: опуштена кожа.

Многумина се одлучуваат да ослабат за да се чувствуваат подобро во сопственото тело, но тој процес понекогаш носи и несакан ефект: опуштена кожа. Ова често се случува по нагло губење на тежината и може негативно да влијае на самодовербата. Еластичноста на кожата може донекаде да се зачува преку постепено слабеење, исхрана богата со клучни хранливи материи и избегнување на пушење и прекумерно изложување на сонце, пренесува Health.com.

Стратегии за одржување на еластичноста на кожата

Постепеното слабеење ѝ дава повеќе време на кожата да се прилагоди на намалувањето на масното ткиво. Важен е и тренингот за сила; градењето мускули може да го подобри изгледот на деловите каде што кожата станала опуштена.

Важна улога игра и урамнотежената исхрана која треба да вклучува доволно висококвалитени протеини протеини (од посно месо, риба и мешунки) и есенцијални масни киселини (од јаткасти плодови и семиња), но и хранливи материи што го поттикнуваат производството на колаген, како што е витаминот Ц, кој се наоѓа во цитрусните овошја, бобинките и пиперките.

На крајниот резултат влијаат возраста, генетиката, пушењето, изложувањето на сонце и времетраењето во кое кожата била растегната.

Нега на кожата по слабеење

По значително губење на тежината, кожата природно се затегнува додека се прилагодува на новиот облик на телото – процес што може да трае и до една година. Соодветната нега може да го поддржи ова закрепнување. Употребата на хидратантни средства ја зајакнува заштитната бариера на кожата. Некои луѓе се одлучуваат и за додатоци во исхраната што содржат колаген или колагенски пептиди.

Разликата помеѓу опуштена кожа и масно ткиво

Понекогаш може да биде тешко да се направи разлика помеѓу вишокот кожа и преостанатите поткожни масти. Опуштената кожа претставува тенок слој што лежи врз мускулот, додека поткожните масти се подлабок и погуст слој на масно ткиво. Еден едноставен тест може да помогне во нивното разликување: ако ја фатите кожата со прстите и почувствувате дебел, сунѓерест слој, веројатно се работи за масно ткиво, а не само за вишок кожа.

Опции за затегнување на кожата

Ако и по подолг период не сте задоволни од изгледот на вашата кожа, на располагање се професионални процедури кои можат да помогнат. Во одредени случаи – на пример, кога вишокот кожа предизвикува болка или го ограничува движењето – овие процедури можат да имаат и функционална намена. Бидејќи повеќето од нив се естетски третмани, обично не се покриени со здравствено осигурување. Како и сите медицински процедури, тие носат одредени ризици за кои треба да се разговара со лекар.

Што ја одредува еластичноста на кожата?

Структурата и цврстината на кожата се обезбедени преку мрежа од колагенски и еластински влакна. При зголемување на телесната тежина, овие влакна се истегнуваат за да покријат поголема површина на телото. Ако кожата остане истегната подолг период, влакната може да се оштетат, што го отежнува враќањето на кожата во првобитната состојба по губењето на тежината. Со текот на годините, оваа мрежа природно се разградува, поради што кожата ја губи својата еластичност. Пушењето и прекумерното изложување на сонце дополнително ги оштетуваат колагенот и еластинот. Дебелината сама по себе исто така има негативно здравствено влијание.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на литургија во црквата „Св. Кирил и Методиј“ во Њу Џерси и средба со македонска заедница.

Денеска присуствував на литургија во црквата „Св. Кирил и Методиј“ во Њу Џерси, каде што остварив средба и со нашата македонска заедница, напишана својот профил на Фејсбук,премиерот Христојан Мицкоски

Благодарност за топлото гостопримство и за посветеноста со која Македонците во дијаспората ја чуваат врската со татковината.

Нашата грижа и поддршка за македонските заедници надвор од Македонија останува силна, затоа што каде и да се нашите луѓе, таму е и дел од Македонија, стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Голферка во секси бикини

Голф-сензацијата Пејџ Спиранач, која има повеќе од четири милиони следбеници на Инстаграм, ги воодушеви фановите со фотка на која покажа како ужива на сонце во минијатурно бикини.

Покрај првата фотографија, Спиранач напиша: „Сега е време за ден покрај базенот“. Потоа, ѕвездата на голфот објави уште една атрактивна фотографија од својот сончев одмор.

Таа дефинитивно знае како да го привлече вниманието и да го задржи интересот на своите следбеници за сè што се случува.

Сега следи помирен период, бидејќи сите големи турнири за оваа година се завршени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.