Навроцки и Трамп разговараа за зголемување на американското воено присуство во Полска - Канал 5

Свет

Навроцки и Трамп разговараа за зголемување на американското воено присуство во Полска

Полскиот претседател Карол Навроцки изјави дека за време на вчерашната посета на Белата куќа разговарал со американскиот претседател Доналд Трамп за можноста за зголемување на американското воено присуство во Полска.

Навроцки и Трамп разговараа за зголемување на американското воено присуство во Полска

Навроцки изрази уверување дека разговорите ќе завршат успешно, иако се наоѓаат во почетна фаза. - За време на средбата дискутиравме за проширување на американското воено присуство во Полска... Особено сум задоволен што имаше конкретни разговори за овој проект, изјави тој по состанокот со Трамп.

Претседателот на САД потврди дека Вашингтон ќе задржи силно воено присуство во Полска. - Ќе останеме во Полска. Дури и ќе испратиме уште, ако тие сакаат, изјави Трамп. - Ние сме во целосна согласност со Полска, посочи американскиот претседател.

Трамп додаде дека односите меѓу САД и Полска отсекогаш биле стабилни, но „сега се подобри од кога било“. Тој потсети и дека неодамна јавно ја даде својата поддршка за кандидатурата на Навроцки на полските избори.

Посетата на Вашингтон е прва официјална задгранична визита на Навроцки, кој ја презеде функцијата претседател минатиот месец. Навроцки, поранешен боксер-аматер и историчар поддржан од конзервативната партија „Право и правда“, настојува да ги зајакне врските со Трамп во чувствителен момент за Варшава.

Навроцки се заблагодари на Трамп за поддршката и упати поздрав до милионите Американци со полско потекло. - Овие односи се многу важни за мене, за Полска и за Полјаците, нагласи тој, додавајќи дека сојузништвото е засновано на споделени вредности – независност и демократија.

На заедничката прес-конференција, синоќа двајцата лидери ја потврдија намерата за интензивирање на воената соработка. Трамп, исто така, го пофали Навроцки за победата на изборите, оценувајќи дека тој се борел во „тешка и валкана кампања, но ги победи сите со голема леснотија“.

Тагови: Доналд Трамп Навроцки Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски на средба со в.д. амбасадоrката на САД во Македонија, Никол Варнс: Во фокусот инфраструктурните проекти и стратешкото партнерство

Заменик претседателот на Владата и министер за транспорт, Александар Николоски, денеска оствари работна средба со Никол Варнс, вршител на должноста амбасадор на Соединетите Американски Држави во Република Македонија.

Николоски на средба со в.д. амбасадоrката на САД во Македонија, Никол Варнс: Во фокусот инфраструктурните проекти и стратешкото партнерство

На средбата се разговараше за тековните инфраструктурни проекти, економската соработка и можностите за понатамошно продлабочување на стратешкото партнерство меѓу двете земји.

Министерот Николоски истакна дека Владата е силно посветена на реализацијата на капиталните инфраструктурни инвестиции како значаен двигател на економскиот раст, регионалното поврзување и подобрувањето на квалитетот на живот на граѓаните.

На средбата беше потврдена заедничката определба за натамошно продлабочување на соработката во сите области од заемен интерес, во духот на традиционалното пријателство и партнерство меѓу двете земји.

Со почит,

Министерство за транспорт

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер