НБА кошаркарот Зајон Вилијамсон обвинет за силување - Канал 5

НБА

НБА кошаркарот Зајон Вилијамсон обвинет за силување

Играчот на Њу Орлеанс Пеликанс, Зајон Вилијамсон, е обвинет за силување од жена која се претставила како негова поранешна девојка.

НБА кошаркарот Зајон Вилијамсон обвинет за силување

Во тужбата, поднесена во четврток во Вишиот суд во Лос Анџелес, Вилијамсон е обвинет за две точки на силување, како и за „континуиран модел на злоупотреба, контрола и закани“.

Бидејќи станува збор за граѓанска тужба, не се поднесени кривични пријави против поранешниот прв избор на драфтот.

Жената, која се претставила како Џејн До, рекла дека почнала да се забавува со Зајон во 2018 година кога тој бил на Универзитетот Дјук и дека нивната врска траела до јуни 2023 година.

Според Џејн, првото силување се случило во септември 2020 година во домот на Вилијамсон во Беверли Хилс. Второто се случило еден месец подоцна во Сан Диего, кога Вилијамсон го зел телефонот и лаптопот на неговата тогашна партнерка откако сексуално ја нападнал за да не може да го пријави инцидентот во полиција.

Адвокатскиот тим на Вилијамсон ги негираше сите обвиненија, велејќи дека „дамата за која станува збор сакала да го искористи професионалниот спортист“. Тие ја опишаа нивната врска како „консензуална и необврзувачка“.

Вилијамс, кој има само 24 години, се сметаше за еден од најголемите надежни играчи во историјата на НБА. Сепак, неговата кариера е нарушена од повреди. Тој одигра само 30 натпревари за Њу Орлеанс изминатава сезона.

И покрај ова, Вилијамсон е меѓу најплатените кошаркари во најсилната лига во светот. Оваа сезона, тој собра речиси 37 милиони долари само од својот договор./МИА

Тагови: НБА силување Вилијамсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ќе пропаднат ли 4,2 милиони евра? Денеска истекува рокот за Изборниот законик кој е дел од реформската агенда

Денеска  истекува рокот за Изборниот законик кој е дел од реформската агенда, но нема изгледи дека ќе дојде до поместување кај политичките партии. 

Ќе пропаднат ли 4,2 милиони евра? Денеска истекува рокот за Изборниот законик кој е дел од реформската агенда

Евроамбасадорот Рокас вчера рече дека очекува решение и ги повика политичките партии да постигнат договор затоа што решението е важно за реформите, европските средства и за напредокот на државата.

– Навистина се надевам, има уште еден ден за да се постигне консензус. Координаторите на партиите се среќаваат на дневна основа и се надевам дека овој чекор ќе биде постигнат. Како што знаете и како што беше објавено во јавност се работи за 4,2 милиони евра коишто би биле искористени како бенефит за македонските граѓани и се надевам дека овој консензус ќе биде постигнат до крајот на утрешниот ден, изјави вчера евроамбасадорот Михалис Рокас.

Левица се обиде во понеделникот да иницира средба на опозициските партии на која требаше да ги усогласат барањата за да и ги достават на власта, но до средба не дојде откако опозициската СДСМ одби да присуствува.

Мицкоски е тој кој сака закон со кој ќе може да се крадат гласови од дијаспората, наведоа од СДСМ.

Тагови: Михалис Рокас Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Лишен од слобода Александар Лазаров- Цуната кој избега од Полициска станица во Кочани

На 14.07.2026 по добиени оперативни информации за лице за кое од страна на МВР е распишана централна и меѓународна потерница, од страна на полициски службеници од СВР Скопје-Потраги од слобода е лишен Александар Лазаров (41) од Кочани.

МВР: Лишен од слобода Александар Лазаров- Цуната кој избега од Полициска станица во Кочани

За Александар Лазаров беше распишана потерница по барање на Основен суд Кочани осомничен за сторено кривично дело по член 215 став 1 од Кривичниот законик. Лицето е спроведено во Полициска станица Кисела Вода за понатамошна постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Потврден е идентитетот на жртвите од пожарот во Шпанија; повеќето се странци.

Шпанските власти по обдукциите потврдија дека дванаесет од тринаесетте жртви на смртоносниот шумски пожар што ја зафати Андалузија биле странски државјани.

Потврден е идентитетот на жртвите од пожарот во Шпанија; повеќето се странци.

Пожарот избувна минатиот четврток војугоисточна покраина Алмерија, област популарна кај странските жители по должината на медитеранскиот брег, објави „Еуроњуз“.

Официјалното соопштение укажува дека седум жртви биле од Обединетото Кралство, три од Белгија и по една од Франција и САД. Последната, тринаесетта жртва била шпански државјанин. „Тринаесетте починати вклучуваат осум жени и пет мажи, сите возрасни“, додаде телото одговорно за идентификација.

Во меѓувреме, Интегрираниот центар за податоци (CID) објави дека бројот на случаи на исчезнати лица се зголемил на десет по новиот извештај за две лица. Пожар уништи седум квадратни километри Пожарот, разгорен од силни ветрови, се запалил кога далновод паднал на патот.

Пламените јазици проголтале шуми и вегетација - кои се претвориле во суво гориво поради екстремно високите температури - оставајќи ги живописните рурални населби опустошени. Површина од приближно седум квадратни километри изгоре во пожарот, еден од најсмртоносните во Шпанија во последните години.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер