НБА ја објави листата на 75 најдобри кошаркари во историјата - Канал 5

НБА

НБА ја објави листата на 75 најдобри кошаркари во историјата

Најсилното светско кошаркарско првенство НБА лигата ја објави листата на 75 најдобри кошаркари на сите времиња.

НБА ја објави листата на 75 најдобри кошаркари во историјата

На листата полна со кошаркарски легенди се само двајца преставници од Европа, славниот Германец Дирк Новицки и натурализираниот Грк Јанис Адетокумбо.

Пред три дена во кошаркарските арени низ САД стартуваше 75 сезона од НБА лигата, во таа чест секој ден беа објавувани листи од по 25 кошаркари, кои според реководството на лигата се најдобрите во кралицата на спортските игри во историјата.

Првата ноќ во НБА беа објавени 25 имиња на кошаркари од листата на најдобрите на сите времиња.

На оваа листа се Карим Абдул Џабар, Јанис Адетокумбо, Нејт Арчибалд, Чарлс Баркли, Боб Кузи, Дејв Ковенс, Кевин Дурент, Џулиус Ирвинг, или Др Џеј, Џорџ Гервин, Хал Грир, Џејмс Харден, Елвин Хејс, Џери Лукас, Мозес Мелоун, Кевин Мекхејл, Џорџ Мајкан, стив Неш, Дирк Новицки, Хаким Олаџувон, Боб петит, Вилис Рид, Оскар Робертсон, Дејвид Робинсон, Бил Расел и Џон Стоктон.

Во вториот ден беа објавени нови 25 кошаркари, на оваа листат се: Мајкл Џордан, Лери Бирд, Скоти Пипен, Кевин Гарнет, Тим Данкан, Пол Арзин, Рик Бери, Вилт Чембрлен, Клајд Дрекслер,ППатрик Јуинг, Волт Фрејзер, Џон Хавличек, Ален Ајверсон, Меџик Џонсон, Сем Џонс, Карл Мелоун, Роберт Периш, Крил Пол, Бил Шарман, Ајзеа Томас, Нејт Тармонд, Вест Анселд, Бил Волтон, Џери Вест и Џејмс Ворти.

Листата на најдобрите 75 кошаркари во историјата на НБА е комлетирана утрово со нови 26 имиња, што значи дека раководството на НБА сепак одлучило да има 76 кошаркари на вечната листа.

На последниот список се имињата на Долф Шејс, Елџин Бејлор, Пит Маравич, Дејв Бинг, Лени Вилкенс, Били Канингем, Ерл Монро, Дејв Дебушир, Шекил О Нил, Доминик Вилкинс, Денис Родман, Реј Ален, Двејн Вејд, Коби Брајант,Џејсон Кид, Гери Пејтон, Боб Макаду, Пол Пирс, Стеф Кари, Реџи Милер, Кармело Ентони, Леброн Џејмс, Кавај Ленард,Демијен Лилард, Расел Вестбрук, и Ентони Дејвис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто не треба да спиете голи во лето?

Кога температурите остануваат високи ноќе, спиењето без облека изгледа како најлесниот начин да се разладите.

Зошто не треба да спиете голи во лето?

Сепак, Џулиус Патрик, кој се бави со физиологија на спиењето, предупредува дека лесната облека може да биде подобар избор.

„Иако е примамливо да спиете без облека за да се разладите, ова може да го влоши вашиот сон. Кога спиете голи, потта останува на вашата кожа“, рече Патрик. Затоа препорачува лесна облека за спиење. „Ако носите лесна облека, таа ја апсорбира потта и затоа може поефикасно да ве разлади“, објасни тој.

Важно е да се запомни дека температурата на вашето тело природно паѓа во текот на ноќта, па она што се чувствува удобно на почетокот на спиењето подоцна може да стане премногу ладно.

Како полесно да заспиете кога е жешко

Еден од првите чекори е да спречите вашата спална соба да стане премногу жешка во текот на денот. Затоа е добра идеја да ги затворите завесите или да ги спуштите ролетните кога е најжешко надвор. Ако е постудено надвор отколку внатре ноќе, отворете ги прозорците и обидете се да создадете провев. Ова може да помогне да се олади просторијата пред да си легнете.

Не мора да се откажете ниту од целата постелнина. Патрик препорачува да имате при рака лесен памучен чаршаф, бидејќи може да ја апсорбира потта. Дебел јорган не е неопходен во топлите ноќи, но тенок чаршаф може да биде корисен.

И туширањето може да помогне

Патрик, исто така, препорачува брзо туширање пред спиење. Не мора да биде ладно - некои луѓе може да сметаат дека топол туш или када се поудобни. Тој вели дека топол туш може да помогне во намалувањето на телесната температура, што може да ви помогне полесно да заспиете и да останете заспани подолго.

Значи, ако ви е премногу топло во жешка ноќ, спиењето голи не е вашата единствена опција. Лесна облека, пространа памучна постелнина, ладна соба и туширање пред спиење можат да бидат едноставни начини да ви помогнат да се справите со топлината.

Фото: ВИ

Извор: Индекс.хр

Тагови: спиење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер