Македонија

НБ: Работен состанок со претставници на Централната банка на Италија за размена на искуства

Работен состанок со претставници на Централната банка на Италија за размена на искуства против фалсификувањето пари.

Во Народната банка се одржа работна средба меѓу гувернерката Анита Ангеловска-Бежоска, нејзиниот тим и италијанскиот амбасадор во земјава Паоло Палминтери и високите претставници од Одделот за борба против фалсификување пари на корпусот на Карабинерите, генерал - командант Џанлука Витаглиано и поручник Пиер Луиџи Фери заради размена на искуства и истражни техники против фалсификување пари. На средбата беше заклучено дека Народната банка постојано ги јакне своите капацитети во овој домен следејќи ги европските стандарди. Притоа беше истакнато дека меѓународната соработка е од исклучително значење за справувањето со овие појави и дека соработката помеѓу двете централни банки и натаму ќе се зајакнува преку повеќе форми. Амбасадорот ѝ честиташе на Народната банка за успехот поврзан со пристапувањето кон СЕПА (Единствената област за плаќање во евра).

Како што информира Народната банка, на работниот состанок на кој присуствуваа и претставници од Министерството за внатрешни работи од Одделот за финансиски криминал, тимот на Дирекцијата за трезорско работење организира презентација во однос на правната регулатива, институционалната поставеност и начинот на функционирање на системот за борба против фалсификувањето пари, како и за заштитните елементи на денарите.

Беше претставена улогата на Народната банка, која, како единствена овластена институција во земјава, им дава постојана поддршка на вработените во кредитните институции и центрите за готовина преку задолжителни обуки за рачна проверка на автентичноста и соодветноста на парите во оптек и преку специјализирани обуки за полициските и царинските службеници, како и за експертите од останатите институции коишто во рамките на своите надлежности преземаат активности за спречување на и справување со фалсификувањето на пари.

На состанокот беше оценето дека мерките и активностите насочени кон спречување и справување со фалсификувањето имаат суштинско значење за целокупниот интегритет и зајакнувањето на стабилноста на домашната економија и на финансискиот систем во земјата, како и за заштитата на финансиските интереси на останатите земји чии валути циркулираат во нашиот платен промет.

Посетата беше остварена во рамки на проектот „Перикле IV“ (2021 − 2027), програма насочена кон финансирање размена на персонал, семинари, обуки и студии за органите за спроведување на законот и судските органи, банките и другите институции вклучени во борбата против фалсификувањето на еврото. Активностите се одвиваат во еврозоната, во земјите на ЕУ надвор од еврозоната и во трети земји.

Тагови: Народна Банка

Свет

Хорор во Италија: Со автомобил се забил во толпа среде прослава – има мртви и повредени (ВИДЕО)

Едно лице загина, а најмалку едно е тешко повредено кога автомобил влета во толпа луѓе во италијанскиот град Ланчано.

Трагедијата се случила по пладнево, за време на прославата на Денот на ослободувањето на Италија, објави Тг24..

Според првичните информации, автомобил прегазил неколку пешаци, а најмалку едно лице загинало. Несреќата се случила по настан на Плоштадот на мирот, во близина на споменикот на хероите, кога автомобилот со голем абрзина влетал во толпа луѓе.

Речиси сите учесници на настанот се упатувале кон Плоштадот за да ги продолжат комеморациите, кога одеднаш автомобил, управуван од постар маж, влезе на улицата со голема брзина и ги прегази луѓето.

Најмалку две лица биле фрлени во воздух од силината на ударот, а едно од нив, 81-годишен поранешен карабинер, починал на самото место. Меѓу повредените е и 68-годишна жена која претрпела повреди на главата и 'рбетот. Возачот на автомобилот, исто така, бил повреден, при што се здобил со повреди на главата. Сите повредени се од Ланчано.

Карабинери, пожарникари, брза помош и хеликоптер биле на местото на настанот...

Според првичните информации, не се сомнева дека станува збор за напад. Имено, зад воланот на автомобилот седел 80-годишен маж на кој, се чини, му се слошило додека возел. Откако ги прегазил пешаците, автомобилот удрил во друго возило, а потоа и во бетонска ограда, каде што застанал.

Тагови: италија толпа

Забава

Хајди Клум имаше незгода со ветерот на улиците на Њујорк (ФОТО)

Хајди Клум го привлече вниманието на минувачите во Њујорк кога доживеа моден проблем.

Познатата манекенка и водителка се појави во долга, црна јакна-фустан со висок шлиц, а налетот на ветерот речиси откри премногу.

Брзо се снајде

51-годишната поранешна манекенка брзо се снајде, го покри процепот со рацете и насмеано им позираше на фотографите, а сите беа набљудувани од двајца минувачи. Клум го комплетираше изданието со високи потпетици, црни очила за сонце и дијамантски обетки.

Патем, ова не е прв пат манекенката да привлече внимание со своето појавување во Њујорк. Кон крајот на март, таа се прошета низ Менхетен во јакна со длабоко деколте и проѕирна здолниште, привлекувајќи го вниманието на фотографите и минувачите.

Враќање на Project Runway

Супермоделот се враќа во „Проект писта“, американско ријалити шоу кое им дава можност на талентираните модни дизајнери да се натпреваруваат во креирање облека преку разни предизвици. Хајди Клум беше водителка на шоуто од неговото основање во 2004 година до 2017 година, а сега, по осумгодишна пауза, таа се враќа како водителка на 21-та сезона.

Тагови: Њујорк Хајди Клум

Свет

Му се влоши здравствената состојба на поранешниот претседател Жаир Болсонаро

Здравствената состојба на поранешниот бразилски претседател Жаир Болсонаро се влоши по операцијата на цревата пред речиси две недели, соопштија денес неговите лекари.

Медицинскиот тим во болницата „ДФ Стар“ во Бразилија, каде што Болсонаро продолжува да се опоравува на интензивна нега по операцијата, а состојбата му е влошена, соопшти дека поранешниот претседател има висок крвен притисок и дека резултатите од лабораториските тестови за црниот дроб се влошиле.

Лекарите рекоа дека Болсонаро денес ќе биде подложен на дополнителни скенирања, објави „Глоуб енд Меил“.

Болсонаро беше подложен на 12-часовна операција на цревата на 13 април, негова шеста операција по убодот во стомакот за време на предизборен митинг во септември 2018 година.

Болсонаро претрпе повеќе операции за време на неговиот претседателски мандат од 2019 до 2022 година.

Лекарите ја опишаа најновата операција како „најсложена“ досега.

Службеник на Врховниот суд во средата отишол во болничката соба на Болсонаро за официјално да го информира за почетокот на судењето за наводниот обид за државен удар.

Судски службеник изјави дека наредбата е издадена на 11 април, истиот ден кога Болсонаро првпат бил примен во болница со болки во стомакот.

Тагови: Болсонаро состојбата