НБА ѕвезда не сака да се вакцинира и бара верски причини за да може да игра

И покрај тоа што НБА не прогласи дека вакцинацијата против ковид е задолжителна за играчите, во некои градови локалните власти не дозволуваат луѓето кои не сакаат да се вакцинираат да влегуваат во салите.

Еден од нив е Ендрју Вигинс, чии Голден Стејт Вориорс играат домашни натпревари во Сан Франциско.

San Francisco Chronicle пишува дека Вигинс можел да добие „верски исклучок“, но дека градскиот оддел за јавно здравје нема да коментира ништо додека НБА не го одобри исклучокот.

„Во моментов го решаваме прашањето за барањата за верски ослободувања од вакцинација во многу индустрии, а во следниот чекор, исто така, ќе работиме со деловни и забавни активности“, објавил Одделот.

Ако Вигинс не добие исклучок, нема да му биде дозволено да игра на домашните натпревари на Вориорс, а секое пропуштено натпреварување од таа причина ќе го чини повеќе од 350.000 долари.

Вориорс неодамна го испратија својот играч кај лекар кој се занимава со прашањето за страв од вакцинација, но Вигинс не се премислил дури и откако разговарал со него.

Вигинс беше првиот пик на НБА драфтот во 2014 година и ги помина првите шест сезони во Минесота Тимбервулфс. Тој никогаш не ги исполнил очекувањата поврзани со првиот избор на драфтот, но сепак има просек во кариерата од 19,5 поени.

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

Условите за избор на Мис на Франција ги шокираа кандидатките, подготвија тужба

Француските активистки за правата на жените поднесоа тужба против организаторите на изборот Мис Франција за дискриминација, пренесува порталот Франс инфо.

Групата Osez le féminisme (Осмели се за феминизмот) со три одбиени кандидатки ја обвинија Мис Франција и Ендемол за дискриминација на работа. Тие тврдат дека е неприфатливо условот за избор да е висината над 170 сантиметри, кандидатките да не се во брак и да се „претставнички на убавината“.

„Според францускиот закон, забранет е секаков вид дискриминација врз основа на возраста, моралот, физичкиот изглед и семејниот статус“, изјавила за АФП Виолан Де Филипис-Абате, адвокат на групата „Осез ле феминисме“.

Но, прашање е дали француските натпреварувачки можат да се третираат како вработени. Имено, тие потпишуваат договор, но тоа не е договор за вработување. Француските медиуми пишуваат дека тужителите сега се повикуваат на судската одлука од 2013 година, кога поранешниот кандидат за г -дин Франција ги тужел организаторите од слични причини.

притисни ентер