НБА шампион ја породил пејачката по која лудуваат во САД, па му ги зела сите пари (ФОТО) - Канал 5

Кошарка

НБА шампион ја породил пејачката по која лудуваат во САД, па му ги зела сите пари (ФОТО)

Договорот за развод помеѓу пејачката Тејана Тејлор и поранешниот кошаркар Иман Шумперт е финализиран, а условите се на насловните страници поради нивната неверојатна вредност.

НБА шампион ја породил пејачката по која лудуваат во САД, па му ги зела сите пари (ФОТО)

По години брак, парот, кој се разведе во 2023 година, постигна правно обврзувачки договор во јуни 2024 година.

Тејлор, кој осум години беше во брак со поранешниот играч на Бруклин Нетс, треба да добие четири луксузни домови во вредност од над 10 милиони долари и разни луксузни возила, вклучувајќи Мајбах од 300.000 долари, Мерцедес Бенц од 70.000 долари и туристички автобус. Тејлор, исто така, ќе ја задржи целосната сопственост на своите бизниси.

Иман Шумперт во текот на својата НБА кариера заработил над 48.600.000 долари, а покрај за Бруклин, играл и за Хјустон, Сакраменто, Њујорк Никс и Кливленд, со кои освои НБА прстен во 2016 година.

И покрај нивниот развод, Тејлор има добри односи со Шумперт, инсистирајќи на тоа дека немало неверство при нивното раскинување.

-Да бидам искрена, јас и Иман веќе некое време сме разделени. Да бидам 1000% јасна, „неверството“ не е една од причините за нашето раскинување. Сè уште сме најдобри пријатели, одлични деловни партнери и пеколен тим кога станува збор за заедничко родителство на нашите две прекрасни деца“, рече Тејлор.

Она што е многу интересно за овој пар е тоа што Тејана Тејлор еднаш зборувала за своето прво пораѓање, во кое учествувал и самиот Иман Шумперт. Имено, породувањето започнало неочекувано брзо, а иницијативата ја презел Шумперт, бидејќи немало време да одат во болница.

Тој, како што изјавила Тејлор, асистирал до доаѓањето на лекарите, а потполно мирен сам ја пресекол и папочната врвца. По породувањето, Тејлор го нарече нејзиниот тогашен сопруг херој, а тој подоцна го доби прекарот „Доктор Шамп“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер